Islomiy_she'rlar✨

Ona bor, dunyoda yashash
boshqacha,
Onaning tafti-yu,
mehri boshqacha.
Kirsahamki
hatto to'qson yoshgacha,
Onasiz
hayotda yashash boshqacha.
Yashaydi onamiz bizlarni o'ylab,
Tunu kun hudodan baxtimiz
so'rab.
Onasiz qolganlar
to'ymaydi yig'lab,
Onasiz hayotda
yashash boshqacha.
Odamda
martaba obro' bo'lsa ham,
Qo'lida
millionlab puli bo'lsa ham,
Yonida
otasi hayot bo'lsa ham,
Onasiz
hayotda yashash boshqacha.
Onalar doimo hurmatda bo'lsin,
Farzandi baxtini albatta ko'rsin.
Yetimlik dardini azobi qursin,
Onasiz hayotda yashash
boshqacha.
Yetimlik dardini yetim
biladi,
Uning bu dunyosi bir kam
bo'ladi.
O'zidan o'zi
biladi,
Onasiz hayotda yashash
boshqacha.
Onangiz umriga umr
tilayman,
Bir umr tugalmas baxtni
tilayman.
Onasi yo'qlardan uzr
so'rayaman,
Onasiz hayotda
yashash boshqacha.
Onam bor
hudoga shukr qilaman,
Ularga
ming bora tazim qilaman.
Bu
she'rni onamga atab yozaman,
Onasiz hayotda yashash
boshqacha.

@diniy_sherlar 🫀🫂❗️

Dunyoda Alloh yoʻlida jon berish
kabi yana bir buyuk ish bor.
Bu Alloh yoʻlida yashashdir!

Buguningiz muborak boʻlsin!

Kuyov bolam, o'z bolam,
Mani qorako'z bolam,
Dilimda bir so'z, bolam,
Qizim yomon -  siz yaxshi.  
Erka bolam, arslonim,
Oyim turgan osmonim, Qo'lingizdadur jonim,
Qizim yomon - siz yaxshi.  
Yigit bormi sizday mard?
Yuragi toza begard,
Ikki dunyo ko'rmang dard,
Qizim yomon - siz yaxshi.  
Biz temir, siz tillosiz,
Biz omi, siz mullosiz,
Biz nodon, siz donosiz,
Qizim yomon - siz yaxshi.   Qizimning o'zi ahmoq,
Yurardi sizni maqtab,
Bir kepti-da arazlab,
Qizim yomon - siz yaxshi.  
Tiriklik deb yursangiz,
Uy-joyim deb tursangiz,
Nima qipti ursangiz?
Qizim yomon - siz yaxshi.  
Ro'zg'or xurjun bo'ladi,
Goh kamib, goh to'ladi,
Xotin degan ko'nadi,
Qizim yomon - siz yaxshi.  
Bolam, sizda ixtiyor,
Bo'lmaylik ozor-bezor,
O'rtada bolalar bor,
Qizim yomon - siz yaxshi.  
Ko'p yashang, yuzga yeting,
Qiz tushgurni afv eting,
Aldab-suldab opketing,
Qizim yomon - siz yaxshi.   Ko'chada yotsangiz ham,
Mast bo'lib qotsangiz ham, Choynakni otsangiz ham,
Qizim yomon - siz yaxshi.   Bo'lsangiz ham mayda gap, Yursangiz ham o'ng-u chap,
Man hamisha siz taraf,
Qizim yomon - siz yaxshi.   Sog'ligida sizniki,
O'g'liniki-qizniki,
Kasal bo'lsa, bizniki,
Qizim yomon - siz yaxshi.   Taqsirimsiz, xo'jamsiz, Qimmatbaho o'ljamsiz,
O'zim ochgan jo'jamsiz,
Qizim yomon - siz yaxhsi.   Marhaboxon, uqqanim,
Go'ngga g'uncha suqqanim, Gunohim qiz tuqqanim,
Qizim yomon - siz yaxshi.

