Men qaysi kasb egasi bo'lishimdan qat'iy nazar, o'qituvchimi, farroshmi, quruvchimi, loykashmi, dehqonmi, tadbirkormi, jurnalistmi kim bo'lsam ham o'z ishimdan ko'nglim to'lsa, kunimdan ko'nglim to'lsa, ishimga ishqim bo'lsa, nafas olganimda o'pkam to'lsa...balki dunyoni qutqarmasman, balki meni bir chekkadagi maktabda 20 yil ishlash baxtli qilar, balki men moddiy ne'mat yig'masman, ehtiyojimdan ortiq pulim bo'lmas, balki bo'lar. Faqat oxirida yengil nafas olib, hayotimdan ko'nglim to'lib ko'z yumsam bo'ldi.
Bir ot va chavandoz manziliga omon yetishi uchun taqachi o'laroq taqani puxta qoqsam, bitta mixniyam xato urmasam bo'ldi.

Ya'ni butun boshli mexanizmda men ko'rinmas kichik murvat bo'lishim mumkin, lekin o'z vazifamni to'liq ado etmasam nima bo'ladi? Nosozlik bo'ladi.

@Imluluw