Akbarov Azizkhan shaxsiy blogi

🌿“Ilm afzalmi, mol-dunyo afzalmi?

Hazrat Аli roziyallohu anhu xavorij toifasidan boʼlgan oʼn kishining “Ilm afzalmi, mol-dunyo afzalmi?” degan savoliga: “Ilm afzal”, deb javob berdilar va ularning har biriga alohida dalil keltirdilar:

– birinchisiga: “Ilm paygʼambar­larning merosidir, mol esa Qorun, Shad­dod, Firʼavn va boshqa shunga oʼx­shaganlarning merosidir!”;

– ikkinchisiga: “Ilm seni qoʼriqlaydi, molni esa sen qoʼriqlaysan”;

– uchinchisiga: “Mol egasining dushmani koʼp boʼladi, ilm egasining doʼsti koʼp boʼladi”;

– toʼrtinchisiga: “Molni sarflaga­ning sari u kamayib boradi, ilmni sarf­laganing sari u koʼpayib boradi”;

– beshinchisiga: “Mol egasini baxil-qizgʼanchiq degan nom bilan malomat qilib chaqirishadi, ilm egasini esa izzat-ikrom va hurmat-ehtirom bilan chaqirishadi”;

– oltinchisiga: “Mol oʼgʼridan yashiriladi, ilm esa oʼgʼridan yashirilmaydi”;

– yettinchisiga: “Molning egasi qiyo­mat kuni hisob-kitob qilinadi, ilm egasi esa qiyomat kuni shafoat qilinadi”;

– sakkizinchisiga: “Mol uzoq vaqt turishi va zamonlar oʼtishi bilan eski­radi (va qadri ketadi), ilm esa aslo es­kirmaydi va qadri ketmaydi”;

– toʼqqizinchisiga: “Mol qalbni qo­raytiradi, ilm esa qalbni yoritadi – yorugʼ va nurli qiladi”;

– oʼninchisiga: “Molning egasi bora-bora xudolikni daʼvo qiladi, ilm egasi esa hamisha bandalik maqomida turadi”, dedilar.

Soʼngra: “Аgar mendan yana shu savolni soʼrayverishsa, to oʼlgu­nimcha shunday (“Ilm moldan afzal”) deb javob beraveraman!” dedi. Keyin u (xavorij)­lar kel­dilar va hammalari imon kel­tirib, musulmon boʼldilar.

“Hidoyat” jurnalining 2020-yil, 2-sonidan

📚 @Azizkhan_ilm

🌿Ilm o‘rganish va o‘rgatish haqida

   Muoz ibn Jabal ilm o‘rganish va o‘rgatish haqida aytadilar: «Ilm o‘rganinglar, zero, uni o‘rganish – Allohdan qo‘rqish, uni talab qilish – ibodat, muzokarasi – tasbih, uni izlash – jihod, bilmaganga o‘rgatish – sadaqa, uni o‘z ahliga bildirish – Allohga qurbatdir. Ilm tanholikda hamroh, xilvatda do‘st, to‘g‘ri yo‘l ko‘rsatuvchi dalil, xursandligu xafalik paytida ko‘makchi, do‘stlar oldida vazir, begonalar oldida yaqin do‘st va jannat yo‘lining minorasidir. Alloh ilm bilan qavmlarni yuksaltirib, yetakchi qilib qo‘yadi. Ular odamlarni yaxshilikka yetaklaydi, boshqalar ularning izidan yuradi, qilgan ishlari e’tiborli bo‘ladi. 
Har bir quruq va ho‘l narsalar, hattoki dengizdagi baliqlaru hasharotlar, yovvoyi va barcha hayvonlar, osmon va undagi yulduzlar ularning haqqiga istig‘for aytadi».
   Zero, ilm ko‘r qalb ko‘zini ochuvchi, qorong‘u zulmatda nur bag‘ishlovchi va zaif badanlarga kuch-quvvatdir. Ilm bilan banda abrorlar darajasiga ko‘tariladi, oliy martabalarga yetishadi. Ilm ustida tafakkur qilish kunduzi ro‘za tutganga, uni muzokara etish kechani ibodat bilan bedor o‘tkazganga tengdir. Allohga toat-ibodat, tavhidni anglash, Allohni ulug‘lash va taqvo qilish ilm bilan bo‘ladi. Ilm bilan qarindoshlik aloqalari bog‘lanadi, harom bilan halol ajratiladi. Ilm peshvo-imomdir, amal unga ergashadi. Ilmdan bahramand insonlar baxtli, mahrumlar esa, baxtsizdir.

