Adashmasam, Oʻzbekistonda maktablar joylashgan oʻrni, reyting koʻrsatkichlari, sharoitlari va boshqalariga qarab “yashil” - aʼlo, “sariq” - yaxshi, “qizil” - sharoiti ogʻirroq balki mazmunida toifalarga ajratilgan. IIB boshligʻi shunday sharoiti ogʻirroq yaʼni “qizil” toifada boʻlgan maktablardan biriga borib oʻquvchilar bilan suhbat oʻtkazgan. Hijobli oʻquvchini qizil toifaga kiritish degan narsa koʻrmadim.
Yana bir qiziq holat, nega aynan hijob, boshni boʻyin qismi yelkalari bilan yopib oʻraydigan kiyim bosh turiga kiradigan holatdagi qizlar, ayollarga “hijobli” deymiz-u, kimnidir boshqa kiyim bosh kiyib yurganini koʻrsak, misol uchun uzun xalat kiyimda yursa “xalatli”, jinsi shim kiysa “jinsi shimli”, kostyum va yoki shlyapa kiysa “kostyumli”, “shlayapali” deb alohida odam harakterini aytmaymiz. Lekin hijobga kelganda “hijobli” deb alohida oʻsha insonni kerak boʻlsa xarakterini, e'tiqodini ham bogʻlab, qoʻshib aytamiz. Vaholanki yuqoridagi kiyim turlarini birortasi bizning tarixiy, milliy libos turlari, kiyim-boshlari emas.
Agar hijobli soʻzini urgʻu berib aytsak, unda boshqalarini ham shunday aytishimiz kerak, chopon kiygan boʻlsa choponli, futbolka kiygan boʻlsa futbolkali, atlas-adrasdan kiyim koʻylak kiygan boʻlsa atlasli, adrasli deyishimiz kerak(mi?).
Xullas tashqi koʻrinishmas, ichki mohiyat asosan baho beriladigan jihat boʻlishi kerak. Albatta bu yerda tashqi koʻrinish muhimmas demoqchimasman, tashqi koʻrinishni koʻrsatib turadigan kiyim turini nazarda tutyapman.
Xullas ulugʻ jadid maʼrifatparvarlarimizdan biri aytganidek, biz kalta paypoqmi uzun paypoq, qisqa soqolmi uzun soqol deb tortishib turganimizda, Yevropa ilm-fan, texnologiya taraqqiy etib dunyoni zabt etmoqda deb bejizga aytishmagan.
Shaxsiy fikr-qarashlarim, hech kimga gʻarazli niyatim yoʻq.