Катта Оға 🎬

Art & Cinema 🎨🎬

Буюк фильмлар ҳам буюк картиналар каби хотирада абадий қолади, чунки сўз билан эмас, ҳиссиёт билан гапирилади.

Шу мавзуда санъат ва кинога алоқадор каналлар папкасини туздик ва сизга тавсия қиламиз.

👉 Каналларга ҳавола 👈

Онг тубсизлигига қадамма-қадам 🕯

Томоша қилганимдан сўнг мени қаттиқ ўйлантирган ва 2024 йилда кўрган фильмларим орасида энг ёққан фильм.

"Исцеление" 1997 г.

#тақриз #тавсия #детектив #триллер

Воқеалар бир қатор шафқатсиз қотилликлар билан тўқнаш келган тажрибали, аммо ишдан толиқиб кетган терговчи детектив Такабе ҳақида ҳикоя қилади. Барча жиноятлар бир-бирига алоқаси йўқдек кўринса-да, унда бир ғалати тафсилот бор - қурбонларнинг таналарига "X" ҳарфи ўйиб ёзилган. Ҳар бир ҳолатда гумонланувчилар турлича, бироқ уларнинг барчаси қотиллик содир этилган пайтни эслолмайди ва нима сабабдан жиноят қилганини тушунтириб беролмайди...

Бу фильм орқали японларнинг нафақат хоррор жанрда, балки детектив жанридан ҳам одамни қўрқитадиган фильм ишлай олишни тушундим. Бироқ, фильмдаги даҳшат сиз билан одатий қўрқитиш услубидан фарқ қилади. У аста-секин, шошилмасдан ўзининг секин темпи билган сизни ўйлантириб қўяди. Бу эса сизни фильм қаҳрамонлари каби мувозанатни йўқотишингизга сабаб бўлиши мумкин.

Куросава бўғиқ ва зулматли муҳитни яратган. Фильмда ҳатто очиқ майдонлар ҳам клаустрофобик бўлиб кўринади. Режиссёр узоқ давом этадиган кадрлар, масофадан олинган кадрлар, паст ранглар, реалликни ўзгарувчан ва параноик тарзда тасвирлаган.

Фильм инсон психикаси заифлиги устида мулоҳаза юритади. Агар инсон бирор таъсир остида ёмон иш қилса, уни айблаш тўғрими ёки нотўғри деган масала ҳам кўтарилади. Яьни ёвузлик юқумли бўлиши мумкин, бироқ биз ёвузликка йўл қўйганимизда, ўз асл ички туйғуларимизга эркинлик берамизми ёки ёвузлик пайдо бўлганда у бизнинг ўзлигимизни четга суриб қўядими деган саволлар билан ўйлантириб қўйиши мумкин.

Эътиборингиз учун раҳмат!
Телеграм канал Катта Оға 🎬

Депрессияга қарши рецепт ✍️

1-босқич: оғриқни қабул қилиш
1. «Кит» (2022)
2. «Стыд» (2011)
3. «Учитель на замену» (2011)

2-босқич: ўзликни англаш ва деконструксия
4. «Разрушение» (2015)
5. «Настоящая боль» (2024)
6. «Вкус вишни» (1997)

3-босқич: ҳаёт ва унинг даврийлиги
7. «Весна, лето, осень, зима… и снова весна» (2003)
8. «Идеальные дни» (2024)
9. «Паттерсон» (2016)

Ўзингизни эҳтиёт қилинг!
Телеграм канал Катта Оға 🎬

Февраль - ўз жонига қасд қилиш учун энг ёмон ой. Айниқса, унда абадий қамалиб қолган бўлсанг.

Бугун 2 февраль — суғур куни. Каналда ушбу санага бағишланган фильмлар рўйхати мавжуд. Рўйхат вақт сиртмоғи билан боғлиқ фильмлардан ташкил топган бўлиб, улар билан пастдаги ҳавола орқали танишишингиз мумкин.

Фильмлар рўйхати 👈

Томоша учун фильмларни қаердан топасиз ва уларни қандай мезонларга(рейтинг, трейлер, изоҳ ва ҳ.к) асосланиб танлайсиз?