@diniy_sherlar 🫀🫂

"Wi-fi" oʻrnat bolam...
Bir umr yashadim farzandlar deya,
Tiriklik chogʻimda yetmas qadrimga.
Ketsam, har kun tinmay yoʻqlasin deya,
Wifi oʻrnat bolam oʻlsam qabrimga!
Ularga borimni baxshida qildim,
Alloh sabr qoʻshsin togʻdek sabrimga.
Qoʻlida telefon azizroq bildim,
Wifi oʻrnat bolam oʻlsam qabrimga!
Vaqti soat yaqin, qazoyim yaqin,
Alloh dard qoʻshmoqda har kun dardimga.
Kimsasiz, xor boʻlib qolib ketmayin,
Wifi oʻrnat bolam oʻlsam qabrimga!
Oʻlsam farzandlarim boʻlsin giryona,
Soʻngi vasiyatim oʻtinchim senga.
Internet deganga boʻlgan devona,
Wifi oʻrnat bolam oʻlsam qabrimga!
Koʻzimga koʻrinib tursalar boʻldi,
Shikoyat qilmayman aslo Robbimga.
Alhazar shundayin zamona keldi,
Wifi oʻrnat bolam oʻlsam qabrimga!
Zamona shu ekan nima ham derdik,
Shikoyat qilamiz ustidan kimga?
Telefon otadan ustunroq bildik,
Wifi oʻrnat bolam oʻlsam qabrimga!
Hech yoʻgʻi telefon tilovat qilsin,
Oromni baxsh etsin jonsiz tanimga!
Hisobni vaqtida toʻldirib turgin,
Wifi oʻrnat bolam oʻlsam qabrimga
Mumtozbegim
@diniy_sherlar

Yotishim shohona õrnim hõp yumshoq,
Boshimda par yostiq qordayin oppoq.
Xar qancha yotmayin shu xolda biroq,
Yotar joyim bir kun bõlgusi tuproq.
Bir xil kiyim yoqmas injiq badanga,
Õn xil bõlsa xamki õxshaydi kamga.
U faqat kõngaydur oppoq kafanga,
Yotar joyim bir kun bõlgusi tuproq.
Kõtarib kelurlar bosib hilholam,
Mozor endi uyim lahatdir honam.
Salom umidvorim marhumam onam,
Yotar joyim bir kun bõlgusi tuproq.
Tovlanib etursan kõpni maxliyo,
Sen asli yolğonsan rõyosan-rõyo.
Tinch qõygin meni ey makkora dunyo,
Yotar joyim bir kun bõlgusi tuproq.
Orzular ter xali sen kõp yasharsan,
Hotirjam bõl tõqson-yuzdan osharsan,
Deyman xõsh undan sõng qayga borarsan?
Yotar joyim bir kun bõlgusi tuproq.
Sarhisob ayladim bosgan xar yõlim,
Afsus nadomatdan õrtanar dilim.
Tavbaga shoshilay kelmasdan õlim,
Yotar joyim bir kun bõlgusi tuproq.
Tavbaga shoshilay kelmasdan õlim,
Yotar joyim bir kun bõlgusi tuproq.
Yotar joyim bir kun bõlgusi tuproq.
Yotar joyim bir kun bõlgusi tuproq.

@diniy_sherlar 🫀🪽

Yuragimning tuproqdan
yaralganini bilib,
meni masxara qildi..
Chunki, uning qalbi
temirdan edi.
Ammo, yaqinda
yomgʻir yogʻadi.
Qalbimda gul-u
giyoh ochadi.
Uning qalbi esa zanglaydi...

