Bizlarga muborak oyning ro'zasini farz qilgan Alloh taologa hamd-u sanolar bo'lsin!
Ummatlarga ro'za ahkomlari ta'limini bergan Rasululloh sollallohu alayhi vasallamga salot-u salomlar bo'lsin!

Avvalo, Robbimizdan ushbu oyning tashrifini barchamiz uchun xayrli va barakotli qilishini so'raymiz. Bizlardan ro'zalarimiz, ibodatlarimiz, ehsonlarimizni qabul etib, gunohlarimizni avf etishini ham so'raymiz.

Mohi Sharif yo'qotganimiz qalblarimizga xotirjamlik, yuzimizga samimiy tabassum, amallarimizda ixlos, ishlarimizda sobitlik va jamiki yaxshiliklarni olib kelishidan umidvormiz.

Alloh taolo qalblarimizni bir-biriga ulfat qilsin, himmatimizni baland qilsin. Notinch o'lkalarga nusrat, barcha mushkulotlarga yengillik bersin.

Karamli Zot mo'min-musulmonlarni bu oyning xayri va saodati ila rizqlantirib, do'zaxdan najot berishini va ofiyatini nasib etishini so'raymiz.

Bizlarni Ramazonda ziyon ko'ruvchilardan bo'lib qolishdan O'zi asrasin, g'aflat uyqusidan uyg'otsin, duolarimizni ijobat qilsin, rahmati bilan chulg'ab olsin.

Ramzon shukuhi hech birimizni tark etmasin, oylarning sultoni Mohi Ramazon dunyo ahliga qutlug' bo'lsin!

Xayrli duolar bilan Masnaviy Mayxonasi-ning jamoati.

💻Instagram 📝Telegram

📹Youtube

Yaqinlarga ulashing📲
t.me/Masnaviy_Mayxonasi ✅