Барча билганларинг ёлғон бўлиб чиққанда ✉️

Француз ижодкорларининг инсон ҳақиқат йўлида қанчалик узоққа бориши мумкинлиги ҳақидаги адреналинли триллер-бошқотирмаси.

"Не говори никому" 2006 г.

#тақриз #тавсия #детектив #триллер

Воқеа шифокор Александр Бек атрофида кечади. У саккиз йил олдин хотини Маргони йўқотган эди - аёл ўлдирилган ва иш ёпилганди. Бироқ, тўсатдан унинг ўлимига шубҳа уйғотадиган далиллар пайдо бўлади. Аёл ҳалок бўлган жойнинг яқинида яна иккита жасад топилди. Полиция терговни қайтадан бошлайди. Хотинининг кутилмаган вафотидан оғир руҳий зарба олган Бек гумонланувчилардан бирига айланади ва ишда ўтирган пайти тўсатдан электрон почтасига нотаниш манзилдан хат келади.

Бу фильм мен сўнгги пайтларда кўрган детектив жанридаги фильмлар орасида энг яхшиси бўлди. Унда жанрга хос кутилмаган бурилишлар мавжуд бўлиб, улар воқеаларга бўлган муносабатимизни қайта кўриб чиқишга ундайди. Қатлам-қатлам очилиб борадиган сирлар эса сизни охиригача экранга михлаб қўяди.

Триллер жанрига қарамасдан, фильм кучли эмоционал ядрога эга. Севги, йўқотиш ва ҳақиқатни билишга бўлган тўхтовсиз интилиш мавзуси воқеани жуда таъсирли қилади. Франсуа Клюзе ўз қаҳрамонининг шахсий дарди ва эҳтиросини шундай ифода қила олдики, томошабин у учун ачинмаслигини иложи йўқ. Билмайман, бу балки актёрнинг аураси билан боғлиқдир. У ўзининг "1+1" филми билан ҳам кўпчилик киноманларга яқин бўлиб қолган ва бу фильмда ҳам энг зўр перфомансларидан бирини кўрсатган.

Фильмда Француз киносига мос имзони сезиш қийин эмас. Француз режиссёрлари кўпинча қаҳрамонларнинг ҳаракатларига эмас, балки ички дунёсига эътибор қаратишади. Ҳатто кескин триллерлар ҳам асосан инсон табиати, туйғулари ва моральный танловлари ҳақидаги масалаларни марказга қўйишади. Бундан ташқари фильмда ортиқча саҳналаштиришдан қочишган. Диалоглар табиий эшитилади ва авмосфераси ҳақиқийдек туюлади, қаҳрамонларнинг хатти-ҳаракатлари эса мантиққа яқин. Ҳатто таъқиб ёки зўравонлик саҳналари ҳам Голливуддагига нисбатан ишонарли чиққан.

Хуллас, Девид Финчернинг барча фильмларини кўриб чиқиб, яхши детектив излаётганлар, бу фильм айнан сизлар учун.

Эътиборингиз учун раҳмат!
Телеграм канал Катта Оға 🎬

Ғарбий фронтда ўзгариш йўқ)

#LetterboxdWrapped 2024 г.

Кеча леттербокс ўз фойдаланувчилари учун йил натижаларини чиқарди. Расмдагилар менинг ўтган йил кўрган фильмларим бўйича сарҳисоб. Сиз ҳам ўзингизникини ушбу ҳавола орқали кўришингиз мумкин.

Бундан олдинроқ мен 2024-йил кўрган энг зўр фильмлар бўйича рўйхат қилгандим. Рўйхатни ушбу ҳавола орқали кўришингиз мумкин.

Сизнинг ўтган йилги кино оламингизни натижалари қандай?

Даҳшат симфонияси 🦇

1922-йилда яратилган, ўша давр учун "даҳшат" сўзининг синонимига айланган ва кино оламида чуқур из қолдирган фильм ремейки.

"Носферату" 2024 г.

