Bolaligimda bobomning ko'rsatkich barmoqlarini ushlab yurishni yaxshi ko'rardim. Hali esimni tanimagan yoshda bo'lishimga qaramay, bobom menga kattalardek munosabatda bo'lar edilar.
Juda ko'p hikoya va rivoyatlarni aytib berardilar.

Kunlarning birida bobom bir nasihat qildilar.
Ulg'aygachgina uning mazmunini angladim. Shundan beri hech kimni aybini ham, gunohini ham zikr qilmaydigan bo'ldim.

Bobom aytardilar:

"Yaxshilab eslab qol, bolam. Katta bo'lsang tushunasan.

Birovning gunohini davrada zikr qilishda senga ulkan falokat bor.

Gaping rost bo'lsa - g'iybatchisan,
Gaping yolg'on bo'lsa - tuhmatchisan.
Ikkala holatda ham Qiyomatda bu so'roqdan pok o'tmaysan.

Balkim xatokor tavba qilib, Alloh uni avf etar. Ammo sen bo'yningda g'iybatning kabir tamg'asi qoladi.

Balkim o'sha gunohi sabab u haqqa qaytar, ammo sen o'sha g'iybating sabab haqdan burilishga yaqin bo'lasan"

@iqro_kutubxonasi📕