Продам канал с доходом 138090

Всего за 55 000. Срочно нужны деньги.

SearcheeBot

Your guide in the world of telegram channels

TGAlertsBot

Monitoring of keywords in channels and chats

Statistics Favorites

YURIST MASLAHATI⚖

Channel's geo and language: Uzbekistan, Uzbek

Category: Law

Huquq – jamiyatda tartib va adolatni ta’minlovchi qonunlar tizimi. U konstitutsiyaviy, fuqarolik, jinoyat, ma’muriy, mehnat, oilaviy, tadbirkorlik va xalqaro huquq kabi sohalarni o‘z ichiga oladi.
🔹Huquqiy axborot
🔹 Prezident qarorlari
🔹Testlar

Related channels

Channel's geo and language

Uzbekistan, Uzbek

Category

Law

Statistics

Posts filter

Hide deleted

Hide forwards

YURIST MASLAHATI⚖

4 Mar, 21:26

❇️ Kanal konstitutsiyasi

✍ 7-modda

Obunachilar postlarni tarqatish va reaksiya bosish huquqiga ega bu kanal uchun foydali boʻlib kanaldagi maʼlumotlarni boshqalar ham koʻrishi uchun yordam boʻladi

✍ Izoh: har bir postni yaqinlaringizga tarqatsangiz ular ham oʻz haq-huquqlarini himoya qilishni oʻrganadi

👉 @yurist_kanali

5 0 0

YURIST MASLAHATI⚖

4 Mar, 15:22

#Qonunchilikdagi_yangiliklar

❗️Qurilish maydonlarida atmosfera havosini muhofaza qilish talablariga rioya etmaganlik uchun javobgarlik belgilandi

Qonun (O'RQ-1042-son, 03.03.2025 y.) bilan Ma'muriy javobgarlik to'g'risidagi kodeksga qo'shimchalar va o'zgartirish kiritildi.

🔰 Qonunga ko'ra, Ma'muriy javobgarlik to'g'risidagi kodeksga qurilish maydonlarida atmosfera havosini muhofaza qilish talablariga rioya etmaganlik uchun javobgarlikni belgilovchi qo'shimchalar va o'zgartirish kiritildi.

🔘 Bunda:

🔹O'lchami besh yuz kvadrat metr va undan ortiq bo'lgan qurilish maydonida, unga tutash bo'lgan hududda hamda undan chiqish yo'llarida chang va qum zarrachalarining havoga ko'tarilishini bartaraf etishga doir majburiy talablarni buzish yoxud ushbu hududlarda ifloslantiruvchi moddalarning yo'l qo'yiladigan doiradagi normativlardan ortiq darajada atmosfera havosiga chiqarilishiga yo'l qo'yish:

➖mansabdor shaxslarga BHMning 10 baravari (3 mln 750 ming so'm) miqdorida jarima solishga sabab bo'ladi.

🔹Xuddi shunday huquqbuzarlik ma'muriy jazo chorasi qo'llanilganidan keyin bir yil davomida takror sodir etilgan bo'lsa:

➖mansabdor shaxslarga BHMning 50 baravari (18 mln 750 ming so'm) miqdorida jarima solishga sabab bo'ladi.

📌Qonun rasmiy e'lon qilingan kundan e'tiboran 3 oy o'tgach kuchga kiradi.

Kanalga ulanish👇👇👇
https://t.me/yurist_kanali

13 0 0 2

YURIST MASLAHATI⚖

4 Mar, 09:21

Xotin-qizlar kuni va Navroʻz munosabati bilan necha kun dam olinadi?

⏺8-mart (shanba) — Xotin-qizlar kuni;
⏺9-mart (yakshanba) — dam olish kuni;
⏺10-mart (dushanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;

⏺21-mart (juma) — Navro‘z bayrami;
⏺22-mart (shanba) — 5 kunlik ish haftasida ishlovchilar uchun dam olish kuni, 6 kunlik ish haftasida ishlovchilar uchun ish kuni;
⏺23-mart (yakshanba) — dam olish kuni.

Mehnat kodeksining 208-moddasiga asosan dam olish kuni ishlanmaydigan bayram kuniga to‘g‘ri kelgan taqdirda, dam olish kuni bayramdan keyingi ish kuniga ko‘chiriladi.

