"Ўзмиллийбанк" АЖ матбуот котиби

Тўрақўрғон туманида «Лойиҳалар ярмаркаси» ташкил этилди

Мазкур тадбир тадбиркорликни ривожлантириш, камбағалликни қисқартириш борасида банк муассасалари билан ҳамкорликда ҳаётга татбиқ этиладиган лойиҳалардан биридир.

"Ўзмиллийбанк" АЖ вилоят бош бошқармаси бошлиғининг 1-ўринбосари, туманга бириктирилган вакил Акрамжон Каримов, туман ҳокимининг биринчи ўринбосари Қудратилла Соходиллаев имтиёзли кредитлар бериш бўйича шарт-шароитлар ҳақида гапирдилар.

Маҳаллалардаги ҳоким ёрдамчилари ўз ҳудудларида тадбиркорликни тараққий топтириш учун банклар томонидан кўрсатиладиган хизматлар ҳақида батафсил маълумотларга эга бўлдилар.

Янги иш ўринлари яратиш ва маҳсулотлар турини кўпайтириш бўйича ҳар бир ҳудуд шароитидан келиб чиқиб, янги лойиҳалар режалаштирилди.

@zebotukhtaeva

NUROTA TUMANIDA “LOYIHALAR YARMARKASI” O‘TKAZILDI

Davlatimiz rahbari tomonidan 2024-yil 16-dekabr kuni mahallalarda tijorat banklarining faolligini oshirish, tadbirkorlik muhitini yaxshilash, kambagʻallikni qisqartirish boʻyicha oʻtkazilgan videoselektor yigʻilishida tijorat banklarining mahallalarda samarali ish olib borishi, oʻzining biznes rejalari, tashabbuskor tadbirkorlarni qoʻllab-quvvatlash orqali mahallada ijtimoiy-iqtisodiy muhitni yaxshilash yuzasidan berilgan ustuvor vazifalar ijrosini ta’minlash maqsadida Nurota tumaida “Loyihalar yarmarkasi” hamda "Mehnat yarmarkasi" tashkil etildi.

Nurota tumani hokimligi va tijorat banklari tomonida tashkil etilgan “Loyihalar yarmarkasi”da Nurota tumani hokimi A.Fayziyev, “O‘zmilliybank” Navoiy viloyati bosh boshqarmasi boshlig'i H.Amonov hamda jamoatchilik vakillari ishtirok etishdi.

Yarmarkada tuman hokimi so‘zga chiqib, yangi loyihalar doirasida ishlab chiqilgan biznes-rejalar haqida tadbirkorlikni boshlash istagidagi aholi va ishtirokchilarga ularning mazmun-mohiyati atroflicha tushuntirildi.

Shuningdek, oʻtkazilgan yarmarkada tadbirkorlik qilish niyatida boʻlgan fuqarolar uchun biznes koʻnikmasini shakllantirish, banklar tomonidan taklif qilinayotgan imtiyozli kredit sarmoyasi, yaratiladigan ish oʻrinlari, bandlikni taʼminlash jihatlariga ham eʼtibor qaratilib, ishtirokchilarga mutaxassislar tomonidan tadbirkorlikka doir qonunchiligimizga kiritilgan oʻzgartish va yangiliklar, imtiyoz va qulayliklar toʻgʻrisida atroflicha maʼlumotlar berildi.

@zebotukhtaeva

“Маҳалла банкири” ҳудудларда ўз фаолиятини бошлади!

Президентимиз ташаббуси билан аҳоли манфаатларини самарали қўллаб-қувватлаш, уларга молиявий хизматларни яқинлаштириш ва маҳаллаларда иқтисодий фаолликни ошириш мақсадида йўлга қўйилган “Маҳалла банкири” лойиҳаси илк бор Наманган вилоятида фаолиятини бошлади.

Бу ташаббус доирасида Миллийбанкнинг малакали ходими Багратион Мусаев “Маҳалла банкири” этиб тайинланди. У ўзини бириктирилган маҳаллалардаги фуқаролар билан учрашувлар ўтказиб, уларнинг молиявий эҳтиёжларини чуқур ўрганишга ва муаммоларга тезкор ечим топишга киришди.

Учқўрғонда “Маҳалла банкири” лойиҳасининг амалга оширилиши Президентимиз топшириқларининг амалда ҳаётга татбиқ этилаётганини яққол кўрсатиб турибди. Миллийбанк эса бу ташаббуснинг биринчи иштирокчиси сифатида маҳаллий аҳолига молиявий кўмак ва хизматлар тақдим қилишда янгича ёндашувларни намоён этмоқда.
@zebotukhtaeva