Hijr surasida inson qora balchiqdan olinib, so'ng quritilgan loydan yaratilganligi, Rahmon surasida esa sopolga o'xshash quruq loydan yaratilganligi aytib o'tiladi. Sirtdan qaraganda bu oyatlar bir-biriga ziddek, mos emasga o'xshab ko'rinadi. Lekin yaxshilab tadabbur qilinsa, ushbu zikr qilinganlar Odam alayhissalomning yaratilish bosqichi ekanligini bilish qiyin emas. Ya'ni, avval tuproq loyga aylantirilib, so'ngra u qizitilgan va qora balchiq holiga kelgan, keyin qurigach, sopolga o'xshash quruq loyga aylangan. Yana ta'kidlab aytamizki, ushbu oyatlar bir-biriga zid emas, balki birini ikkinchisi to'ldirib, quvvatlab keladi.

Qissasul Anbiyo