Rasmiy kanalimiz:
👉 @Yurist_kanali

12 0 0

YURIST MASLAHATI⚖

4 Mar, 09:19

#savolimbor Assalomu alaykum, maktabda o’qituvchiman. Direktorimiz hamma o’qituvchilar “Open budjet”ga 300 mingdan pul bersin yoki ovoz yig’sin deb majburlayapti. Iltimos, shu to’g’rimi? Shuni kanalizda yoritsangiz zora direktorga insof kirsa…

❌ Direktorning harakatlari mutlaqo g’ayriqonuniy. Bu uchun direktorga jinoiy javobgarlikkacha bo'lgan jazo choralari belgilangan. Buni quyida asoslaymiz.

❌ O‘zbekiston Respublikasi Prezidentining 2023-yil 10-apreldagi PQ-117-son qarori 6-bandiga (https://lex.uz/uz/docs/-6429853) asosan, tashabbusli budjetlashtirish jarayonlari doirasida budjet tashkilotlarining rahbar xodimlari tomonidan majburiy ovoz yig‘ish bo‘yicha xodimlarga topshiriq berishlari taqiqlanadi. Bu majburiy mehnatga jalb qilish sifatida tasniflanadi.

❌ Mehnat kodeksining 5-moddasiga asosan majburiy mehnat taqiqlangan. Ma’muriy javobgarlik to‘g‘risidagi kodeksning 51-moddasiga muvofiq mehnatga biron-bir shaklda ma’muriy tarzda majburlash, bundan qonunda nazarda tutilgan hollar mustasno, bazaviy hisoblash miqdorining ellik baravaridan yuz baravarigacha miqdorda jarima solishga sabab bo‘ladi.

Xuddi shunday huquqbuzarlik ta’lim tashkilotining pedagog xodimiga nisbatan sodir etilgan bo‘lsa, bazaviy hisoblash miqdorining 100 baravaridan 150 baravarigacha (56 million 250 ming so’mgacha) miqdorda jarima solishga sabab bo‘ladi.

Jinoyat kodeksining 148-2-moddasiga mehnatga biron-bir shaklda ma’muriy tarzda majburlash, bundan qonunda nazarda tutilgan hollar mustasno, xuddi shunday qilmish uchun ma’muriy jazo qo‘llanilganidan keyin sodir etilgan bo‘lsa, bazaviy hisoblash miqdorining yuz baravaridan bir yuz ellik baravarigacha miqdorda jarima yoki ikki yilgacha muayyan huquqdan mahrum qilish yoxud ikki yilgacha axloq tuzatish ishlari bilan jazolanadi.

Mehnatga biron-bir shaklda ma’muriy tarzda majburlash, bundan qonunda nazarda tutilgan hollar mustasno, ta’lim tashkilotining pedagog xodimiga nisbatan xuddi shunday qilmish uchun ma’muriy jazo qo‘llanilganidan keyin sodir etilgan bo‘lsa, bazaviy hisoblash miqdorining bir yuz ellik baravaridan ikki yuz baravarigacha miqdorda (75 million so’mgacha) jarima yoki uch yilgacha muayyan huquqdan mahrum qilish yoxud uch yilgacha axloq tuzatish ishlari bilan jazolanadi.

Maktabgacha va maktab vaziri Hilola Umarovadan iqtibos keltiramiz: “Agar sizning ta’lim maskaningizda o‘qituvchilarni ushbu loyiha doirasida majburiy ovoz yig‘ishga jalb etish holatlari kuzatilsa, vazirlikning Ishonch telefoni 71−202−09−09 ga qo‘ng‘iroq qilishingizni so‘raymiz. Sizning murojaatingiz asosida ushbu yo‘nalishda qonun buzilish holati aniqlansa, tegishli mas’ul xodimlarga zarur ta’sir choralari ko‘riladi. "Tashabbusli budjet" loyihasi faqat tashabbusga asoslanadi, bunda hech kimni majburlashga yo‘l qo‘yilmaydi!”.

❗️ Open budjetga majburiy jalb qilish holatlariga duch kelsangiz quyidagilarga murojaat qiling!

Maktabgacha va maktab vazirligi: 71−202−09−09
Kambag'allikni qisqartirish va bandlik vazirligi: 71-200-06-00
Maktabgacha va maktab ta'limi vaziriga murojaat yo'llash uchun onlayn platforma: https://vazir.uzedu.uz/

Hurmatli ustozlar! Haq olinur berilmas. Qadringizni biling, haqingizni talab qiling!