Shams Tabriziy rohimahulloh

@diniy_sherlar 🤍

Ilohiy kalomda bir so‘zki qutlug‘,
Farishtalar undan o‘tmas hayoda.
Onadan afzalroq, otadan ulug‘
Rosululloh degan zot bor dunyoda.
O‘tganlar o‘tdilar, kelganlar keldi,
Kutganlar kutdilar, bilganlar bildi.
Bu yorug‘ dunyoni charog‘on qildi –
Rosululloh degan zot bor dunyoda.
Musulmon o‘g‘lining ko‘ngli xo‘p to‘qdir,
Sabab bor – yozig‘liq ilohiy taqdir.
Qorong‘u kechada qoqilmoq yo‘qdir –
Rosululloh degan zot bor dunyoda.
Ofitobdan so‘rang, mohdan so‘rangiz,
Ayturlar, bu nadir, yoqut, farangiz –
Zulumot ichinda unga qarangiz,
Rosululloh degan zot bor dunyoda.
Sahobalar ko‘rdi ko‘zlari bilan,
Yurdilar ne baxtki o‘zlari bilan.
Bugun bizga malham so‘zlari bilan –
Rosululloh degan zot bor dunyoda.
Ketgan bo‘lsalar-da oramizdan-da,
Alloh yetkarguvchi nolamizdan-da.
Chiroyliroq jajji bolamizdan-da,
Rosululloh degan zot bor dunyoda.
O‘tmish yulduziga cho‘lg‘anmoq azob,
Tunlari alamdan to‘lg‘anmoq azob.
Oh, tushga kirganda, uyg‘onmoq azob,
Rosululloh degan zot bor dunyoda.
Odamzod yurardi motamga o‘xshab,
Nari borsa Adiy Xotamga o‘xshab.
Yashashni o‘rgatgan odamga o‘xshab,
Rosululloh degan zot bor dunyoda.
Ko‘rmagan bo‘lsak ham sevguvchimiz u, 
Og‘ir dam ummatim deguvchimiz u,
Axir, g‘amimizni yeguvchimiz u –
Rosululloh degan zot bor dunyoda.
Ul zotni ko‘rguncha mo‘min kulmagay,
Qarori to‘lmagay, ko‘ngli to‘lmagay.
Shahidlar shohida o‘lmoq bo‘lmagay,
Rosululloh degan zot bor dunyoda!

