Пахтаобод тумани ,, Имматали Хожи ,, жомеь масжиди .

“Фотиҳа” сурасини ўқиб сув ичишнинг фойдаси

Сув ичишдан олдин Фотиҳа сураси тўлиқ ўқилади. Сўнгра ўтирган ҳолатда сувни ичилади. Фотиҳа сурасини ўқиб кейин сув ичилганда тиқилиб қолган қон томирлари очилиб кетади, қон айланиш системаси изига тушади, юрак фаолияти яхшиланади, қалб ором олади.
Инсонда ички қувват пайдо бўлади, ички аъзолар (ошқозон, жигар, ичаклар) равон ишлайди.
Аслида, Қуръон борича шифо, раббоний дорихонадир. Бир стакан сувни Фотиҳа сурасини ўқиб ичишга одатланган киши буни ҳис қилади.
Фотиҳа сураси руҳингизга руҳ, кучингизга куч баҳш этади.
Фотиҳа сураси ҳаётингиздаги барча муаммоларни ҳал қилади, ҳаттоки эр-хотин ўртасидаги, фарзандлар ўртасидаги, ишдаги, ўқишдаги муаммолар ҳам бундан мустасно эмас.
Фотиҳа сураси қалбдаги гина кудурат, буғзу адоватга ҳам барҳам беради. Ҳасад, кибр, ужб ва ғурур каби қалб ҳасталикларини даволайди, турли микроблар ва зарарли вирусларни ўлдиради.
Хонангизни Фотиҳа сурасининг хушбўй атри билан муаттар қилинг. Тўшагингизга ётганингизда ҳам такрор ва такрор ўқинг.
Фотиҳа сурасини ўқишлик ишларингизни тартибли бўлишини таъминлайди.
Фотиҳа сурасини маъноларини тушуниб ўқишга ҳаракат қилинг. Аллоҳ таоло “Фотиҳа” сурасини тавсифлар экан:
وَلَقَدْ ءَاتَيْنَٰكَ سَبْعًا مِّنَ ٱلْمَثَانِى وَٱلْقُرْءَانَ ٱلْعَظِيمَ
яъни: “Дарҳақиқат, Биз Сизга етти такрорланувчи (етти оятли «Фотиҳа» сураси)ни ва улуғ Қуръонни ато этдик”, деган (Ҳижр сураси, 87-оят).
Араб тилида “و”  “ва” боғловчиси тенгликни ифодалайди. Яъни, Аллоҳ таоло “Фотиҳа” сурасини Улуғ Қуръонга тенглаштиряпди. Шунинг учун уламолар: Қуръони каримнинг маънолари Фотиҳа сурасига сингдирилган, Фотиҳа сурасининг маънолари “Сенгагина ибодат қиламиз ва Сендангина ёрдам сўраймиз” деган оятга сингдирилган, дейдилар.
Фотиҳа сураси бир кунда суннат ва нафл намозлардан ташқари фақат фарз намозларининг ўзида ўн олти марта такрор ўқилади. Такрор-такрор ўқилишида ҳам сир бор. Агар бирор намознинг бирорта ракъатида ўқилмай қолса, намоз мукаммал бўлмай қолади.
Расулуллоҳ саллаллоҳу алайҳи васаллам Фотиҳа сурасини “Шофия” (Шифо берувчи), “Кофия” (Кифоя қилувчи), Қуръондаги энг буюк сура деб номлаганлар. Саҳобалар беморнинг оғриётган ерига қўлларини қўйиб Фотиҳа сурасини етти марта ўқиганларида Аллоҳнинг изни билан касал тузалар эди.
Қачон Қуръон ўқисангиз уни Фотиҳа сураси билан бошланг. Фотиҳа сураси зулматларни нурга айлантиради, кўнгил сиқилишидан халос этади, ғам-ташвишларни аритади.
Шундай экан, бир стакан сувни Фотиҳа сурасини ўқиб ичинг, Аллоҳнинг изни билан фарқини биласиз..

Нима қилсам, гуноҳим мағфират қилинади.

