Maqsadingizga erishish ehtimolini 50% oshirishning "oddiy" usuliMaqsadlari aniq bo'lmagan odamlar o'zlari umid qilganichalik muvaffaqiyatga erishmaydi. Maqsadlarini yozib yurmaydiganlar esa katta ehtimol bilan ularga erisha olmaydi
Kirish1979 va 1989-yil orasida
Garvard MBA talablari orasida bir tadqiqot o'tkazilgan. Unda talabalardan
"Kelajagingiz uchun aniq maqsadingiz bormi va unga erishish uchun rejalaringizni yozib qo'yganmisiz?" degan savol bilan so'rovnoma o'tkazilgan. Unga ko'ra:
— 84% talabalarda aniq maqsad yo'qligi
— 13% talabalarda maqsadi borligi lekin ularni yozib yurmasligi
— Faqatgina
3% talabalargina
maqsad va rejalarini yozib yurishi ma'lum bo'lgan.
Oradan 10 yil o'tib bu talabalar qayta o'rganilganda:
1. 13% maqsadi aniq bo'lgan talablar 84% lik guruhga qaraganda
2 baravar ko'proq daromad qilayotgani
2. Maqsad va rejalarini yozib yurgan
3%lik guruh daromadi esa
qolgan 97%dan 10 baravar ko'proq ekani
ma'lum bo'lgan.
Agar bu tadqiqot sizni maqsad qo'yishda ruxlantira olgan bo'lsa juda yaxshi.
Lekin aslida bu tadqiqot katta ehtimol bilan shunchaki o'ylab topilgan Maqsad qo'yish va ularga javobgarlik his qilish chindan muhimAmmo nafaqat maqsad aniq bo'lishi va yozib yurish balki unga nisbatan kimningdir oldida javobgar bo'lish qay darajada maqsadga erishish ehtimolini oshirishi haqida o'tkazilgan
ishonchli tadqiqotlar ham bor.
Ana shulardan biri Dominican University of California Psixologiya fanlari Professori
Gail Matthews (PhD) tomonidan o'tkazilgan bo'lib, unda 149 ta ishtirokchi 5 ta guruhga bo'lingan:
1. Maqsadlari haqida
faqat xayolda o'ylab, ularni
qiyinlik, muhimlik va unga erisha olish
resurslari (qobiliyat, vaqt, mablag') bo'yicha baholaganlar (
aniqlik)
2. Yuqoridagi ishni
yozma tarzda amalga oshirish so'ralganlar (
yozish)
3. Yozma tarzda baholashdan tashqari maqsadi uchun aniq
qadamma qadam reja tuzib chiqish so'ralganlar (
reja)
4. Yuqoridagilarga qo'shimcha yozganlarini
do'stiga yuborish so'ralganlar (
javobgarlik)
5. Do'stiga yuborishga qo'shimcha, har hafta aynan shu do'stiga
hisobot ham yozib turish so'ralganlar (
tahlil)
Natijalarga ko'ra maqsad va rejalarini yozganlar (2-5 guruh) ularga erishish ko'rsatkichi yozmaganlardan (1 guruh)
~50% balandroq bo'lgan. Eng muhimi esa o'z maqsadini nafaqat yozib, balki unga nisbatan javobgarlik his qilgan va doimiy tahlil qilgan 5-guruh natijasi 1-guruhdan ko'ra
~77% ga yaxshiroq bo'lgan.
E'tibor bering bu yerda hali maqsadi aniq bo'lmaganlar haqida umuman gap ketgani yo'q :)Maqsadlar aniq bo'lishi, ularni yozib yurish va ularga nisbatan javobgarlik va tahlil qanchalik muhim ekani haqida juda ko'plab
statistikalar mavjud. Lekin ko'pincha odamlar baribir
"Rejalarimni yozib yurishga vaqtim yo'q" deb o'zlariga bahona qiladi. Men esa ularga shunday degan bo'lardim:
Agar maqsad va rejalaringizni yozgani vaqtingiz bo'lmasa, ularga erishish uchun vaqtni qayerdan topmoqchisiz? )#goals #time_management
P.S: Postdan yana bir xulosa — internetda uchragan hamma narsaga ham ishonib ketavermanglar. Hattoki u
Forbesda yozilgan bo'lsa ham ))
@Musayev_blogi