#тақриз #хоррор #триллер

XIX аср бошлари. Ёш хизматчи Хуттерга янги вазифа топширилади. У Карпат ўрмонларидан Вюрсбург шаҳрига кўчиб ўтмоқчи бўлган қўрқинчли граф Дракула Орлокнинг ҳужжатларини расмийлаштириш учун унинг қасрига бориши керак. Хотини ёмон туш кўргани ва кўнгли хотиржам бўлмагани сабабли ундан сафарга чиқмаслигини сўрайди. Бироқ, Хуттер оилавий аҳволини тиклаш ва қарзларини қайтариш мақсадида йўлга отланади.

Оригинал картина аслида Брэм Стокернинг "Дракула" асарининг эркин экранлаштирилиши ҳисобланади. Фильм ва асар структураси катта фарқ қилмайди. Фильм ижодкорлари асар экранлаштиришга рухсати бўлмаганлиги учун исмлар ва сюжетдаги бир неча деталларни ўзгартиришган. Аммо шунга қарамай, Стокернинг хотини студияни судга берган ва судья уни ҳақ деб топиб барча нусхаларни йўқ қилишга ҳукм чиқарган. Хайриятки бир неча экземплярларни сақлаб қолишган ва фильм ҳозирги кунда классика ҳисобланади.

Биринчи навбатда фильмга идеал жамоа йиғилганини таъкидлаш керак. Роберт Эггерс ҳозирги кунда хоррор жанрининг янги кўринишини намоён қилаётган режиссёрлардан бири. У шу кунгача "Ведьма", "Маяк" ва "Варяг" фильмларини суратга олган. Актёрлардан Билл Скарсгард ("Оно" фильмида Пеннивайзни ўйнаган), Николас Холт (Бир йил олдинги "Ренфилд"да Дракулани хизматкорини ўйнаган) ва Уиллем Дефо ("Носферату" фильмнинг суратга олиниши ҳақидаги "Тень вампира" фильмида Носферату ролини ижро этган). Бундан ташқари Лили-Роуз Депп ўз ролига жуда мос тушган. Актриса ўз ижроси билан жамоасида кўпчиликни ортда қолдиргани аниқ.

Роберт Эггерс техник томонлама ўз услубидан четга чиқмаган. Фильм визуали топ даражада ва деярли ҳар бир кадр кўзни қувнатади. Албатта, унинг ишида батартиб ҳаволалар орқали илк манбага бўлган ҳурматни ҳам кўриш мумкин. Лекин менга бироз Эггерснинг олдинги фильмларидаги каби одамни ўйлантириб турадиган абстрактлик етишмади. Фильмдан янада кўпроқ эпиклик ва паранойя кутгандим.

Лекин граф Орлок образини яратишда персонажнинг ташқи кўриниши устида яхши ишлашган. Бу сафарги режиссернинг версиясида бошида озгина соч бор ва мойлов эга. Худди казакларнинг чуб сочтурмакини эслатиб юборади. Мойлов қўшилганлиги мени энг катта ҳаён қолдирган нарсалардан бири бўлди. Чунки Стокернинг асарида ҳам Дракула мўйловга эга деб ёзилган. Асарни ўқиган пайтимда бу нарса кулгимни қистаганди. Сабаби асарнинг ҳеч бир экранлаштирилишида графни мўйлов билан кўрмаганман ва бу нарсани тасаввур ҳам қилишим ҳам қийин эди. Эггерс эса буни тескарини исботлади. Унинг вампирини юзидаги мўйлов жуда табиий турибди ва бунинг асосий сабаларидан бири персонажни ташқи кўриниши ҳам унинг юрти вакилларига мосланганидир. Румыния давлати энг кўп цыганлар истиқомат қиладиган давлатлардан бири ҳисобланади. Фильм ижодкорлари ҳам образни яратганда шундан андоза олишгани аниқ. Қўшимчасига бу цыганларга хос узун бурунни ҳам асослаб кетган.

Хуллас фильм кўришга арзийди, айниқса катта экранларда.

Эътиборингиз учун раҳмат!
Телеграм канал Катта Оға 🎬

Эртага 🧛🏻‍♂