P.S. Barchani o‘z hududidagi mavjud muammolarni hal etish bo‘yicha tashabbus ko‘rsatishga, faol bo‘lishga chorlaymiz! "Tashabbusli budjet" loyihasi faqat tashabbusga asoslansin, barchasi ixtiyoriy bo’lsin!

👉@yurist_kanali
Huquqlaringizni himoya qilishni oʻrganishni bizdan boshlang!

Maktabgacha va maktab ta'limi vazirligiga murojaat

Maktabgacha va maktab ta'limi vaziriga murojaat yo'nlash uchun onlayn platforma

14 0 0

YURIST MASLAHATI⚖

3 Mar, 19:14

#malumot

Ishlab chiqaruvchi — iste’molchiga realizatsiya qilish uchun tovar ishlab chiqaradigan korxona, tashkilot, muassasa yakka tartibdagi tadbirkor yoki o‘zini o‘zi band qilgan shaxslar;

Telegram
Instagram

14 0 0 1

YURIST MASLAHATI⚖

3 Mar, 19:09

📌 #Istemolchi huquqlari👇

✍️ 2--modda 👇

Qonunchilik hujjatlari ushbu Qonunda belgilangan iste’molchilarning huquqlarini cheklab qo‘yishi, ularni himoya qilishning kafolatlarini kamaytirishi mumkin emas.

- Yani qonun istemolchini o'z huquqlaridan to'sib qo'yishi yoki uni huquqini poymol bolishiga jim qarab turmaydi

Telegram
Instagram

YURIST MASLAHATI⚖

Huquq – jamiyatda tartib va adolatni ta’minlovchi qonunlar tizimi. U konstitutsiyaviy, fuqarolik, jinoyat, ma’muriy, mehnat, oilaviy, tadbirkorlik va xalqaro huquq kabi sohalarni o‘z ichiga oladi. 🔹Huquqiy axborot 🔹 Prezident qarorlari 🔹Testlar

14 0 0 1

YURIST MASLAHATI⚖

3 Mar, 19:02

#Qonunchilikdagi_yangiliklar

❗️Iqtisodiyotda xususiy sektorning roli yanada oshiriladi

“Iqtisodiyotda raqobatni rivojlantirish va xususiy sektorning rolini yanada oshirish chora-tadbirlari to'g'risida”gi Prezident Farmoni (PF-35-son, 28.02.2025 y.) qabul qilindi

🔰 Farmonga ko'ra, mulkchilik shaklidan qat'i nazar bir yoki bir nechta xo'jalik yurituvchi subyektlar va davlat tashkilotlariga muayyan tovarlarni ishlab chiqarish (xizmatlar ko'rsatish, ishlarni bajarish) yoki sotish yoxud sotib olish, shuningdek, yagona operatorlik xizmatlarini ko'rsatish uchun quyidagilar asosida taqdim etilgan mutlaq huquq eksklyuziv huquq sifatida e'tirof etiladi:

🔹qonunchilik hujjatlari bilan istisno tariqasida berilgan ruxsat (huquq);

🔹umumiy tartibdan tashqari ravishda berilgan yakka tartibdagi litsenziya (ruxsatnoma).

❕Bunda tanlov (tender) asosida taqdim etilgan litsenziyalar (ruxsatnomalar) eksklyuziv huquq sifatida e'tirof etilmaydi.

🗓 2025-yil 1-apreldan eksklyuziv huquq xo'jalik yurituvchi subyektlarga qonunlar va Prezident farmon va qarorlari bilan 3 yildan ortiq bo'lmagan muddatga faqat quyidagi maqsadlar uchun beriladi:

▪️ konstitutsiyaviy tuzumni, aholining sog'lig'ini, O'zbekiston mudofaa qobiliyatini, davlat va jamoat xavfsizligini hamda jamoat tartibini ta'minlash;

▪️ tabiiy ofatlar, halokatlar va epidemiyalarning oldini olish hamda ularni bartaraf etish.

Kanalga ulanish👇👇👇
https://t.me/yurist_kanali

14 0 0

YURIST MASLAHATI⚖

3 Mar, 19:01

To‘y va marosimlar bo‘yicha parlament kengashining ishlamayotgan qarori...

Parlament palatalari kengashining 2019 yil 14 sentyabrdagi qo‘shma qaroriga asosan O‘zbekistonda to‘ylar va marosimlarni tartibga solish bo‘yicha nizom qabul qilingan edi.

