#imtiyozlar

Umumiy ovqatlanish, turoperatorlik va mehmonxona xizmatlarini ko‘rsatuvchi tadbirkorlik subyektlariga soliq imtiyozlari taqdim etiladi

Qonunchilikga ko‘ra:

🔹 2028-yil 1-yanvargacha umumiy ovqatlanish korxonalariga foyda solig‘i stavkasi 50%ga kamaytirildi;

🔹 2024-yil 1-dekabrdan umumiy ovqatlanish korxonalari jismoniy shaxslardan naqd pulga qishloq xo‘jaligi mahsulotlari xarid qilganda, kirim hujjatlarini elektron shaklda rasmiylashtirish imkoniyati yaratilib, soliq solish maqsadlarida kirim hujjatlariga tenglashtirildi;

Qishloq ho‘jaligi mahsulotlariga dehqon va tomorqa xo‘jaliklarida yetishtiriladigan sabzavotlar, kartoshka, poliz mahsulotlari, mevalar, guruch, dukkakli ekinlar, go‘sht va sut kiradi.

🔹 2024-yil 1-oktabrdan boshlab turoperatorlik va mehmonxona xizmatlarini, 2025-yil 1-yanvardan boshlab umumiy ovqatlanish xizmatlarini ko‘rsatuvchi tadbirkorlik subyektlariga budjetga to‘langan QQS summasining bir qismini respublika budjetidan qaytariladi:

a) umumiy ovqatlanish korxonalariga ularning oylik tovarlarni (xizmatlarni) realizatsiya qilish bo‘yicha aylanmasining naqd pulsiz qismi:

– 60 foiz va undan yuqori bo‘lganda — budjetga to‘langan soliqning 40 foizi;
– 60 foizdan kam bo‘lganda — budjetga to‘langan soliqning 20 foizi;

b) turoperatorlik va mehmonxona xizmatlarini ko‘rsatuvchi tadbirkorlik subyektlariga — budjetga to‘langan soliqning 20 foizi.

To‘langan soliqning bir qismini qaytarish uchun murojaat avtomatlashtirilgan dastur orqali ko‘rib chiqiladi.

Telegram I Facebook I YouTube | Twitter |Website