“Men uni o’zgartiraman”
5-6 yildan beri atrofimdagi qizlar oila qurishadi. Ular bilan suhbatlashish, savollar berishni azaldan yaxshi ko’rganman. Psixologlik qonda bo’lgan😁
Ko’p hollarda qizlarga: “falon ishda qoniqtingizmi?”, desam, masalan, Qur’on, namoz o’qish, ta’lim olish va hkz, qizlar: “to’liq emas, lekin o’zim o’zgartirib olaman, inshaalloh”, deyishardi. O’shanda ham tushunmastim, “bo’lari bo’lib bo’lgan-ku, nimasini o’zgartirar ekan”, deb…
Hozir qarashlarim o’zgargan, biroq asos o’sha-o’sha
Bir insonni o’zgartira olishga bunchalik ishonch qayerdan?
U ham mayli, kimnidir o’zgartirish xohishi – avtomatik tarzda uni hurmat qilmaslik, qabul qila olmaslik, degani. Er xotin munosabatlarida avvalo hurmat bo’lmasa, boshqa masalalarni ko’rpachadek yig’ishtirib qo’yaverish kerak
Boshidan elementar hurmat yo’q, qanday baxt-saodat, buyuk farzand, oliy maqsad haqida hayol qilinadi?
Aslida kimnidir o’zgartirish g’oyasi eng kamida xudbinlik, ko’pida kibr. Afsus-ki masala faqat juft bilan chegaralanmay, farzandlarga batarroq ko’rinishda o’tadi. Lekin, bu haqda bugun emas
Kimdir bo’lishni xohlaysizmi? O’zingiz bo’ling. Olim, shifokor, millioner va hkz. Shunda atrofingiz ham o’zingizga o’xshaganlarga to’ladi
Xohlagan va prioritetingizdagi sifatni boshqada ko’rmasangiz, u bilan oila qurish tavakkalini qilib, umringizni ham hazon qilmang
