KIM AYBDOR yoxud O'zingiz nom qo'yib olasiz
Post mavzusi qiziq-a? Yaxshilab joylashib oling, nomi qiziq bo'lganichalik o'zi ham qiziq bo'ladi degan umiddaman.
Hozirgi yozadigan narsalarim o'zimni shaxsiy kuzatuvlarimga tayangan holda yozilmoqda. (Mobodosiga kimdir manbaa so'rab qolsa deb yozib qo'yayapman)
Gapni birinchi o'quvchilar haqida boshlasam, ustozlik pozitsiyamdan foydalanib nomaqbul ish qilar ekanman. Shunga avvalambor ustozlar haqida gapirishdan boshlayman. Nafaqat ingliz tili/IELTS instruktorlar, balki umumiy barcha ustozlar.
Ustozlarda avvalgidek hurmat yo'qdek go'yo. Bir qarasang qaysidir o'quvchi haqoratlagan yoki urgan, bir qarasang bolasini aybini tan olmagan ota-ona ustozi bilan kelib darsni buzib urishgan, ustozni haqoratlagan, va hattoki urgan. O'zi nimalar bo'lyapti deb qolaman ba'zida. Bizni paytlarda {o'zim ham kechagina maktabni bitirganman (5-6 yil bo'lib qoldi), lekin manimcha shu bizdagilar oxirgi chidamli avlod} ota-onamizga ustozdan gap eshitganimizni aytolmasdik, aytsak ham ayb o'zimizda bo'lgan deya ustiga ustak ota-onamizdan gap eshitib ham olar edik. Bizni ustozlar bemalol urgan, remendan ham kaltak yeganmiz, boshimiz doskalarga urilgan, yuzimizga shapaloq tushgan, hech kimga g'ing demagan ekanmiz, butun sinf. O'ylab qarasa bir uramiz desak o'sha bizni urgan erkak ustozni hammamiz birgalashsak tekislab tashlasak bo'ladi, lekin birontamiz ham bu haqida og'iz ochmaganmiz. Hozirchi, sal gap eshitsa darrov yugurib borib ota-onasiga aytadi, keyin ular kelib "razbor" qiladi. Qarabsizki ustozning obro'si ketti-qoldi. Haligi o'quvchi o'zicha ustozini aqlini kiritib qo'ydi, endi nimadir bo'lsa yana chaqiraman deb qo'rqitadi. Ustoz bechora yana hayfsan olmaslik uchun tishini tishiga qo'ya qoladi. Ha nima qilsin bechora? Shuning uchun ham hozirda maktablar afsuski ayanchli ahvolda, ta'lim-tarbiyaga e'tibor yo'q. Avvallari kech qolsak qancha gap eshitardik, eshik oldida mulzam bo'lib turardik, hozirchi, xohlagan payti turib, borsa boradi maktabga, undayam 1-2 soatga, keyin qaytadi. Dars jarayonlarini-ku gapirmasa ham bo'lsa kerak. Bolalar fanlarni yaxshi bilmaydi. Hamma fanni bilishni nima keragi bor deyishga shoshilmang. Ota-bobolarimiz bilan rosa maqtanamiz-ku biz, to'g'rimi? Ha ota-bobolarimizga o'xshash uchun hamma fanni o'qish kerak - mutafakkir bo'lish kerak, bitta narsa bilan chegaralanib qolmaslik kerak. IELTS reading passage larda har xil fanlar bo'yicha mavzular kelganda judayam seziladi o'tirganlarni ko'pchiligida bilimlar yetishmasligi, biologiya, geografiya, fizika, kimyo, matematika - bularni hammasi zo'r fanlar-ku axir, nahot mazza qilib o'qishmasa. Hoy o'qimasang o'qima, lekin ustozni hurmatini joyiga qo'yib dars vaqtida jim o'tir hech bo'lmasa baraka topgur, ba'zilari ota-onang tengi-ku deydigan odam yo'q. Qiziqmagani uchun xohlagancha o'tirishim mumkin deb o'ylaganlar ustozidan gap eshitsa, darrov video/ovozli xabar qilib yozib oladi, ota-onasiga aytadi. Qarabsizki, javobgar bo'lib qolgan ustoz keyin dars o'tmaydi qo'yadi, nima qiladi asabini bekorga ketkazib. "Bolalar, jim o'tirsanglar bo'ldi, bilganlaringni qilinglar" deydi, o'quvchilar ham o'zi ham xursand. Aslida ikki taraf ham yutqazadi. Ustoz ilm bermaganligi uchun, o'quvchilar ilmni olmaganligi uchun
Post mavzusi qiziq-a? Yaxshilab joylashib oling, nomi qiziq bo'lganichalik o'zi ham qiziq bo'ladi degan umiddaman.