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
عَنْ أَبِي بَكْرٍ بْنِ حَفْصٍ: أَنَّ رَجُلًا أَتَى النَّبِيَّ صلى الله عليه وسلم قَدْ أَلَمَّ بِذَنْبٍ، فَقَالَ لَهُ: «هَلْ لَكَ وَالِدَةٌ؟» قَالَ: لَا. قَالَ: «فَهَلْ لَكَ خَالَةٌ؟» قَالَ: نَعَمْ. قَالَ: «اذْهَبْ فَبِرَّهَا». رَوَاهُ الْحُسَيْنُ الْمَرْوَزِيُّ.
Абу Бакр ибн Ҳафсдан ривоят қилинади:
«Бир одам Набий соллаллоҳу алайҳи васалламнинг ҳузурларига келди. У гуноҳ қилган эди. У зот:
«Онанг борми?» дедилар.
«Йўқ», деди.
«Холанг борми?» дедилар.
«Ҳа», деди.
«Бор! Унга яхшилик қил!» дедилар».
Ҳусайн Марвазий ривоят қилган.
Яъни она бўлмаса, хола она ўрнида бўлар экан. Она йўқ пайтда холани онанинг ўрнида кўриш, онадан сўраладиган дуони ундан сўраш, онага қиладиган яхшиликни холага қилиш лозим бўлади.
Гуноҳга ботиб қолиб, «Нима қилсам, гуноҳим мағфират қилинади?» деган ҳалиги одамга Расулуллоҳ солаллоҳу алайҳи васаллам холасига яхшилик қилишни буюрганлари шунга далолат қилади.
عَنْ أَبِي بَكْرٍ بْنِ حَفْصٍ، عَنِ النَّبِيِّ صلى الله عليه وسلم مِثْلَهُ إِلَّا أَنَّهُ قَالَ: أَذْنَبَ ذَنْبًا عَظِيمًا. رَوَاهُ الْحُسَيْنُ الْمَرْوَزِيُّ.
Абу Бакр ибн Ҳафсдан ривоят қилинади:
«Набий соллаллоҳу алайҳи васалламдан худди аввалги ҳадис ривоят қилинган, фақат «Катта гуноҳ қилди», деган ибора бор».
Ҳусайн Марвазий ривоят қилган.
«Холам бор», деган ўша одам жуда катта гуноҳ қилган экан. Ушбу ривоятда қилинган гуноҳнинг катталиги алоҳида таъкидлаб айтилмоқда.
Яъни гуноҳи оддий гуноҳ эмас экан. Катта гуноҳни қилиб қўйиб, Расулуллоҳ солаллоҳу алайҳи васалламдан: «Нима қилай, қандай қилсам, гуноҳим кечирилади?» деб сўрабди. У зот соллаллоҳу алайҳи васаллам: «Онанг борми?» деб сўрабдилар. «Йўқ», деган экан, «Холанг-чи?» дебдилар. «Ҳа, холам бор», дебди. Шунда: «Холанг бўлса, унга яхшилик қил, дуосини ол, шоядки Аллоҳ гуноҳингни кечиб юборса», деган маънодаги гапни айтибдилар.
Расулуллоҳ соллаллоҳу алайҳи васаллам унинг отаси йўқлигини билганлар, шунинг учун у ҳақда сўрамаганлар. Чунки билиб туриб, сўраш мумкин эмаслигини у вақтлардаги одамлар яхши тушунишган.
Бу ривоятдан бировни ўлдириб қўйса-ю, отаси ёки онаси бўлмаса, холанинг розилигини топиш билан гуноҳ ювилиб кетар экан, деган хаёлга бориш керак эмас. Бу гуноҳни қилган одамга шариатда одам ўлдирганга белгиланган чора кўрилади. Аммо гуноҳини тўлиқ ювиш учун онаси бўлмаса, холанинг розилигини олиш тавсия қилинган.
عَنِ الزُّهْرِيِّ قَالَ: بَلَغَنَا أَنَّ رَسُولَ اللهِ صلى الله عليه وسلم قَالَ: «الْعَمُّ أَبٌ إِذَا لَمْ يَكُنْ دُونَهُ أَبٌ، وَالْخَالَةُ وَالِدَةٌ إِذَا لَمْ تَكُنْ دُونَهَا أُمٌّ». رَوَاهُ الْحُسَيْنُ الْمَرْوَزِيُّ.
Зуҳрийдан ривоят қилинади:
«Бизга Расулуллоҳ соллаллоҳу алайҳи васалламнинг «Отаси йўқнинг отаси амакисидир. Онаси йўқнинг онаси холасидир», деганлари етди».
Ҳусайн Марвазий ривоят қилган.
Демак, ота йўқ пайтида амаки отанинг ўрнида қолиши, она йўқ пайтида хола онанинг ўрнида қолиши ҳадисда очиқ-ойдин айтилмоқда. Шунинг учун амакиларни, холаларни эҳтиром қилиш, дуосини олиш, уларга яхши эҳсонлар, силаи раҳм қилиш ота-онага қилган яхшиликлар, итоатлар ўрнига ўтар экан.

