Andijon shahar 24-maktabining 4-"G" sinfida jismoniy tarbiya dars mashg‘uloti davomida o‘quvchilar uchun o‘zgacha bir musobaqa tashkil etildi. Ushbu musobaqani Jismoniy tarbiya fani o'qtuvchisi Usmanova Shoira Rasuljanovna o‘tkazdi.

Musobaqaning o‘ziga xosligi shundaki, shashka donalari o‘rniga shirinliklardan foydalanildi. Bu usul bolalarning musobaqaga bo‘lgan qiziqishini oshirish va dars jarayonlarini yanada zavqli o‘tkazishga xizmat qildi. Ushbu musobaqa orqali o‘quvchilar nafaqat shashka sportiga qiziqib qoldilar, balki jismoniy tarbiya mashg‘ulotlariga jalb qilindilar.

Musobaqaning asosiy maqsadi – bolalarning sportga bo‘lgan e’tiborini oshirish, sog‘lom turmush tarzini targ‘ib qilish hamda darslarni qiziqarli va ijodiy tashkil etish edi. Natijada, musobaqa nafaqat bilim olish, balki sinfdoshlari bilan birgalikda vaqtni mazmunli o‘tkazish imkoniyatini ham yaratdi.