Ақлдан озганга ўхшайди Дунё,
Ҳам ўнги телбаю, телба терси ҳам.
Менинг рост деганим ҳаммаси рўё,
Менинг ичганларим ҳаммаси қасам!
Тутганим гуноҳга элтарнинг илки,
Кутганим ўткинчи баҳордек золим!
Ёлғиз ишонганим кўнглимнинг мулки,
Ҳаммага кулгудир девона ҳолим!
Ақлдан озганга ўхшайди Дунё,
Қилиқлари қизиқ, ишлари қизиқ.
Адолат рихлатга кўз тутган гўё,
Тарозуларининг ҳаммаси бузуқ.
Ақлдан озганми, озганми онгдан,
Кўз ўяр ўйнайди кичиг-у катта.
Меҳрлар ўлчанган, ҳислар ўлчанган.
Ишқ пулга сотилар ана, ҳилватда!
Аслида Дунёда йўқ бирон нуқсон,
Рассом суратини мукаммал чизган.
Фақат одамларинг ғалат, Художон,
Фақат одамларинг ақлдан озган!
03.02.2021.
Малика Тавфиқ
Ҳам ўнги телбаю, телба терси ҳам.
Менинг рост деганим ҳаммаси рўё,
Менинг ичганларим ҳаммаси қасам!
Тутганим гуноҳга элтарнинг илки,
Кутганим ўткинчи баҳордек золим!
Ёлғиз ишонганим кўнглимнинг мулки,
Ҳаммага кулгудир девона ҳолим!
Ақлдан озганга ўхшайди Дунё,
Қилиқлари қизиқ, ишлари қизиқ.
Адолат рихлатга кўз тутган гўё,
Тарозуларининг ҳаммаси бузуқ.
Ақлдан озганми, озганми онгдан,
Кўз ўяр ўйнайди кичиг-у катта.
Меҳрлар ўлчанган, ҳислар ўлчанган.
Ишқ пулга сотилар ана, ҳилватда!
Аслида Дунёда йўқ бирон нуқсон,
Рассом суратини мукаммал чизган.
Фақат одамларинг ғалат, Художон,
Фақат одамларинг ақлдан озган!
03.02.2021.
Малика Тавфиқ