«Кексаларни эъзозлаш» китобидан

🌱 Aссалому алайкум. Ражаб ойи. Якшанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   12. 01.2025-й (Январь ойи )
.12.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:30
🕌 Шом       - 17:15
🕌 Хуфтон   - 18:45


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:40
⏰ Шом       -- 17:15
⏰ Хуфтон   -- 19:00
10-Январьдан 17-Январьгача
🕌 НАМОЗГА ШОШИЛИНГ...

ТАВБАДА СЕРГАК БЎЛ!!!

Ўзингга кел, бундан чекин энди, чунки Аллоҳнинг карами билан тавба эшиги очиқдир. Тавбанинг ғарб томонида бир эшиги бор, киёматгача очиқ бўлади. У эшик қуёш ғарбдан чиққунига қадар очиқ туради, ундан юз ўгирма! Жаннатда Аллоҳнинг раҳмати билан саккизта эшик бор... ўғлон, шу саккиз эшикдан бири тавба эшигидир. Бошқа эшиклар баъзан очилади, баъзан ёпилади, аммо тавба эшиги доимо очиқдир.

Жалолиддин Румий.

Солиҳ қўшни

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Нофеъ ибн Абдулҳорисдан ривоят қилинади:
عَنْ نَافِعِ بْنِ عَبْدِ الْحَارِثِ، عَنِ النَّبِيِّ صلى الله عليه وسلم قَالَ: «مِنْ سَعَادَةِ الْمَرْءِ الْمُسْلِمِ الْمَسْكَنُ الْوَاسِعُ، وَالْجَارُ الصَّالِحُ، وَالْمَرْكَبُ الْهَنِيءُ».
«Набий соллаллоҳу алайҳи васаллам: «Кенг маскан, солиҳ қўшни ва яхши маркаб мусулмон кишининг саодатидандир», дедилар».
Шарҳ: Демак, ушбу нарсалар бахтли-саодатли кишининг бу дунёдаги аломатларидан экан.
Расулуллоҳ соллаллоҳу алайҳи васалламдан мусулмон кишининг саодатига омил бўладиган нарсалар ҳақида бир қанча ривоятлар собит бўлган. Ушбу ҳадиси шариф ана шулардан биридир.
Кенг маскан киши саодатининг омилларидан бири бўлиши бежиз эмас. Албатта, маскан, яъни турар жой одам боласи умрининг кўп қисмини ўтказадиган жойдир. Умрнинг энг нозик ва масъулиятли қисми кишининг шахсий масканида ўтади.
Масканнинг кенг бўлиши яшаш шароитининг қулайлиги маъносидадир. Киши ўз уйида яшаш учун барча шароитларга эга бўлса, саодатли бўлиши турган гап. Умрининг кўп қисми ўтадиган масканда ўзи учун керак бўлган барча қулайликлар мавжуд бўлса, албатта, бу нарса саодат омилларидан бири бўлади.
Солиҳ қўшни кенг масканга чамбарчас боғлиқ омилдир. Маскан ҳар қанча кенг, ҳамма шароитларга эга бўлса ҳам, қўшни яхши бўлмаса, инсоннинг саодати кўзлангандек бўлмаслиги турган гап. Чунки яхши уйдаги осуда ҳаёт ёмон қўшнининг кирдикорлари билан ҳаловатини йўқотиши аниқ.
Шунинг учун ҳам солиҳ қўшни Расулуллоҳ соллаллоҳу алайҳи васаллам томонларидан киши саодатининг омилларидан бири деб эълон қилинмоқда.
Яхши улов инсон зоти ўз ҳаётида доимий равишда эҳтиёжи тушиб турадиган нарсалардан биридир. Инсоният ривожланиши жараёнида маркаблар ҳам ривожланиб бормоқда ва унга инсоннинг эҳтиёжи ортмоқда.
Албатта, инсон ўз ҳаёти давомида маркабнинг саодат омилларидан бири эканини доимий равишда сезиб туради. Бугун маркабсиз ҳаёт ўтказишни тасаввур қилишнинг ўзи мумкин эмас.
Шу боис ҳам Набий соллаллоҳу алайҳи васаллам яхши маркабни мусулмон кишининг саодати омилларидан бири дея эълон қилмоқдалар.
Аллоҳ таоло барчаларимизга ушбу ҳадисда зикр қилинган ва зикр қилинмаган бошқа саодат омилларини ато этиб, уларнинг доимийлигини таъминлаган бўлсин.
Ушбу ҳадисдан олинадиган фойдалар:
1. Кенг маскан мусулмон киши саодатининг омилларидан бири экани.
2. Солиҳ қўшни мусулмон киши саодатининг омилларидан бири экани.
3. Яхши маркаб мусулмон киши саодатининг омилларидан бири экани.

