XABAR

❗️Мектеплерде Тәбийий пән (Science), Тәрбия ҳәм Информатика ҳәм мәлимлеме технологиялары пәнлерин кимлер өтиўи мүмикинлиги бойынша Ҳүкимет көрсетпеси шықты

✅ Министрлер Кабинетиниң тапсырма хатына тийкар, улыўма билим бериў мәкемелеринде:

🔸баслаўыш классларда Тәбийий пәнди (Science), Тәрбия, Информатика ҳәм мәлимлеме технологиялары пәнлерин – «Басланғыш билимлендириў» пәни оқытыўшылары;

🔸5-6-классларда Тәбийий пәнди (Science) – География, Биология, Физика пәнлери оқытыўшылары;

🔸5-11-классларда Тәрбия пәнин – Тарийх, Мииллий ғәрезсизлик идеясы ҳәм ҳуқық қәнигелигине ийе болған пән оқытыўшылары оқытыўына разылық берилген.

💰Тәбийий пәнди (Science) ҳәм Тәрбия пәнинен сабақ беретуғын баслаўыш билимлендириў, физика, география, биология, тарийх, мәмлекет ҳәм ҳуқық тийкарлары пәнинен әмелдеги маманлық категорияларына муўапық түрде ҳақы төлениўи белгиленген.

Тəлим бағдарларын таңлаў басланды

Жоқары ҳəм профессиональ оқыў орынларына кириў тест сынақларында қатнасқан абитуриентлер 2024-жыл 27-июльден 10-августқа шекем 15 күн даўамында жоқары билимлендириў орынлары ҳəм тəлим бағдарларын таңлаўы керек.

Оның ушын my.uzbmb.uz платформасының “Жоқары ҳəм профессиональ билим орынларына қабыл” бөлимине кирип, “Хызметтен пайдаланыў” түймеси басылады ҳəм “ЖОО таңлаў” бөлимине өтиледи.

Дәслеп абитуриент “Таңлаў үстинлиги” ҳəм “Мақсетли қабыллаў” бойынша өз таңлаўын əмелге асырады.

Соннан кейин абитуриент тест тапсырған пəнлер комплекси ҳəм тəлим тилине сәйкес келетуғын беске шекем жоқары оқыў орынлары ҳəм тәлим бағдарын тəлим формасы менен бирге таңлайды.

Бунда тəлим бағдарларын бир ЖОО ямаса ҳәр түрли ЖОО шеңберинде таңлаў мүмкин.

❗️Абитуриентлер тəлим бағдарларын таңлаў мүддети жуўмақланғанша өз мағлыўматларын өзгертиўлери ҳəм дизим формасын қайта жүклеп алыўы мүмкин.

❓ Мандат қашан?

Абитуриентлердиң студентликке усыныс етилген ямаса етилмегени ҳаққындағы жуўмақлаўшы таңлаў нəтийжелери тəлим бағдарларын таңлаў толық жуўмақланғаннан кейин бир ҳəпте мүддетте жәрияланады.

Демек, мандат 17-августқа шекем дағаза етилиўи керек.

Абитуриентлердиң 46,9 проценти минимал балл топлай алмады

Өзбекстанда 12 күн даўам еткен мəмлекетлик имтиханлар жуўмағына жетти. Тест тапсырған абитуриентлердиң нəтийжелери mandat.uzbmb.uz сайтында жәрияланды.

Быйылғы жылы жəми 737 351 абитуриент тест сынақларында қатнасты. Бул былтырғыдан 151 мыңға кем. Рухсатнама шығарылған 65 243 дана абитуриент имтиханға келмеген. Тесттен шетлетилгенлер - 94.

Быйылғы жылы ең көп абитуриентлер Самарқанд, Қашқадəрья ҳəм Ферғана ўәлаятларына туўры келеди.

Ең жоқары орташа баллар Бухара, Ташкент ҳəм Ферғана ўәлаятынан қатнасқан абитуриентлер үлесине туўры келеди.

Аймақлар кесиминде орташа баллар төмендегише:

Бухара ўәлаяты - 75,9 балл ;
Ташкент қаласы - 74,6 балл ;
Ферғана ўәлаяты - 69,9 балл ;
Наманган ўәлаяты - 68 балл ;
Хорезм ўәлаяты - 68 балл ;
Наваий ўәлаяты - 67,2 балл;
Самарқанд ўәлаяты - 67 балл;
Қашқадəря ўәлаяты - 65,9 балл;
Жиззақ ўәлаяты - 65,5 балл;
Сурхондарё ўәлаяты - 64,7 балл;
Ташкент ўәлаяты - 64 балл;
Андижан ўәлаяты - 63,5 балл;
Қарақалпақстан Республикасы - 63,3 балл;
Сирдарё ўәлаяты - 62,8 балл

Тестте қатнасқан абитуриентлердиң 345 869 ы оқыўға кириў ушын жыйнаў керек болған минимал 56,7 баллды да топлай алмаған. Бул жəми абитуриентлердиң 46,9 проценти дегени.