@diniy_sherlar - Yaxshilarga ham ulashing🕊️🫀💫

Fikr qilgim keldi O’limni!...
Yo’q, turmayman tortmang qo’limni, Bilasiz-ku, mani yo’limni,
Hayot haqda o’ylang men esa,
Fikr qilgim keldi o’limni...
Dunyo asli, besh kunlik hammom. Tahoratsizlik yurmaklik harom Yuraklarim bo’shatib tamom.
Fikr qilgim keldi o’limni...
Sukunatda sezdim hikmatni
Qalbim hohlab qoldi hilvatni Qabrlarda ko’rdim ibratni
Fikr qilgim keldi o’limni...
Saroylarda rohat ko’rmadim
Toj-u, taxtda shavkat ko’rmadim
Bu dunyoda shavqat ko’rmadim Fikr qilgim keldi o’limni...
Lazzatlar ham o’tkinchi ekan, Sendan o’tib ketginchi ekan So’nggi luqmang yutginchi ekan Fikr qilgim keldi o’limni...
Qabrlarda yoshlarni ko’rdim Ustlarida toshlarni ko’rdim
Tuproq bo’lgan boshlarni ko’rdim Fikr qilgim keldi o’limni...
Birongina bolamdan qochdim Onam, otam, xolamdan qochdim Do’stlar butun olamdan qochdim Fikr qilgim keldi o’limni...
Hamma joyga tegishli odat Qabristonga kerakmas ruxsat
Faqat qila olsak bas toqat
Fikr qilgim keldi o’limni...
Singlim, ukam, ey akajonim
Sizlar mening eng qadirdonim Ammo, aziz baribir jonim
Fikr qilgim keldi o’limni...
Qabristonning ichida yolg’iz Yotganimni eslasam hargiz Gapirgim ham kelmas bir og’iz
Fikr qilgim keldi o’limni...
Otam bir kun ketadi aniq,
Onam ham jim yetadi aniq,
Menga ham xat bitadi aniq!
Fikr qilgim keldi o’limni...
Faryodlarkim bolam ham o’lar Bobolari kabi yer bo’lar
Eng chiroyli lola ham so’lar
Fikr qilgim keldi o’limni...
Bir kun kelar qocha olmayman, Bag’rimni ham ocha olmayman Dardimni ham socha olmayman
Fikr qilgim keldi o’limni...
Do’stlar mani bugun tinch qo’ying, Undan ko’ra siz ham bir to’ying Qabristonning holatin tuying
Fikr qilgim keldi o’limni...
Janozalar ko’rdim turfa bosh
Bir payitda qariya va yosh Tanlamayman dedi-ku u yosh
Fikr qilgim keldi o’limni...
Aldab ketar hayosi qursin
Pinhon yashar Riyosi qursin Ikki kunlik dunyosi qursin
Fikr qilgim keldi o’limni...
Bugunim bir tiyingi hayot Berkinmachon o’yingi hayot Haqiqatdir keyingi hayot
Fikr qilgim keldi o’limni...
Ishoning do’st o’zgardi tilak
Horg’in ura boshladi yurak Rohatlangim keldi bir bo’lak
Fikr qilgim keldi o’limni...
Yomon demang, qo’rqitmang mani O’zim tushgum yiqitmang mani Dunyo zo’r deb o’qitmang, mani Fikr qilgim keldi o’limni...
O’limdan so’ng ahir, boshlanar Yanoqlarim kulib yoshlanar Jannatga ham qadam tashlanar
Fikr qilgim keldi o’limni...
Bilaman, ho’p ziyod og’ir u
Bu hayotga balkim oxir u
Bitta devor ekan axir, u
Fikr qilgim keldi o’limni...
U devorni buzgan kunimda
Uyqu bo’lmas ekan tunimda
Dunyo ikki kunlik qo’nimda
Fikr qilgim keldi o’limni...
Ko’raman-ku bobolarmni
Yuz ochmagan
momolar Yetmish yillik ibolarimni Fikr qilgim keldi o’limni...
Quchaman man qondoshlarimni Tanimagan dindoshlarimni
Abad yashar chindoshlarimni
Fikr qilgim keldi o’limni...
Ko’rgum, tanish chehra, nigohni Hatto, do’stlar Habibullohni Oydek yaqin boqay Allohni
Fikr qilgim keldi o’limni...
Bu dunyoning go’zali Hayf Tugab qolar asali hayf
Oxiri-yu, azali hayf
Fikr qilgim keldi o’limni...
Nuh kemasin ko’raman do’stlar Ayyub bilan turaman do’stlar
Faqat yig’lab yuraman do’stlar
Fikr qilgim keldi o’limni...
Ko’raman-ku Halilullohni
Ham asoyu Kalimullohni Nasroniyga yod Ruhullohni
Fikr qilgim keldi, o’limni...
Ko’raman ul Yunus payg’ambar Yusuf bilan turgan akalar
Hamma bir-biriga tikilar
Fikr qilgim keldi o’limni...
Bu hayot ne, ayting nima bor?! Axtarishga arzirli viqor
Uch oygina yashagan bahor
Fikr qilgim keldi o’limni...
O’ylang, unga hamma jim yetdi
Abu Bakr, Umarlar ketdi
Xudo shundoq iroda etdi
Fikr qilgim keldi o’limni...
Usmonlarni olib ketdi jim
Aliga ham yetdi bul hokum Sahobalar ustidan hokim
Fikr qilgim keldi o’limni...
Qiyotmani ham quyunlarini
Egilgan ne-ne bo’yinlarni
Ko’raman dod tobeinlarni
Fikr qilgim keldi o’limni...
Orzulari tamom asriylar
Nazimgoh-u, shoh-u, qasriylar Yig’lab turgan hasan Basriyla
Fikr qilgim keldi o’limni...
Buxoriy ham o’ldi-ku, qarang?! O’lim ustun bo’ldi-ku, qarang?! Qabrlar ham to’ldi-ku, qarang?!
Fikr qilgim keldi o’limni…)

@diniy_sherlar 🌙🪽🫀

МЎМИН БЎЛИШИМГА ҚЎЙМАЙСИЗЛАРМИ?

Рўзасиз ўзимга бегона танам,
Ибодат – юрагим аллалар онам,
Ўзимни қийнасам сизларга не ғам?
Аввал ўзингизга куймайсизларми,
Мўмин бўлишимга қўймайсизларми?

