🗓 27-январь — ажойиб шоира, таржимон Наргиза Асад таваллуд топган кун! Таваллуд кун соҳибасига узоқ умр, бахтли-саодатли ҳаёт ва юксак ижодий парвоз тилайман.

***
Етаклайман хаёлларингни
Хотиралар кўзин очади.
Энг муаззам эртак сўзласам,
Эслаб... Сенинг уйқунг қочади.

Агар, бир он қайтайлик десам,
Ёдим учун
оғринмайсанми?
Кўзларингга тик боқолмаган
Ишқни сен ҳам
соғинмайсанми?..
Оппоқ эди ғам-у изтироб,
Суяр эдик фироқларини.
Эслайсанми, қўлингда турган
Атиргулнинг
титроқларини…

Настаринлар очилган боғда
Ортга боқмай ёшлик елади.
Мен тун бўйи эртак сўзласам,
Эснаб, энди уйқинг келади...

© Наргиза Асадова