«Одоблар хазинаси» китобидан

🌱 Aссалому алайкум. Ражаб ойи. Шанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   11. 01.2025-й (Январь ойи )
.11.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:30
🕌 Шом       - 17:15
🕌 Хуфтон   - 18:45


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:40
⏰ Шом       -- 17:15
⏰ Хуфтон   -- 19:00
10-Январьдан 17-Январьгача
🕌 НАМОЗГА ШОШИЛИНГ...

#Мўминларга_эслатма

Мусибатлар қилган иш туфайли тушади

Аллоҳ таоло айтади: «Куфр келтирганларга, то Аллоҳнинг ваъдаси келгунича, қилмишлари сабабли мудом ларзага солувчи мусибатлар етар ёки уларнинг диёрлари яқинига тушиб турар. Албатта, Аллоҳ ваъдага хилоф қилмас» (Раъд сураси, 31 - оят).

Шарҳ:  «Куфр келтирганларга, то Аллоҳнинг ваъдаси келгунича, қилмишлари сабабли мудом ларзага солувчи мусибатлар етар...».

Яъни, Аллоҳнинг ваъдаси  - қиёмат келгунча уларнинг эс-ҳушини жойига келтирувчи мусибатлар бошларига тушиб туради. Бу мусибатлар уларнинг қилган ишлари туфайли тушади.

«...ёки уларнинг диёрлари яқинига тушиб турар».

Ёки ўша мазкур эс-ҳушни жойига келтирувчи мусибатлар дунёнинг бошқа жойларига тушади. Ўша кофир ва осий бандалар яшаётган диёрларга яқин жойларга тушади. Токи улар ўша мусибатларни кўриб, ваъз-насиҳат олиб, ўзларига келсинлар ва иймон келтирсинлар.

САБР НИМА?

Сабр  нафсни  қайғу  ва  аччиқланишдан,  тилни  шикоятдан  ва  аъзоларни  ташвишдан  тутиб  туришдир.

   Ферузободий  айтади:
“Сабр  уч  турлидир:  Аллоҳга  сабр,  Аллоҳ  билан  сабр.  Аллоҳ  учун  сабр“.

   Аллоҳ  таоло  сабрни  Қуръони  Каримда  бир  юз учта  оятда  зикр  қилган.

   Аллоҳ таоло шундай марҳамат қилади:
   “Сабр ва намоз ила ёрдам сўранг. Ва албатта, у чин дилдан қўрқувчилардан бошқаларга жуда катта ишдир“
(Бақара сураси, 45-оят).

   Биз “ёрдам сўранг“ деб таржима қилган ибора араб тилида “истаъийну“ деб келган. Бу сўзнинг маъноси бир ишга уриниб туриб, яна қўшимча ёрдам сўрашни англатади.