Hozirgi yozadigan narsalarim o'zimni shaxsiy kuzatuvlarimga tayangan holda yozilmoqda. (Mobodosiga kimdir manbaa so'rab qolsa deb yozib qo'yayapman)
Gapni birinchi o'quvchilar haqida boshlasam, ustozlik pozitsiyamdan foydalanib nomaqbul ish qilar ekanman. Shunga avvalambor ustozlar haqida gapirishdan boshlayman. Nafaqat ingliz tili/IELTS instruktorlar, balki umumiy barcha ustozlar.
Ustozlarda avvalgidek hurmat yo'qdek go'yo. Bir qarasang qaysidir o'quvchi haqoratlagan yoki urgan, bir qarasang bolasini aybini tan olmagan ota-ona ustozi bilan kelib darsni buzib urishgan, ustozni haqoratlagan, va hattoki urgan. O'zi nimalar bo'lyapti deb qolaman ba'zida. Bizni paytlarda {o'zim ham kechagina maktabni bitirganman (5-6 yil bo'lib qoldi), lekin manimcha shu bizdagilar oxirgi chidamli avlod} ota-onamizga ustozdan gap eshitganimizni aytolmasdik, aytsak ham ayb o'zimizda bo'lgan deya ustiga ustak ota-onamizdan gap eshitib ham olar edik. Bizni ustozlar bemalol urgan, remendan ham kaltak yeganmiz, boshimiz doskalarga urilgan, yuzimizga shapaloq tushgan, hech kimga g'ing demagan ekanmiz, butun sinf. O'ylab qarasa bir uramiz desak o'sha bizni urgan erkak ustozni hammamiz birgalashsak tekislab tashlasak bo'ladi, lekin birontamiz ham bu haqida og'iz ochmaganmiz. Hozirchi, sal gap eshitsa darrov yugurib borib ota-onasiga aytadi, keyin ular kelib "razbor" qiladi. Qarabsizki ustozning obro'si ketti-qoldi. Haligi o'quvchi o'zicha ustozini aqlini kiritib qo'ydi, endi nimadir bo'lsa yana chaqiraman deb qo'rqitadi. Ustoz bechora yana hayfsan olmaslik uchun tishini tishiga qo'ya qoladi. Ha nima qilsin bechora? Shuning uchun ham hozirda maktablar afsuski ayanchli ahvolda, ta'lim-tarbiyaga e'tibor yo'q. Avvallari kech qolsak qancha gap eshitardik, eshik oldida mulzam bo'lib turardik, hozirchi, xohlagan payti turib, borsa boradi maktabga, undayam 1-2 soatga, keyin qaytadi. Dars jarayonlarini-ku gapirmasa ham bo'lsa kerak. Bolalar fanlarni yaxshi bilmaydi. Hamma fanni bilishni nima keragi bor deyishga shoshilmang. Ota-bobolarimiz bilan rosa maqtanamiz-ku biz, to'g'rimi? Ha ota-bobolarimizga o'xshash uchun hamma fanni o'qish kerak - mutafakkir bo'lish kerak, bitta narsa bilan chegaralanib qolmaslik kerak. IELTS reading passage larda har xil fanlar bo'yicha mavzular kelganda judayam seziladi o'tirganlarni ko'pchiligida bilimlar yetishmasligi, biologiya, geografiya, fizika, kimyo, matematika - bularni hammasi zo'r fanlar-ku axir, nahot mazza qilib o'qishmasa. Hoy o'qimasang o'qima, lekin ustozni hurmatini joyiga qo'yib dars vaqtida jim o'tir hech bo'lmasa baraka topgur, ba'zilari ota-onang tengi-ku deydigan odam yo'q. Qiziqmagani uchun xohlagancha o'tirishim mumkin deb o'ylaganlar ustozidan gap eshitsa, darrov video/ovozli xabar qilib yozib oladi, ota-onasiga aytadi. Qarabsizki, javobgar bo'lib qolgan ustoz keyin dars o'tmaydi qo'yadi, nima qiladi asabini bekorga ketkazib. "Bolalar, jim o'tirsanglar bo'ldi, bilganlaringni qilinglar" deydi, o'quvchilar ham o'zi ham xursand. Aslida ikki taraf ham yutqazadi. Ustoz ilm bermaganligi uchun, o'quvchilar ilmni olmaganligi uchun