"TIQXMMI" MTU Buxoro tabiiy resurslarni boshqarish instituti Talabalar turar joyi (TTJ)

Muhandislik-geologik qidiruvlar va burgʻulash texnologiyalari bo‘yicha amaliy o‘quv jarayoni

Geologiya va ekologiya kafedrasi o‘qituvchisi Hakimov Sherzod rahbarligida talabalarga injenerlik-geologik qidiruvlar, burgʻulash uskunalari hamda ularni tayyorlash jarayoni bo‘yicha amaliy mashg‘ulot o‘tkazildi. O‘quv jarayonida zamonaviy uskunalar yordamida burg‘ulash ishlari, tuproq va geologik qatlamlarni tahlil qilish bosqichlari batafsil tushuntirildi.

Mashg‘ulot davomida talabalar burgʻulash texnologiyalarining nazariy asoslari bilan tanishib, ularni amaliyotda qo‘llash ko‘nikmalarini shakllantirish imkoniyatiga ega bo‘ldilar. Ushbu dars geologik qidiruv jarayonlarining muhim jihatlarini o‘rganish, tabiiy resurslarni samarali tadqiq etish va zamonaviy uskunalar bilan ishlash bo‘yicha bebaho tajriba taqdim etdi.

@BuxTRBI

Institutda “Mashina detallari va loyihalash asoslari” fanidan yangi zamonaviy laboratoriya jihozlaridan foydalangan holda mahorat darsi tashkil etildi. “Amaliyot va nazariya uyg‘unligi” deb nomlangan ushbu mahorat darsi bo’lib o’tdi.

Mahorat darsi davomida talabalar jihozlardan foydalanish tartibini o‘rganib, o‘z bilimlarini amaliy mashg‘ulotlarda sinab ko‘rishdi. Bu esa ularning kasbiy mahoratini oshirish va kelajakdagi muhandislik faoliyatiga tayyorgarlik ko‘rishda muhim ahamiyat kasb etadi.

Shuningdek, “Umumtexnika fanlar” kafedrasi mudiri, dotsent Nuriddin Abdualiyev rahbarligida tashkil etilgan ushbu dars talabalar va mutaxassislar o‘rtasida fikr almashish, muammolarga amaliy yechim topish va ilmiy izlanishlarni rivojlantirishga xizmat qiladi.

Bunday tashabbuslar texnik yo‘nalishdagi ta’lim sifatini oshirishda muhim ahamiyatga ega bo‘lib, talabalarni innovatsion yondashuv va zamonaviy texnologiyalar bilan ishlashga tayyorlaydi.

@BuxTRBI