Chust tuman hokimligi axborot xizmati

Чуст туманиида Алишер Навоий таваллудининг 584 йиллигига бағишланган маънавий-маърифий тадбирлар ўтказилди
2025 йил 4-феврал куни Чуст туманидаги 74-сонли умумий ўрта таълим мактабида буюк мутафаккир ва шоир Алишер Навоий таваллудининг 584 йиллиги муносабати билан ёрқин маънавий-маърифий тадбирлар бўлиб ўтди.
Тадбир доирасида ўқитувчилар ўртасида “Навоий асарлари билимдони” номли танлов ташкил этилди. Унда иштирокчилар шоирнинг бой илмий-адабий мероси, асарларининг мазмун-моҳияти ва бадиий қимматини чуқур англаш борасида билимларини синовдан ўтказдилар. Беллашув қизғин баҳс ва савол-жавобларга бой тарзда ўтди.
Тадбир якунида ғолиб ва фаол иштирокчилар ташаккурномалар ва эсдалик совғалари билан тақдирланди.

https://t.me/Chusttumanhokimligi

Ёш чавандозларнинг улоқ-кўпкари бўйича Республика чемпионати Наманганда ўтади

Бугун Наманган вилояти спорт бошқармаси мажлислар залида Наманган вилоятидаги Миллий гвардия Чавандозлар мактабининг "От чопар" майдонида Миллий гвардия Чавандозлар мактабларининг спортчи ёшлари ўртасида жамоавий улоқ-кўпкари бўйича Ўзбекистон Республикаси чемпионати мусобақасига қуръа ташлаш маросими бўлиб ўтди.

Маросимда Миллий гвардия Наманган вилояти бўйича бошқармаси бошлиғи, Ўзбекистон Республикаси улоқ-кўпкари федерацияси фахрий раиси, федерация президенти, федерация бош мураббийи, федерация бош котиби ва Миллий гвардия чавандозлар мактаблари директорлари ҳамда вилоятлар федерация раислари иштирок этишди.

Чемпионатда Қорақалпоғистон Республикаси, вилоятлар ва Тошкент шаҳридан жами 14 та жамоа ёш чавандозлари куч синашадилар.

Эслатиб ўтамиз, чемпионат жорий йилнинг 5-6 февраль кунлари Давлатобод туманидаги "От чопар" майдонида бўлиб ўтади.

Ўзбекистон Республикаси Президенти Шавкат Мирзиёев расмий ташриф билан Малайзияга келди. Куала-Лумпур халқаро аэропортида давлатимиз раҳбарини Малайзия парламенти Вакиллар палатаси спикери Жоҳари бин Абдул, таълим вазири Замбри Абдулқодир ва бошқа расмий шахслар кутиб олди.
—
Президент Республики Узбекистан Шавкат Мирзиёев прибыл с официальным визитом в Малайзию. В международном аэропорту города Куала-Лумпура главу нашего государства встретили спикер Палаты представителей Парламента Малайзии Джохари бин Абдул, министр образования Замбри Абдул Кадир и другие официальные лица.

#Mirziyoyev #tashrif #Malayziya

Prezident.uz|Facebook|Instagram|YouTube|X

Aziz Chustliklar, sizlarni sayyor qabulga taklif etamiz!

🔘Kam ta'minlangan oilalarga bolalar nafaqasi va moddiy yordam tayinlash, protez ortopediya mahsulotlari va reabilitatsiya qilishning texnik vositalari bilan ta'minlash, nogironlik belgilanishi bo'yicha fuqarolarga ma'lumot berish va ayni yo'nalishlardagi muammolarini manzilli hal etish maqsadida joriy yilning 5-fevral (chorshanba) kuni Chust tumanida Ijtimoiy himoya milliy agentligi Namangan viloyati boshqarmasi tomonidan sayyor qabul o'tkaziladi.

📍O'tkazilish joyi: Munchoqtepa mahalla fuqarolar yig'ini binosida
🕙O'tkazilish vaqti: Soat 10:00 da

🟢Ijtimoiy himoya milliy agentligi Namangan viloyati boshqarmasi matbuot xizmati

🔰 Давлат идораларининг расмий сайтлари gov.uz доменига ўтказилади

▫️2025 йил 31 январь куни «Давлат органлари ва ташкилотларининг расмий веб-сайтлари фаолиятини янада такомиллаштириш чора-тадбирлари тўғрисида»ги ҳукумат қарори қабул қилинди.

2025 йил 1 мартдан барча давлат органлари ва ташкилотлари UzINFOCOM билан шартнома тузиб, расмий веб-сайтлари ва порталлари фаолиятини фақатгина ҳукумат портали – gov.uz орқали йўлга қўяди.

Қарорга кўра, расмий веб-сайт Ягона платформага ўтказилганидан сўнг бир ҳафта муддатда эски расмий веб-сайтлар домен манзилларини ҳамда веб-сайт ва ундаги маълумотларни сақлаб қолган ҳолда, Ягона платформадаги расмий веб-сайтлар манзилига йўналтирилади ёки уларнинг фаолияти тўхтатилади.