Bu qanday ovqat, bilasizmi? Siz tomonlarda ham bormi? Chiroqchida "Laxsha" deyiladi.

Oddiy va samimiy bu taom menga ko‘p shirin xotiralarni eslatadi. Bolaligimni yodga soladi. Svet o‘chgan yoz kechalarida uyimiz oldidagi kichkina supada oilaviy - ota-onam, uch akam, ikki opam bilan - maroq ila suhbat qurib o‘tirganlarimizni eslatadi. Rahmatli otamni xotirimga soladi. Bir kun kelib, shu oddiygina taom men uchun unutilmas taʼmni, mehrni, xayolotni aks ettirishini hech xayolimga keltirmagan ekanman.