Умуман, ўзбек томонданам шунақа фикрлар кўп янграйдиган бўлиб қолди. Лекин 15 йил олдин тожиклар, қозоқлар, ора-чорада қирғизлар ўзбекларга нисбатан бемалол шу масалаларни муҳокама қиларди ("бизнинг еримиз, ўзбеклар йўқ, Ўзбекистон сунъий, қайтариб олишимиз керак"). Ҳозир шуларга жавоб берадиган ўзбек муқобили пайдо бўляпти.

Аслида бир тадқиқотчи сифатида, бир мулоҳазали инсон сифатида бунақа фикрлар деструктив эканини, керакмаслигини, яхши алоқалар ўрнатиш кераклигини тушунаман. Лекин ичимдаги бир ҳиссиётли романтик "биз томонданам бунақа гаплар айтилиб тургани яхши, наригилар жуда ўзидан кетиб қолмасин" дейди.