Unga ko‘ra:

➖ to‘ylar, oilaviy tantanalar, ma’raka va marosimlarda 200 nafargacha, mazkur tadbirlar munosabati bilan osh berish marosimida 250 nafargacha kishi qatnashadi;

➖ qo‘shaloq to‘ylarda 250 nafargacha, u bilan bog‘liq osh berish marosimida 300 nafargacha kishi qatnashishi mumkin;

➖ dafn etish va motam marosimlari ko‘pi bilan uch kun mobaynida cheklanmagan miqdordagi fuqarolar ishtirokida o‘tkazilishi mumkin, osh berish marosimi bundan mustasno.

Ushbu qarorda shuningdek, boshqa bir qator cheklov va talablar ham qo‘yilgan. Ammo yuqorida sanalgani kabi boshqa talablarga ham rioya etilmayapti.

☝️Savol: amalda ishlamaydigan nizom bo‘lsa, unda nima uchun qabul qilingan? Agar bu nizom ishlamasa nima uchun bekor qilinmayapti?

👉 @yurist_kanali

13 0 0

YURIST MASLAHATI⚖

2 Mar, 18:20

#mehnat_huquqi

❓Savol: Ramazon oyida xodimlar uchun imtiyozlar bormi?

✅ Javob: Qonunchilikda Ramazon oyi uchun xodimlarga alohida imtiyozlar nazarda tutilmagan boʻlsada, ish beruvchi va xodim oʻrtasida tuzilgan kelishuv asosida maʼlum bir imtiyozlar berilishi mumkin. Buni quyida bir nechta usullarini keltiramiz:

#1-usul

Mehnat kodeksining 13-moddasiga ko‘ra, mehnat haqidagi boshqa huquqiy hujjatlarda xodimlar uchun mehnat to‘g‘risidagi qonunchilikda belgilanganiga nisbatan qo‘shimcha huquqlar va kafolatlar nazarda tutilishi mumkin.

Demak, mehnat haqidagi boshqa huquqiy hujjatlarda Ramazon oyida xodimlar uchun alohida kafolatlar nazarda tutilishi mumkin.

Yaʼni jamoa kelishuvlarida yoxud jamoa shartnomasida ramazon oyida xodimlar uchun kafolatlar nazarda tutilmagan bo‘lsada, ish beruvchi o‘z vakolatlari doirasida yakka o‘zi qabul qiladigan yakka tartibdagi huquqiy hujjatlarda (buyruqlar, farmoyishlar, qarorlar) ham alohida kafolatlarni nazarda tutilishi mumkin.

#2-usul

Mehnat kodeksining 204-moddasiga ko‘ra, ish kuni (smena) davomida xodimga dam olish va ovqatlanish uchun davomiyligi ko‘pi bilan 2 soat va kamida 30 daqiqa bo‘lgan, ish vaqtiga kiritilmaydigan tanaffus berilishi kerak. Ichki mehnat tartibi qoidalarida yoki mehnat shartnomasida, agar xodim uchun belgilangan kunlik ishning (smenaning) davomiyligi to‘rt soatdan oshmasa, unga mazkur tanaffus berilmasligi nazarda tutilishi mumkin.

Dam olish va ovqatlanish uchun tanaffus berish vaqti va uning aniq davomiyligi ichki mehnat tartibi qoidalarida yoki xodim va ish beruvchi o‘rtasidagi kelishuvga ko‘ra belgilanadi.

Demak, Ramazon oyida ro‘zador xodimlar uchun biz amaliyotda ko‘nikib qolganimiz dam olish va ovqatlanish uchun 1 soatlik tanaffus o‘rniga ularga dam olishi uchun 30 daqiqa berilsa, shunda ro‘zador xodimlar 30 daqiqa vaqtli ketishlari mumkin bo‘ladi.

#3-usul

Ramazon oyida xodimga to‘liqsiz ish vaqti belgilanishi mumkin. MK 186-moddasi

#4-usul

MK 228-moddaga asosan ta’tildan foydalanishning jadvalda belgilangan vaqtidan oldin ham ta’til berish mumkin.

👉@yurist_kanali Huquqlaringizni himoya qilishni oʻrganishni bizdan boshlang!

Roza tutgan brodaringizga jonatishni unutmang

1.4k 1 3 2

YURIST MASLAHATI⚖

2 Mar, 18:18

#istemolchi

❓Tovar (ish, xizmat) haqida noto‘g‘ri ma’lumot berilgan taqdirda iste’molchining qanday huquqlari mavjud?