   Демак, мусулмон киши ҳар бир ишга астойдил уринади ва шу билан бирга, Аллоҳ таолодан ёрдам сўрайди. Сабр, кўпчилик ҳаёл қилгандек, салбий маънодаги тушунча эмас. Яъни, нима бўлса ҳам сабр қиляпман, деб ҳаракатсиз туриш сабр эмас. Аксинча, сабр - Аллоҳ таолонинг айтганини бажариш жараёнида дуч келадиган машаққатларни енгишдан иборатдир.

   “Аҳлингни намозга амр эт ва ўзинг унга сабр қил. Сендан ризқ сўрамаймиз. Биз сенга ризқ берамиз. Оқибат тақводорникидир.“
(Тоҳа сураси, 132-оят).

   Мусулмоннинг бурчи аҳлини, оиласини мусулмон қилишдир. Бу ишда намоз муҳим ўрин тутади. Шунинг учун аҳлингни, оила аъзоларингни намоз ўқишга буюр. Ўзинг ҳам сабр ила намозда бардавом бўл ва аҳлингни намозга ундашда давом эт.

   Абу Саъид розияллоҳи анҳудан ривоят қилинади:
   “Расулуллоҳ соллаллоҳу алайҳи васаллам:
“Ҳеч кимга сабрдан кўра яхшироқ ва кенгроқ ато берилмаган“, дедилар“.
  Бешовлари ривоят қилишган.

  Ушбу ривоят Расулуллоҳ соллаллоҳу алайҳи васалламнинг узун ҳадисларидан олинган иқтибосдир.

   Мазкур ҳадисда қуйидагилар айтилади:

  Абу Саъид розияллоҳи анҳудан ривоят қилинади:
   “Ансорийлардан бир қанча одамлар Расулуллоҳ соллаллоҳу алайҳи васалламдан (мол) сўрадилар. Бас, у зот уларга бердилар. Сўнгра яна сўрадилар, яна бердилар. Сўнгра яна сўрадилар, яна бердилар. Ҳатто ҳузурларидаги нарса тугади.
Шунда у зот:
“Ҳузуримда нима яхшилик бўлса, сизларга бермай олиб қолмасман. Ким иффатталаб бўлса, Аллоҳ уни иффатли қилур. Ким беҳожатлик талаб қилса, Аллоҳ уни беҳожат қилур. Ким сабр талаб қилса, Аллоҳ уни сабрли қилур. Ҳеч кимга сабрдан кўра яхшироқ ва кенгроқ ато берилмаган“ , дедилар.

  Бешовлари ривоят қилишган.

«Руҳий тарбия, 3-жуз» китобидан.

🌱 Aссалому алайкум. Ражаб ойи. Жума тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   10. 01.2025-й (Январь ойи )
.10.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:30
🕌 Шом       - 17:15
🕌 Хуфтон   - 18:45


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:40
⏰ Шом       -- 17:15
⏰ Хуфтон   -- 19:00
10-Январьдан 17-Январьгача
🕌 НАМОЗГА ШОШИЛИНГ...

Қайтар дунё

_Ўғлинг бўлса ўғрининг
_Хеч устидан кулмагин
_Қизинг бўлса фохишани
_Сира мазах қилмагин

_Гадо кўрсанг кўчада
_Уриб тепиб ўтмагин
_Соқовга савол бериб
_Кулиб жавоб кутмагин

_Гарангни карсан дема
_Жиннига тош отмагин
_Қайтар дунё қайтармиш
_Бу гунохга ботмагин

_Йиғлаб юрган бечоранинг
_Кимдир кулса изидан
_Ўзига хам қайтади
_Ўғли ёки қизидан

_Яхшилиқ қил дилдан қил
_Йўл бермагин миннатга
_Кибрли мақтанчоқлар
_Кирмас экан жаннатга

_Бировни кийимига қараб
_Ўзингча берма бахо
_Шароити шундайдир
_Балки ўзи бебахо

_Сени яратган Aллох
_Уларнинг хам худоси
_Етти осмонга етар
_Мазлумларнинг дуоси

🌱 Aссалому алайкум. Ражаб ойи. Пайшанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   09. 01.2025-й (Январь ойи )
.09.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:20
🕌 Шом       - 17:10
🕌 Хуфтон   - 18:35


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:35
⏰ Шом       -- 17:10
⏰ Хуфтон   -- 18:50
03-Январьдан 10-Январьгача
🕌 НАМОЗГА ШОШИЛИНГ...

