Исроил Бош вазири Беньямин Нетаньяҳу Оқ уйда Дональд Трамп билан учрашмоқда, бу АҚШ президентининг иккинчи муддатида қабул қилаётган биринчи хорижий раҳбари ҳисобланади. Икковлон матбуот йиғини ўтказди. Қуйида Трамп сўзларидан иқтибос (аниқроғи сўзма-сўз иқтибос эмас, мазмуни):

“Иордания ва Мисрдан ташқари яна бир неча давлатлар фаластинлик арабларни қабул қилади. Фаластин мустақил давлат бўлмайди. Ғазо яшаш учун яроқсиз ва ўта хавфли ҳудуд. У ерда бутун қолган бинолар ҳам қулайди. Мен Ғазо аҳолиси доимийга кўчириб ўтказилиши хақида гапиряпман. Биз Ғазони текислаймиз. Ғазо аҳолиси бошқа ерда тинч ва бахтли яшашга хақли.”

Шунингдек, Трамп БМТ Инсон ҳуқуқлари кенгашида АҚШ нинг иштироки тугатилиши, жумладан, БМТ ҳамда ЮНЕСКО таркибидан чиқишни кун тартибига келтириш бўйича баёнотлар берди.

У БМТ ва ЮНЕСКОни фалаж ташкилотлар деб атади.