✅ Agar tovar (ish, xizmat) haqida noto‘g‘ri yoki yetarli darajada to‘liq bo‘lmagan ma’lumot berilmagan taqdirda isteʼmolchilar quyidagi huquqlarga ega boʻladilar:

1⃣ Zarur iste’mol xossalariga ega bo‘lmagan tovar (ish, xizmat) sotib olinishiga sabab bo‘lsa, iste’molchi shartnomani bekor qilishga va o‘ziga yetkazilgan zararning qoplanishini talab qilishga haqli;

2⃣ Sotib olingan tovar (ish, xizmat)dan ko‘zlangan maqsadda foydalana olmaslikka sabab bo‘lsa, iste’molchi tegishli ma’lumot oqilona qisqa (ko‘pi bilan uch kunlik) muddatda berilishini talab qilishga haqli;

3⃣ Agar ma’lumot aytilgan muddatda berilmasa, iste’molchi shartnomani bekor qilib, zararning qoplanishini talab qilishga haqli;

4⃣ Iste’molchining hayotiga, sog‘lig‘iga yoxud mol-mulkiga zarar yetkazilishiga sabab bo‘lsa, u ishlab chiqaruvchi (ijrochi, sotuvchi) oldiga qonunchilikda nazarda tutilgan talablarni qo‘yishga haqli;

☑️ Iste’molchining tovar (ish, xizmat) haqidagi noto‘g‘ri yoki yetarli darajada to‘liq bo‘lmagan ma’lumot tufayli yetkazilgan zararni qoplash to‘g‘risidagi talablari sotib olingan tovar (ish, xizmat)ning xossalari va jihatlari haqida iste’molchi maxsus bilimga ega emas degan taxminga asoslanib qarab chiqiladi.

📌 Noto‘g‘ri reklama oqibatida sotib olingan tovar (ish, xizmat) tufayli iste’molchiga yetkazilgan zarar ishlab chiqaruvchi (ijrochi, sotuvchi) tomonidan to‘liq hajmda qoplanishi lozim.

👉@yurist_kanali
Huquqlaringizni himoya qilishni oʻrganishni bizdan boshlang.

23 0 0 1

YURIST MASLAHATI⚖

2 Mar, 18:14

🤔 #Istemolchi kim ?

Iste’molchilarning huquqlarini himoya qilish to‘g‘risida👇

📜 1-modda. Ushbu Qonunda qo‘llaniladigan asosiy tushunchalar
Ushbu Qonunda quyidagi tushunchalar qo‘llaniladi:

Iste’molchi — foyda chiqarib olish bilan bog‘liq bo‘lmagan holda shaxsiy iste’mol yoki boshqa maqsadlarda tovar sotib oluvchi, ish, xizmatga buyurtma beruvchi yoxud shu niyatda bo‘lgan fuqaro (jismoniy shaxs);

21 0 0

YURIST MASLAHATI⚖

1 Mar, 16:58

- O'zbekistonda so'z erkinligi yo'q ❌

Eslatib o'taman O'zbekiston Respublikasi yangi konstitutsiyasining 33- moddasida quyidagicha bayon etiladi
Har kim fikrlash, so'z va e'tiqod erkinligi huquqiga ega. Har kim o'zi istagan axborotni izlash, olish va uni tarqatish huquqiga ega, amaldagi konstitutsiyaviy tuzumga qarshi qaratilgan axborot va qonun bilan belgilangan boshqa cheklashlar bundan mustasnodir.
Bundan kelib chiqadiki: muayyan bir shaxsga qillingan xaqoratomus so'zlar, shaxsga qillingan tanqid, yoki uning shaxsiyatiga tegadigan gaplar uchun ushbu modda ishlamaydi

34 0 0 5

YURIST MASLAHATI⚖

1 Mar, 15:42

📝 Izoh👇

🔹 Shaxsning ID kartasidagi shaxsini tasdiqlovchi ma'lumotlar uning zagran ( chetga chiqish uchun ishlatiladigan passport ) passportida ham mavjud bo'lib undan shaxsini tasdiqlash uchun foydalansa bo'ladi

