🇺🇿🇺🇿🇺🇿
"Yuksalish" harakati NNTlar faoliyatiga oid qonun loyihasi muhokamasida ishtirok etdiBugun Oliy Majlis Qonunchilik palatasi Demokratik institutlar va fuqarolik jamiyatini rivojlantirish masalalari qo‘mitasi “O‘zbekiston Respublikasining ayrim qonun hujjatlariga qo‘shimcha va o‘zgartirishlar kiritish to‘g‘risida”gi Qonun loyihasi yuzasidan jamoatchilik vakillari ishtirokida davra suhbati o‘tkazdi.
Qo‘mita raisi Gulrux Agzamova yangi islohotlar bosqichida NNTlar qamrovi, maqsad va vazifalari o‘zgargani va bu jarayonda ularning faoliyatiga doir qonunlarga o‘zgartirish kiritish davr talabi ekanligini ta'kidladi.
Prezident korrupsiyaga qarshi kurash bo‘yicha milliy kengash yig‘ilishida nodavlat tashkilotlari uchun har yili 10 milliard so‘mdan mablag‘ ajratilishini ta'kidladi. Bu ularning mamlakat hayotidagi mavqeyini ko‘rsatibgina qolmay, davlat va xalq oldida hisobdorlik mas'uliyatini ham oshiradi.
Qo‘mita raisi o‘rinbosari Nodirbek Tilavoldiyev har bir davlatning rivojlanishi bevosita fuqarolik institutlari va nodavlat tashkilotlari faoliyati bilan bog‘liq ekanligiga urg‘u berdi.
Shu kungacha fuqarolik institutlari faoliyati uchun ko‘plab sharoitlar yaratildi. 250dan ortiq qonun hujjatlari qabul qilindi. Lekin amalda samarali faoliyat yuritishga xalal berayotgan bo‘shliqlar hali bor. Masalan, davlat tashkilotlarining NNTlar faoliyatiga aralashmasligi hujjatda bor ediyu, aralashsa nima bo‘lishi noma'lum edi. Mana shunday savollarga o‘rin qoldirmaslik uchun soha vakillari barcha nyuanslarni muhokama qilish muhim.
❗️ Qonun loyihasi bo‘yicha takliflarni
21-martgacha Qonunchilik palatasi veb-saytida qoldirish mumkin.
На русском📱 Telegram 📱 Instagram 📱 Facebook