АЙИРМАНГ КЕЛИН ! !
ҚАЙНОНА ТИЛИДАН !!!

Инсоф борми, жон қизим сизда.
Оқибатни қолдирмай юзда.
Келин қилиб гуноҳкор бизда.
Жигарларни айирманг келин.

Зарда қилиб гаплар чақдингиз.
Минг ноз ила эрга ёқдингиз.
Ҳурматни ҳам сувга отдингиз.
Жигарларни айирманг келин.

Тинчлик борми бу уйда бир кун.
Ҳеч йўқ бир кун тинч яшанг бугун.
Туғилдику дилимда тугун.
Жигарларни айирманг келин.

Карғишимни олманг жон қизим.
Маломатга қолманг жон қизим.
Жаханнамда ёнманг жон қизим.
Жигарларни айирманг келин.

Ака ука бегонамаслар.
Ёр ишқида девонамаслар.
Сизсиз улар гирёнамаслар.
Жигарларни айирманг келин.

Бахтли бўлинг ёрингиз билан.
Қолинг дилда орингиз билан.
Яшанг йўғу борингиз билан.
Жигарларни айирманг келин.

Сўзларимни эшитинг секин.
Иноқ яшанг айрманг лекин.
Пушаймонда қолмангда кейин.
Жигарларни айирманг келин.

Киймай мен ҳам тескари тўним.
Сўнг топмайсиз бу уйда қўним.
Фақатгина айрсин ўлим.
Жигарларни айирманг келин.