🇺🇿🇺🇿🇺🇿 Senatda NNT bilan hamkorlikni mustahkamlash masalasi muhokama qilindi

4-dekabr kuni Fuqarolik jamiyati haftaligi doirasida Senatda NNTlar bilan uchrashuv bo‘lib o‘tdi. Shu kungacha nodavlat notijorat tashkilotlari vakillari bilan muloqot Qonunchilik palatasida o‘tkazilgan bo‘lsa, 6-dekabr, juma kuni uchrashuv Adliya vazirligida rejalashtirilgan.

Parlamentning yuqori palatasidagi uchrashuvda qo‘mita raisi, senator Abduhakim Eshmuratov fuqarolik jamiyati faoliyatini rivojlantirish uchun yaratilgan imkoniyatlar va davlat rahbari tashabbuslariga to‘xtalib o‘tdi.

Muhokamalar davomida NNT tomonidan qator tashabbuslar taklif qilindi:

✔️ NNTlar uchun doimiy muloqot va qonunchilik jarayonida ishtirok etish platformasini yaratish.
✔️ Tijorat maqsadini ko‘zlamaydigan ijtimoiy ahamiyatga ega faoliyat uchun soliq to‘siqlarini bartaraf etish.
✔️ Ayollar NNTlari tomonidan gender komissiyasida ishtirok etish va O‘zbekiston gender strategiyasiga takliflar kiritish imkoniyatini ta'minlash.

E’tibor ekologiya va millat salomatligi masalalariga qaratildi. NNT vakillari atrof-muhitni muhofaza qilish va “yashil” iqtisodiyotni rivojlantirish bo‘yicha hamkorlikni taklif qildilar. Senat o‘z navbatida NNT tashabbuslarini qo‘llab-quvvatlashini bildirdi va muloqotga ochiqligini tasdiqladi.

📱 Telegram 📱 Instagram 📱 Facebook