Расулим йўлида юрганим учун,
Нафсимга тўсиқлар қурганим учун,
Динимизни яхши кўрганим учун
Сўз билан жонимни ўймайсизларми,
Мўмин бўлишимга қўймайсизларми?

Куфрни ушлашга тоқатингиз бор,
Сизнинг ҳам бир куни соатингиз бор,
Азобимдан олур роҳатингиз бор,
Танамни эзғилаб тўймайсизларми,
Мўмин бўлишимга қўймайсизларми?

Оддий ибодатим кўзингиз ёшлар,
Фужур диёрига силтаюр бошлар,
Қизимнинг рўмоли кўзингиз ғашлар,
Ҳар куни қовоқни уймайсизларми?
Мўмин бўлишимга қўймайсизларми?

Кўнглингингизга ҳадис юқмас начора,
Ҳидоят бир куни йўқласа зора,
Ўғлим “Ёсин” билар, сизчи бечора,
Ўзингизни нимта сўймайсизларми,
Мўмин бўлишимга қўймайсизларми?

Бу дунё ҳамманинг китобин битар,
Кимлардир бу йўлда индамай кетар,
Сабрим косаси кенг – сизга ҳам етар
Унга жаҳл сувин қуймайсизларми,
Мўмин бўлишимга қўймайсизларми?

Мен борман – ҳаловат сизга йўқ гўё,
Мени туш атайсиз, ўзни-чи рўё,
Ана олинг сизга лаънати дунё
Уни яна баттар суймайсизларми?
Мўмин бўлишимга қўймайсизларми?

Барибир кўтармас сизларга қўлим,
Бир куни ҳаммасин кўрсатар ўлим,
Энди фарқи йўқдир аниқдир йўлим
Мени девонага йўймайсизларми,
Мўмин бўлишимга қўймайсизларми?

Пес билан тунлари топишмай ҳадеб,
Иймон эшигини қотишмай ҳадеб,
Итнинг ҳаётига ёпишмай ҳадеб
Менинг ҳолатимни туймайсизларми,
Мўмин бўлишимга қўймайсизларми?

Сўз тугарда айтгим сизга бир ўгит,
Бир кун ҳосилини бергуси чигит,
Мени тингланг, дўстим, қизми ё йигит
Бир умр дилингиз қийнайсизларми,
Мўмин бўлишимга қўймайсизларми?

@diniy_sherlar 🫀🕊️🌙

O'g'ilmi qiz-bari o'z bolang,
Kizlar-mehmon, deyishar rasmi,
O'zingniki asli-qiz bolang,
O'g'il bolang-birovning hasmi.

O'stirasan bo'lib parvona,
Ega chikar bitta jonona,
Bu savdoga bo'lma hayrona
O'g'il bolang-birovning hasmi.

Unitsa ham o'z onasini,
Tug'ilgan hovli-honasini,
Unitmaydi qaynonasini,
O'g'il bolang-birovning hasmi.

Qizing jonin ilinib turar,
Yuraklari tilinib turar,
Mehri ko'zdan bilinib turar,
O'g'il bolang-birovning hasmi.

Sog'inganda yig'lamay kutgin,
Ichikmasdan o'zingni tutgin,
Ko'z yoshingni "kult"etib yutgin,
O'g'il bolang-birovning hasmi.

Uy-ruzgori buynida hurjin,
Bolamga der, Hudo bergan kun,
Duo qilu, chikarmagin un,
O'g'il bolang-birovning hasmi.

Yuragining ustini-yori,
Sovuqqotsa po'stini-yori,
Bolasiga topgani, bori
O'g'il bolang-birovning hasmi.

Urishsalar qozi bo'lasan,
O'rtada tarozi bo'lasan,
O'limingga rozi bo'lasan,
O'g'il bolang-birovning hasmi.

Ishi tushsa yoningga chopar,
Hindistonda bo'lsang ham topar,
Boshqa payt kutma ey, modar,
O'g'il bolang-birovning hasmi.

Hafa bo'lsang koyib, tonasan,
Kechirasan, chunki onasan,
Tushun, muncha kuyib-yonasan,
O'g'il bolang-birovning hasmi.

