Ibrohim Abdurahmonov

#karlarjamiyati_hamkorlik
#InsonQadri
#agriculture
#Heci_in_agriculture

Inson qadri yuksak davlatda hech kim e’tibordan chetda qolmasligi lozim

🟢Insonparvarlik tamoyillari ustuvor bo'lgan Yangi O'zbekistonimizda inson qadrini ulug'lash, e'tiborga muhtoj insonlarga mehr - muruvvat ko'rsatish ishlari muntazam olib borilmoqda. Ayniqsa, nogironligi bor fuqarolar jamiyatning to'laqonli a'zosi ekanliklarini his etishlari uchun barcha zarur shart-sharoitlar yaratilmoqda.

💬Ular bilan doimiy muloqotda bo'lib, turli tadbirlar, tanlovlarga jalb etilayotganligi, alohida iqtidori bor yoshlarning qo'llab- quvvatlanayotganligi har birimizni insonparvarlik, bag'rikenglik kabi ezgu fazilatlarga bosh qo‘shishga undaydi.

🔢Bugun Respublika Karlar jamiyati a'zolar o'rtasida o'tgan uchrashuvda ham ayni shu tamoyillar negizida suhbat olib borildik.

🟢Suhbat davomida Respublika Karlar jamiyati a'zolari Jamiyat tomonidan kelgusida amalga oshiriladigan rejalar haqida batafsil ma'lumotlar berib o'tdi hamda mavjud muammolarni bayon etishdi.

✍️Xususan, 2025-yil ish rejasi bo‘yicha joriy yilning oktyabr oyida Moskva shahrida bo‘lib o‘tadigan festivalda ishtirok etadigan Jamiyat ishtirokchilarini har tomonlama qo’llab-quvvatlash, shuningdek Qishloq xo‘jaligi vazirligi bilan hamkorlikda viloyatlarda tashkil etilayotgan maktablararo kibersport musobaqasida faxrli o‘rinlar uchun beriladigan sovg‘a va musobaqa tashkil etish uchun kompyuterxonani jalb qilinishida ko‘maklashish borasida amaliy choralar belgilab olindi.

🌀Bundan tashqari, Toshkent shahar hokimiyati tomonidan ajratilgan Sergeli tumanidagi kar bolalar uchun shaxmatga ixtisoslashtirilgan binoni jihozlashga amaliy yordam ko‘rsatish borasida ham mas’ullarga vazir tomonidan tegishli topshiriqlar berib o‘tildi.

📌Shuningdek, viloyatlarda kar bolalar o‘rtasida shaxmat musobaqasini tashkil etish rejalashtirilgan bo‘lib, musobaqa uchun mablag‘, ishtirokchilarga mehmonxona va ovqatlanish xarajatlarini qoplashda moddiy yordam ko‘rsatish muhimligi, bu bo‘yicha zudlik bilan aniq qadamlarni qo‘yish kerakligi ta’kidlandi.

Bu qishloq xo'jaligiga keng joriy qilinayotgan XEKI dasturimizning amaliy hamkorligidir!

Xorazm: sohada natijadorlikka erishish va samaradorlik taraqqiyot demak

📍Amaliy tashrif bilan Xorazm viloyatida bo‘lib turgan vazir Ibrohim Abdurahmonov rahbarligidaXonqa tumani Madaniyat uyi binosida viloyatda faoliyat olib boruvchi klaster, fermer va dehqon xo‘jaliklari rahbarlari, shuningdek, soha mas’ullari uchun seminar-trening tashkil etildi.

🗣Seminarda yangi agrotexnologiyalarni qo‘llash, dala chetlaridan unumli foydalanish, ariq va zovurlarni betonlashtirish, daraxt shoxlarini butlash orqali yuqori samaraga erishish masalalariga e’tibor qaratildi.

💬Zamonaviy ilmiy yondashuvlarni an’anaviy dehqonchilik uslubi bilan uyg‘unlashtirib, hosildorlikni oshirishga erishish mumkinligini ta’kidlashdi. Ammo buning uchun ilmga asoslangan holda vijdonan mehnat qilish zarur.

🔢Ishni tashkil etishda hudud ob-havo, tuproq va suv imkoniyatlariga alohida yondashish muhim. Vazir joriy yil 875,5 ming gektarga paxta ekish rejasini e’lon qilib, zamonaviy texnologiyalarni qo‘llash orqali mehnat qilish bugungi davr taqozosi ekanini urg‘uladi.

🟢Paxtachilikda yuqori samaraga erishish bir qator omillarga bog‘liq. Bu maqsadga erishish uchun har bir mas’ul joriy yilda urug‘larni 76/10 sxemada plyonka ostiga ekish va tomchilatib sug‘orish orqali mahsulot yetishtirishni tavsiya etdi.

ℹ️Vazir paxtachilikda "BT" g‘o‘za navlarini yetishtirish, kasallik va zararkunandalarga chidamlilikni boshqarish, mahalliy intensiv agrotexnologiyalarni joriy etish zarurligini ta’kidladi. Shuningdek, mahalliy va xorijiy g‘o‘za navlarini joylashtirishda e’tibor qaratilishi kerak bo‘lgan jihatlar ham ilmiy faktlar asosida tushuntirildi.

