— Tun bo'yi o'yladim uxlamay shuni,
Sayohat, ziyofat, to'ydir har kuni
Lekin tik qalbimda og'riq so'nmagan,
Men ko'rgan dengizni Otam ko'rmagan.

Ko'chada yuraman ko'ksimni kerib,
Nechun g'urur degani isyon qilmaydi,
Onam sho'rlik bo'lsa shu yoshga kirib,
Men yegan taomning nomin bilmaydi.

Vijdonim qiynalar, qiynaladi jon,
Tanamni kuydirsin tomirdagi qon,
Adolat deb jar solib o'zim,
Men qilgan adolat shumi Otajon.
Men ham farzandmanmi, ayting Onajon…

Abdurrohman Toshqandiy