📕Ташриқ сўзи араб тилида "кесиш", "бўлаклаш" маъносини беради,
яъни қадимдан Ҳожилар қурбонликларини ҳайит куни ва ҳайитдан уч кун кейингача Маккада сўйишгани сабаб Маккада гўшт кўпайган, гўштларни сақлаш учун эса ҳозиргидай музлатгичлар бўлмаган, шу сабабдан гўштлар узун қилиб бўлакланиб, кесилиб, тузга беланиб, қуёшга осиб қуритилган.
Қуёшда гўштни суви қуригач, узоқ муддатгача иссиқ ўлкаларда айнимай турадиган маҳсулотга айланган.
🌷Росул алайҳиссаломнинг олдиларига бир киши келиб, ҳаяжондан оёқ-қўллари титраганини кўрган Росуллуллоҳ камтарликларидан:
Эй, фалончи, қўрқма мендан,
мен Маккалик, қуритилган (қодид)гўшт еган оддий аёлнинг оддий боласиман, деганлар соллаллоҳу алайҳи васаллам.
🔺Демак, қурбонлик ҳайитдан кейинги 3 кунни ТАШРИҚ деб номланишига ўша кунларда қилинадиган қурбонлик гўштларини бўлаклаб, тузлаб, қуритишгани сабаб бўлган.
🔺Бу кунларнинг ҳар бирида Ҳожилар пешин вақтида учта устуннинг ҳар бирига ТОШ ОТАДИЛАР.
🔺Қурбон ҳайити куни фақат:
📍 7 дона отилган бўлса, ТАШРИҚ кунларининг ҳар бирида
📍 21 тадан
тош отилади.
📌 Устунларни кичигидан бошланади, кичик устунга
📍7 дона тошни такбир айтиб, САКИНАТ билан отилади.
❌ Узоқдан тош отиш ТАЪҚИҚЛАНАДИ.
📌 Ҳар бир ҳожи бошқа биродарини ўзини сақлагандай, ҳимоя қилиши шарт.
📚Ислом қонунларида бошқанинг тишини синдирганнинг тиши синдирилади,
бошини ёрганнинг боши ёрилади, кўзини ўйганнинг кўзи ўйилади,
ҳатто, бошқанинг бармоғини қасддан ёки тасодифан синдирса ҳам,
унинг ҳам худди ўша бармоғи синдирилади.
🌴 Биродарингизнинг қони, моли, обрўси сиз учун ҲАРОМДИР, деб Росул алайҳиссалом Ҳаж кунларидаги хутбаларида айтиб, буни Қиёматгача қонун қилиб қолдирдилар.
📍Бугунга келиб шариат қонунлари, жазолари, афсуски, қўлланилмаётган бўлсада,
Қиёмат кунининг Одил Подшоҳи, албатта, Ўз қонунини амалга ошириб, дунёда зулм қилиб, жавобгарликдан қочганларни жазолайди ва у куннинг жазоси оғир бўлади.
📌 Ҳажда савоб ўрнига,
🌷Жаннат топиш ўрнига
жиноятлар қилиб,
🔥Дўзах кўтариб кетувчилар ҳам бўлади,
сиз улардан бўлманг.
📍Ҳожилар ва ҳожи бўлмаган барча мусулмонлар қаерда бўлмасинлар
бу улуғ кунларни ТАКБИРлар билан ўтказишлари керак,
📌 хоссатан, ҳар фарз намоздан сўнг шошиб туриб кетмасдан, узоқ такбирлар айтиб, Охиратга катта заҳира жамлаб олинг, чунки бу кунлар жуда оз қолди, фақат уч кун қолди,
📍ЗУЛ ҳижжани 13-куни аср намозидан кейин ОХИРГИ такбир айтилади.
⌛️ Кейинги мана шундай улуғ кунларга етиб боришнинг КАФОЛАТИ бирортамизга берилмаган.
📌 Сиз учун АЛЛОҲ тарафидан берилган ҳар бир ФУРСАТни
Охиратингизни обод қиладиган амалда ўтказиб олиш учун фойдаланиб қилинг.
🔺Ёши катта отахон ва онахонлар иссиқда Жамаротга етиб боришлари қийин бўлгани сабаб, уларнинг номларидан фарзанди ёки бошқа таниши ўзи учун
📍7 та тош отиб бўлиб, сўнг улар учун ҳам ҳар сафар
📍7 тадан тош отиб кетади.
🔺Расулуллоҳ соллаллоҳу алайҳи васаллам жамики инсонларнинг саййиди бўлишларига қарамасдан, мана шу кунларни жазирамасида, пешин намозини ўқишдан аввал ТОШ ОТИБ, умматларига тош отиш вақтини белгилаб, ўргатиб кетдилар.
🌴 Унутманг, сизга берилаётган ажр миқдори--МАШАҚҚАТИНГИЗ миқдорида бўлади,
Росул алайҳиссалом Ойша онамизга
🌷Эй Ойша, ибодатга ажрлар машаққатлар миқдорида берилади,
яъни қийинчилик катта бўлган сари, ажрлар ҳам катта бўлади, деганлар.
⌛️Ғанимат билинг, сиз машаққати катта,
ажри катта Жаннат йўлларини босиб ўтмоқдасиз.
Ҳар қийналганда, ҳар нафас олишингиз қийинлашиб, оғзингиз қуриганда,
Қиёмат чанқоғида Росул алайҳиссаломнинг ҳавзларидан суғоришини Аллоҳдан сўраб кетинг.
Ҳар оёқларингиз юришни инкор қилиб ,бўлди , энди юра олмайман деганда, Аллоҳим
Сен учун,
мағфиратинг, рахматинг, ЖАННАТИНГ учун деб қадам ташланг.
🌷Уч кундан сўнг онадан янги туғилгандай қайтиб кетишни эслаб, янада муҳаббат ва ғайрат билан тилингиз ТАКБИРЛАР айтиб, машаққати тотли ибодатингизни гўзал якунлаб олинг.
Ҳали бу кунларни кўўп соғинасиз...
