Rektor talabalar bilan uchrashdi

🇺🇿 Bugun, 7-fevral kuni O‘zbekiston Milliy universitetida rektor va talaba-yoshlar uchrashuvi bo‘lib o‘tdi. Universitet rektori, professor Inom Madjidov talabalar bilan ochiq muloqot o‘tkazib, ularning fikr va takliflarini tingladi.

🗣 Muloqotda rektor Prezidentimiz tashabbusi bilan talaba yoshlarning o‘qishi, yashashi, ilmiy tadqiqotlar olib borishi, o‘z iqtidor va salohiyatlarini yuzaga chiqarishlari, bo‘sh vaqtlarini mazmunli o‘tkazishlari uchun barcha sharoitlar yaratib berilayotganligi hamda ta’lim tizimidagi islohotlar samaralari haqida gapirdi.

Uchrashuv davomida faol va tashabbuskor talabalarni qo‘llab-quvvatlash, rektor stipendiyasini joriy etish, ijodkor yoshlarning she’riy bayozini tuzish va chop ettirish, media hamda musiqiy klublarni tashkil etish, ko‘zi ojiz talabalar uchun audiokitoblar ovozlashtirish bo‘yicha takliflar bildirildi.

⏺ Rektor talabalar tomonidan berilgan savollarga atroflicha javob berib, ko‘tarilgan masalalarning aksariyatini hal qilish bo‘yicha tegishli bo‘limlarga topshiriqlar berdi.

Batafsil 👉 nuu.uz

👉 На русском
👉 In English

Biz shu yerdamiz:
🌐 Veb-sayt 🕊Telegram 📱Facebook 📱Instagram 📺YouTube 🌐 Linkedin