Janjal qilma, onamisan, bas!
Kelin sening kundoshing emas,
O'g'ling endi sirdoshing emas,
O'g'il bolang-birovning hasmi.

Sovchilikka borishdan oldin,
Sandikka sep solishdan oldin,
Bir mantikka ko'nikib olgin,
O'g'il bolang-birovning hasmi.

Kelsa-yu kelmasa, duo qil,
Bilsa-yu bilmasa, duo qil,
Bersa-yu bermasa, duo qil,
O'g'il bolang-birovning hasmi.

Mehnatlaring- Hudo yo'liga,
Zahmatlarig- Hudo yo'liga,
Qaratib qo'ymasin qo'liga,
O'g'il bolang-birovning hasmi.

Kelinga gapirsang muloyim,
O'g'ling sendan rozi har doim,
Bu hayotdir, Marhabo oyim,
O'g'il bolang-birovning hasmi!


@diniy_sherlar 🫀🕊️🌙

Orzularim:

Tanamni bu jonim tashlab ketmasdan,
Iymonli boʻlishga imkon kutmasdan,
Alloh bergan har kun gʻaflat bosmasdan,
Bomdod namoziga turgim keladi!

Otamni-onamni duosin olib,
Hayot shatranjida boʻlolsam gʻolib,
Hech kim oʻtirmasa ustimdan nolib,
Hammadan rozilik olgim keladi!

Barcha farz-sunnatim bajarsam deyman,
Nafsning girdobidan qocholsam deyman,
Rasul(Muhammad S.a.v)ga munosib boʻlolsam deyman,
Taqvoli musulmon boʻlgim keladi!

Yashasam bir umr savoblar qilib,
Gunohim yuvguvchi javoblar qilib,
Muqaddas joylarni tavoblar qilib,
Boshimni Ka'baga urgim keladi!

Ajabmas taqdirda yozilgan boʻlsa,
Umrim bitar kuni sajdada boʻlsam,
Azroil kelib shod jonimni olsa,
Indamay Makkada oʻlgim keladi!

Qabrim izlab borsa Makkaga bolam,
Allohimga yetsa ulugʻvor nolam,
Tilovat oʻqisa jamiyki odam,
Barchadan e'tibor koʻrgim keladi!

Sirotdan qoqilmay, tik yurib borsam,
Firdavs-u Rayyonda umrbod qolsam,
Robbim savoliga javob berolsam,
Tik yurib jannatga kirgim keladi!

"Alhamdulillah" deb oʻshal fursatda,
Orzuyim:qolmasam hech ham gʻaflatda,
Muslimlar orzusi goʻzal Jannatda,
Barcha musulmonni koʻrgim keladi!

Jannatda siz bilan yurgim keladi!🫵🤲

✍ Mumtozbegim

@Diniy_sherlar

Sevimli singlim, quloq sol!

Ota-onasini puliga maqtanib, sochini Qodir akani tovug'iga o'xshatib xurpaytirib yurgan "yigitlar"ga PiyozKampot bo'lib yurgan qizlar, agar farzandingiz meni onam ziyoli va jufti haloliz esa mening ayolim oliy ma'lumotli deb faxrlanishini xoxlasangiz, ilm oling!

❤️Bu stickerni esa otib tashlayman desa ham ishlatmang!

Hissiyot va oldi-qochdi gaplarga aldansayiz, o'zizni tikuvchilik, pazandachilik kurslari yoki pahta dalasida ko'rasiz. Charxpalakni tagida ish qolmasa, yoz oylarida o'rik terishga borasiz.

Tanlov o'zizda!

Unutmang, Ilmdan O'zga Najot Yo'q.

@diniy_sherlar 🫀

🤓IELTS / CEFR
🌐Chet elga o'qishga topshirish
🧐General Englishni yaxshilash
🥺Lug'at yodlash texnikalari bo'yicha :👇

@English_Success_TM


🙄🙄🙄🙄🙄🙄🙄

Zinoni muhabbat deb nomlashsa ham,
Porani hadiya deb atashsa ham,
Jahannamni nomi jahannamdir.