📖 Imom G‘azzoliy, "Ihyou ulumid-din" kitobidan

📚 @Azizkhan_ilm

Oktabr uchun 30ta shaxsiy blog idea

1. Hayotimdagi eng katta “nima bo‘lardi agar…”
2. Bir oy davomida qilgan eng qimmat xatoyim
3. Odamlar men haqimda eng ko‘p noto‘g‘ri o‘ylaydigan 5 narsa
4. Hayotimdagi hech qachon unutmaydigan kun
5. Men pul sarflashdan afsuslangan 7 ta narsa
6. Oxirgi marta qachon o‘zim bilan faxrlanganman?
7. Hayotimda tasodifan paydo bo‘lgan eng yaxshi imkoniyat
8. Bir qarorim butun rejamni qanday o‘zgartirdi
9. Men endi hech qachon qilmaydigan 10 ta ish
10. O‘zim haqimda juda kech tushungan 7 ta haqiqat
11. Hayotimdagi eng noqulay, lekin foydali suhbat
12. Menga eng ko‘p ta’sir qilgan bitta inson
13. Bir yil oldingi men bugungi meni ko‘rsa…
14. Odamlar ko‘rmaydigan kundalik hayotim
15. Mening “ideal kunim” aslida qanday o‘tadi?
16. Bir hafta davomida o‘zimni boshqacha tutib ko‘rdim
17. Men haqimda 10 ta noto‘g‘ri taxmin
18. Hayotimdagi eng katta “failure” va undan olgan darsim
19. Biror narsani sotib olishdan oldin o‘zimga beradigan 7 ta savol
20. Men uchun “boy hayot” aslida nimani anglatadi?
21. Hozirgi hayotimni 10 ballik tizimda qanday baholayman?
22. Agar bugun barcha ijtimoiy tarmoqlar o‘chib qolsa…
23. Bir kun davomida faqat “yo‘q” deyishdan voz kechdim
24. Hayotimdagi eng katta vaqt isrofi nima bo‘lgan?
25. Men hozir nimani o‘rganayapman va nega?
26. Kelajakda o‘zimga sotib olishni xohlaydigan 10 ta narsa
27. Odam ulg‘aygan sari tushunadigan g‘alati haqiqatlar
28. Mening hayotimdagi 5 ta “plot twist”
29. Keyingi 3 oyda hayotimda nimalarni o‘zgartirmoqchiman?
30. Oktabr oyini men uchun esda qolarli qiladigan bitta challenge

Reels ko'rish o'rniga qilishingiz kerak bo'lgan 47ta ish

1. Sayohatga chiqing ✈️
2. Biror narsani noldan o‘rganing.
3. Eski rasmlaringizni tartibga soling.
4. Telefoningizdagi keraksiz kontaktlarni o‘chiring.
5. Email pochtangizni tozalang.
6. Biror hujjatingizni tartibga keltiring.
7. Kelasi oy uchun moliyaviy reja tuzing.
8. O‘zingizga yangi maqsad yozing.
9. 20 ta yangi so‘z yodlang.
10. Biror mavzuda 30 daqiqa tadqiqot qiling.
11. Podcast eshiting.
12. TED Talk yoki foydali ma’ruza ko‘ring.
13. Yangi biznes g‘oyalarni yozib chiqing.
14. Eski g‘oyalaringizni qayta ko‘rib chiqing.
15. Biror kishiga minnatdorchilik bildiring.
16. Eski tanishingiz bilan bog‘laning.
17. Biror kishiga bepul yordam bering.
18. Uyda kichik ta’mirlash ishini bajaring.
19. Shkafingizni tartibga keltiring.
20. Keraksiz kiyimlaringizni ajrating.
21. Yangi joyga piyoda boring.
22. Quyosh botishini tomosha qiling.
23. Tabiatda yolg‘iz sayr qiling.
24. Biror muzey yoki ko‘rgazmaga boring.
25. Yangi odam bilan suhbat boshlang.
26. O‘zingizga yangi hobby toping.
27. Biror narsani qo‘lda yasab ko‘ring.
28. Bir kunlik sayohat rejasini tuzing.
29. Yangi shahar yoki mahalla bo‘ylab sayr qiling.
30. O‘zingiz uchun “bucket list” yozing.
31. 5 yildan keyingi hayotingizni tasavvur qilib yozing.
32. Kelajakdagi o‘zingizga xat yozing.
33. Bolalikdagi orzularingizni eslang.
34. O‘zingiz haqingizda 10 ta yangi narsa yozing.
35. Biror qo‘rquvingizni yengishga harakat qiling.
36. Bir kun shikoyatsiz yashab ko‘ring.
37. Bir kun keraksiz xarajatsiz yashang.
38. Biror foydali kursni boshlang.
39. Portfolio yoki shaxsiy profilingizni yangilang.
40. Yangi kitob sotib olish o‘rniga kutubxonaga boring.
41. Biror eski muammoni nihoyat hal qiling.
42. O‘zingizga vaqt ajratib, hech narsa qilmay dam oling.
43. Biror foydali narsani boshqalarga o‘rgating.
44. Bir kun davomida yangi narsalarga “ha” deb ko‘ring.
45. O‘tgan oy qilgan xatolaringizni tahlil qiling.
46. Kelasi haftadagi eng muhim ishingizni hoziroq boshlang.
47. Telefonni chetga qo‘yib, real hayotda esda qoladigan biror narsa qiling.