❓Бир студентке туўры келетуғын орташа оқытыў ғəрежетлери қанша?

Мəмлекетлик ЖОО ларында 2023/2024-оқыў жылы ушын бакалавриат тəлим бағдарлары бойынша күндизги тəлим формасында бир студентке туўры келетуғын орташа оқытыў ғəрежетлери жəне оның қапланыў жағдайы анализи жәрияланды.

Жоқары тəлим, пəн ҳəм инновациялар министрлигиниң анализине муўапық, орташа тəлим бағдарлары бойынша стипендиясыз оқытыў ғəрежетлери 13 млн 640 мың сумды қурайды. Орташа төлеў контракт мəниси болса 7 млн 446 мың сум, яғный ғəрежетлердиң 54 пайызын қаплайды.

Айырым тараўларда контракт муғдары жыллық ғəрежетлердиң ярымын да қапламайды.

Мысалы, көркем өнер бағдарында оқыйтуғын студент ушын контракт жылына 7 млн 771 мың сум болса, оған кететуғын ғəрежет муғдары 28 млн 759 мың сумды (27%) қурайды.

Соның менен бирге, спорт искерлиги бағдарында əмелдеги контракт муғдары студентке жыл даўамында сарыпланатуғын ғəрежеттиң 36,1 пайызын қаплайды.

Контракт суммасы ғəрежетлердиң үлкен бөлегин қаплайтуғын жөнелислер дизиминде ҳуқық (81,2%), жəҳəн экономикасы ҳəм халық аралық қатнаслар (81,2%), жəҳəн сиясаты (81,2%), экономика (75,6%) ҳəм информация технологиялары (75,6%) бағдарлары орын алған.

100% ғəрежети қапланатуғын жөнелис жоқ. Бирақ, Жəҳəн экономикасы ҳəм дипломатия университетинде төлеў-контракт муғдары 18 млн сумнан жоқары еди, усының себебинен усы жоқары оқыў орнында сарыпланатуғын ғəрежетке салыстырғанда көбирек контракт алынып атырғанын көриў мүмкин.

Жыллық оқыў ғəрежетлери нелерден қуралғанын ҳаққында толық мағлыўмат жәрияланса жəне де жақсы болар еди.

⚡️Мектеплерде быйылдан баслап оқыў-педагогикалық ҳүжжетлердиң айырымлары бийкар етилди ҳәм айырымлары тек электро формада жүргизилетуғын болды

✅ Мектепке шекемги ҳәм мектеп билимлендириўи министрлигиниң 17.05.2024-жылдағы 163-санлы буйрығына тийкар, 2024-2025-оқыў жылынан баслап төмендеги оқыў-педагогикалық ҳүжжетлер электрон формада жүргизиледи:

▫️педагогикалық кеңестиң протоколлары;
▫️оқыўшы ҳәрекетине байланыслы буйрықлар;
▫️электрон класс журналы;
▫️оқыўшының электрон баҳалар табели;
▫️мектеп питкериўшилерне берилетуғын аттестаттың есап реестри;
▫️қалдырылған ҳәм орны толтырылған сабақларды есапқа алыў реестри.

❌Сондай-ақ, төмендеги оқыў-педагогикалық ҳүжжетлерди жүргизиў бийкар етилди:

🔺аттестат және сертификатларды есапқа алыў ҳәм тарқатыў дәптери;
🔺қалдырылған ҳәм орны толтырылған сабақларды есапқа алыў дәптери;
🔺оқыўшылар ҳәрекети дәптери;
🔺буйрықлар дәптери;
🔺мектеп педагогикалық жәмәәтиниң жеке қурамын дизимге алыў дәптери.

Күн өтиўден сақланыў ушын бир неше қағыйдаларға əмел етиў зəрүрли:

✅ Илажы болғанша саат 10:00 ден 17:00 ге шекем тиккелей қуяш нурлары түсиўинен сақланың;

✅ Тəбийий гезлемелер (пахта, кенеп ҳəм б.) ден таярланған кийим кийиң;

✅ Әлбетте жеңил, жарқын реңли бас кийим кийиң. Көзиңизге қуяштан қорғайтуғын көз əйнек тағың;

✅ Суў ишиў режимине əмел етиң. Тəртипсиз көп муғдарда суў ишиў тек ғана шөлди жақсы баспайды, бəлки жүректи де зорықтырады. Жақсысы ашшылаў демленген шай, квас, ҳəр түрли шербетлер, минерал суў ишиң. Үйден шығарда өзиңиз бенен алып жүриң;

✅ Қуяштан қорғаўшы кремлерден пайдаланың;

✅ Қуяшта жүрип келгеннен кейин, душ қабыл етиң ямаса ҳөл сүлги менен сыпырының;

✅ Аш қарынға ямаса аўқат жегениңизден кейин дәрриў қуяшқа шықпаң.