Allohim, bir ishq ber menga munosib,
va Arshdan kuzatgin begonalarcha.
Men sevmoq istayman aqldan ozib,
Men sevmoq istayman devonalarcha.

Allohim, bir ishq ber menga munosib,
Borimni tikayin shu ishq yo’liga.
Do’zax olovini bag’rimga bosib,
Rashk o’tini solay jannat diliga.

Allohim, bir ishq ber menga munosib,
Mayli, jismimni ko’m xazonlar bilan.
Yettinchi falakning toqiga osib,
Ruhimni chormix qil armonlar bilan…

Bir ishq bergin menga munosib…