Xayrli kech! Hurmatli pedagoglar, Ilk qadam davlat o‘quv dasturi 2018 yildan ta’lim-tarbiya jarayoniga joriy etilgan. 2022 yilda mazkur dastur takomillashtirildi. Dasturning 3-ilovasida Numunaviy o‘quv reja berilgan bo‘lib, rejada yozgi sog‘lomlashtirish davrida faoliyatlar taqsimoti ko‘rsatilgan. Joriy yilning 27-maydagi 52-sonli buyrug‘i bilan tasdiqlangan Tavsiyada keltirilgan namunaviy faoliyatlar jadvali amaldagi “Ilk qadam” davlat o‘quv dasturi asosida shakllantirilgan bo‘lib, kun tartibiga moslashtirilgan. Yozgi sog‘lomlashtirish davrini tashkil qilishda tarbiyachilarning ijodiy yondoshuvi qo‘llab-quvvatlanadi. Davlat dasturida ham pedagoglar uchun o‘z hududiy komponentini, imkoniyatini inobatga olib, ijodiy yondoshgan holda o‘zgartirish kiritish ruxsati berilgan. Yozgi sog‘lomlashtirish davrida tarbiyachilar tomonidan yuritiladigan ish jurnalini qanday shaklda yuritish va qanday mavzularni olish qat’yan belgilab berilmagan.