✅Paxtachilik, g‘allachilik va qishloq xo‘jaligi mahsulotlarini yetishtirishdagi asosiy ustuvor vazifalarga yana bir bor to‘xtalar ekan, har bir qishloq xo‘jaligi mutasaddilari agrar tarmoqning jonkuyarlari timsolida eng chekka hududlargacha yetib borib ishni to‘g‘ri tashkil qilishda bevosita ishtirok etishi lozimligini ta’kidlandi.

✍️Seminar-treningdan so‘ng, shu yerda fermer va klaster xo‘jaliklari vakillari uchun sayyor qabul tashkil etildi. Unda, fermerlar va dehqonlarning huquqlarini himoya qilish, ularning mehnat sharoitlarini yaxshilash, ishlab chiqarish samaradorligini oshirish va mavjud muammolarni hal etish bo‘yicha aniq tavsiyalar berildi.

💬Sayyor qabul davomida har bir muammo individual tarzda ko‘rib chiqilib, aniq va tizimli yondashuvlar orqali ko‘plab masalalar hal etildi.

📌Vazir, ishtirokchilarning barcha savollariga javob berar ekan, Davlatimiz rahbari tomonidan imzolangan yangi qaror va farmonlar fermerlar va dehqonlarning huquqlarini himoya qilish, mehnat sharoitlarini yaxshilash va samaradorlikni oshirishga xizmat qilishi bilan ahamiyatli ekanini qayd etib o‘tdi.

🌐Website 💬Telegram 💬Facebook 📺YouTube 📷Instagram

Qishloq xo‘jaligi texnikalari mavsum uchun shay holatga keltirilmoqda

📍Hududlarda agrar sohada olib borilayotgan ishlar bilan tanishish va 2025-yilgi ekin mavsumiga tayyorgarlik jarayonlarini ko‘zdan kechirish maqsadida Xorazm viloyatida ishchi tashrif bilan bo‘lib turgan qishloq xo‘jaligi vazirli Ibrohim Abdurahmonovning navbatdagi tashrif obyekti Xonqa tumanidagi “Xonqa MTP” MCHJ bo‘ldi.

💬Vazir mazkur maskanda 2025-yil hosili uchun qishloq xo‘jaligi texnikalarini ta’mirlash va mavsumga tayyorlash ishlarining borishi bilan tanishdi.

ℹ️Hozirda ushbu hududdagi texnikalar mavsumga tayyorlanmoqda. Traktorlar paxta urug‘larini 76/10 sxemada ekishga moslangan zamonaviy uskunalar bilan jihozlanayotgani va yerni tekislashda foydalaniladigan Barana texnikalarini shay holatga keltirish ishlari amalga oshirilayotgani hududdagi agrotexnik amaliyotlar samaradorligini oshirishga qaratilgan.

➡️O‘rganishlar davomida Xonqa tumanida umumiy hisobda 500 ta paxta tashishga mo‘ljallangan traktor tirkamasi mavjudligi, ularning 360 tasida davlat raqami borligi ma’lum bo‘ldi. Vazir mavjud holatdan kelib chiqib, zudlik bilan qolgan 140 ta tirkamaga o‘rnatilgan tartibda, qonunchilik tamoyillari asosida davlat raqami berish hamda mavsumga tayyor qilish borasida mas’ullarga topshiriqlar berib o‘tdi.

🔢Bundan tashqari barana, seyalka, umuman olganda ekish uchun zarur bo‘lgan barcha qismlarni shay holatga keltirish bo‘yicha topshiriq va tavsiyalar berib o‘tildi. 76/10 sxema asosida chigit ekiladigan dalalar uchun texnikalarni "Mirzacho‘l tajribasi" asosida moslash, ya’ni traktor diskalarini qirqish, payvandlash ishlarini shu yerning o‘zida tashkillashtirish masalalari bo‘yicha ham mas’ullarga alohida ko‘rsatmalar berib o‘tildi.

🔵Ma’lumki, paxta mavsumi texnik mashinalarning yuksak darajada shay bo‘lishini talab qiladi. Ushbu jarayon urug‘ ekishdan tortib, hosilni yig‘ib olishgacha bo‘lgan barcha bosqichlarni qamrab oladi.

🗣Bunday holatda texnikalarning ishonchli ishlashi va ularni o‘z vaqtida yangilash dolzarb vazifa hisoblanadi. Shu nuqtayi nazardan, vazir maskandagi ishlarni tezlashtirgan holda, mavsumga qadar shay holatda tayyorlash zarurligini ta’kidlab o‘tdi.

✅Aytish kerak, bugungi kunda har bir dehqon va fermer paxtachilik hamda g‘allachilikda yangicha yondashuvlarni, ilmiy nazariyalarni dala maydonlariga joriy etishda ushbu texnikalarning muhim ahamiyat kasb etishini anglamoqda.

🌐Website 💬Telegram 💬Facebook 📺YouTube 📷Instagram