🌱 Aссалому алайкум. Ражаб ойи. Чоршанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   08. 01.2025-й (Январь ойи )
.08.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:20
🕌 Шом       - 17:10
🕌 Хуфтон   - 18:35


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:35
⏰ Шом       -- 17:10
⏰ Хуфтон   -- 18:50
03-Январьдан 10-Январьгача
🕌 НАМОЗГА ШОШИЛИНГ...

Танбеҳ

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сўфи Оллоёр «Саботул ожизин» асарида бир ҳикояни келтиради: «Абдуллоҳ ибн Муборак саҳрода йўлдан адашибди. Юриб-юриб, узоқдан бир қудуқни кўргач, энди арқон ва бир челак бўлсайди, деб кўнгилдан ўтказди».
Қудуққа яқин боргач, челак ҳам, арқон ҳам йўқ, сув анча пастда эди. Ибн Муборак ҳайрон бўлиб бир четга бориб ўтирди. Шу пайт саҳро қўйнидан бир кийик қудуқ томон кела бошлади. Етиб келгач, тумшуғини қудуққа суққан эди, сув кўтарилди, ҳатто қудуқдан тошиб чиқди.


Кейин сув ичиб яна саҳро бағрига кириб, ғойиб бўлди. Бундан ҳайрону лол бўлган Абдуллоҳ югуриб қудуқ бошига борди, сув эса Абдуллоҳ етиб боргунича яна пастлаб кетди.


Шунда унинг қалбидан бир нидо отилиб чиқди ва деди: «Ё Раб, берурсан оҳуга об, менга бермассан, Эй султон ваҳҳоб”. Шу пайт Абдуллоҳ ибн Муборакнинг қалбига бир нидо келди: «Ўша сен кўрган оҳу саҳрога ризқ истаб чиққан пайтда мендан бошқага таваккал қилмаган эди. Сен эса қудуқни кўрибоқ қалбингни челак ва арқон ташвиши эгаллади».


Ибн Муборак бу нидони эшитиб, беҳол бўлди, бу танбеҳдан қалбида завқ дарёси жўш урди ва шундан сўнг умри охиригача чанқамади.

Ҳа, дўстлар! Аллоҳ Ўз дўстларининг қалбидаги бир лаҳзалик ғафлат учун ҳам танбеҳ беради. Зеро, буюк чўққидаги одамнинг хатари ҳам буюк бўлади.


Расулуллоҳ соллаллоҳу алайҳи васаллам айтдилар:
«Кишининг тириклигида ва соғлигида бир дирҳам садақа қилгани, ўлим арафасида юз дирҳам инфоқ қилганидан яхшироқдир».

🌱 Aссалому алайкум. Ражаб ойи. Сешанба тонги муборак бўлсин.
Бизларни соғ–саломат уйғотган Роббимизга ҳамдлар бўлсин!

🍃Асл саодат - нафас олиб турган ҳар онимизга шукр қила олишдир...

🍃Шукр ва зикрга бой кун бўлсин!
   07. 01.2025-й (Январь ойи )
.07.1446-й (Ражаб ойи )
       ⏳ АЗОН  ВАКТЛАРИ ⏳

🕌 Бомдод - 6: 10
🕌 Пешин   - 12:45
🕌 Аср         - 15:20
🕌 Шом       - 17:10
🕌 Хуфтон   - 18:35


     🌙 НАМОЗ ВАКТЛАРИ☀️

⏰ Бомдод -- 6:45
⏰ Пешин   -- 13:00
⏰ Аср         -- 15:35
⏰ Шом       -- 17:10
⏰ Хуфтон   -- 18:50
03-Январьдан 10-Январьгача
🕌 НАМОЗГА ШОШИЛИНГ...