34 0 0

YURIST MASLAHATI⚖

1 Mar, 15:24

Haydovchini YPX xodimi tosib undan shaxsini tasdiqlovchi xujjat soradi (pasport) haydovchi esa YPX xodimiga yonida ID kartasi yo'qligi uchun zagran (chetga chiqish uchun ishlatiladigan paspor) taqdim etdi lekin YPX xodimi u taqdim etgan hujjatni rad etdi

Poll

YPX xodimi xaq
YPX xodimi noxaq

13 votes

33 0 1 1

YURIST MASLAHATI⚖

1 Mar, 15:14

#Xotin_qizlar_huquqi

❗️"Xotin-qizlarga huquqiy ko'mak" aksiyasi o'tkaziladi

🔰 Aksiya doirasida quyidagilar rejalashtirilgan:

▪️Birlamchi bepul yuridik yordam ko'rsatish;

▪️ Huquqiy muammolarni bartaraf qilish;

▪️ "Adliya kuni", "Huquqiy targ'ibot kuni" loyihalari;

▪️ Xotin-qizlar huquqlari bo'yicha ma'lumotlarni OAV va ijtimoiy tarmoqlar orqali keng yoritish;

▪️ kurslar.huquqiyportal.uz elektron tizimida ayollar huquqiga oid bepul onlayn o'quv kurslarini tashkil etish;

▪️ “Huquqiy axborot minbari” rukni ostida audio podkastlar tashkil qilish;

▪️ Sayyor qabullar va boshqa tadbirlar tashkil etish.

Kanalga ulanish👇👇👇
Telegram

Instagram

31 0 0 1

YURIST MASLAHATI⚖

1 Mar, 13:28

✅ Shaxsni yaqin qarindoshlari sudlanganligi uchun — Prokuraturaga ishga qabul qilmasliklari toʻgʻrimi?

Oʻzbekiston Respublikasining Konstitutsiyasi 28-moddasida shaxsning sudlanganligi va bundan kelib chiqadigan huquqiy oqibatlar uning qarindoshlari huquqlarini cheklash uchun asos boʻlishi mumkin emasligi mustahkamlangan.

Shuningdek, Prokuratura toʻgʻrisidagi qonun 43-moddasiga koʻra prokuratura organlarida prokurorlar, tergovchilar, surishtiruvchilar va ish oʻrganuvchilar lavozimiga oliy yuridik maʼlumotga ega, zarur kasbiy fazilatlari boʻlgan, zimmalariga yuklanadigan xizmat vazifalarini bajarishga sogʻligʻi imkon beradigan Oʻzbekiston Respublikasining fuqarolari tayinlanadi.

Ushbu qonunda shaxsning yaqin qarindoshlari sudlanganligi holati uning mazkur organga xizmatga kirishiga cheklov qoʻyish haqidagi biror qoida belgilanmagan.

Shunday ekan, talabgor yuqoridagi qonunning 43-moddasi talablariga javob bersa, ushbu organga ishga qabul qilinishingiz mumkin.

Telegram. Instagram

33 0 1 2

YURIST MASLAHATI⚖

1 Mar, 13:02

Yo‘l-patrul xizmati (YPX) xodimlari bilan muloqot qilish huquqi

Haydovchi YPX xodimlari bilan muloqot qilishda quyidagi huquqlarga ega:

1. YPX xodimining o‘zini tanishtirishini talab qilish – haydovchi uni to‘xtatgan inspektordan ismi, familiyasi, lavozimi va xizmat guvohnomasini ko‘rsatishini so‘rashi mumkin.

2. To‘xtatilish sababini bilish – YPX xodimi haydovchini qonuniy asos bo‘yicha to‘xtatishi kerak va buning sababini aniq tushuntirishi lozim.

3. Hujjatlarini taqdim etishda shaxsiy xavfsizlikni ta’minlash – hujjatlar talab qilinganda haydovchi ularni oynani tushirmasdan yoki mashinadan tushmasdan ham ko‘rsatishi mumkin.

4. Hujjatlar va jarimalar bilan bog‘liq tushuntirishlarni so‘rash – agar haydovchiga jarima yoki boshqa chora qo‘llanilsa, u YPX xodimidan huquqbuzarlikni tasdiqlovchi dalillarni (foto, video) ko‘rsatishni va huquqiy izoh berishni talab qilish huquqiga ega.

5. Advokat yoki boshqa vakil yordamidan foydalanish – agar huquqbuzarlik bo‘yicha rasmiy bayonnoma tuzilayotgan bo‘lsa, haydovchi huquqiy maslahat olish huquqiga ega.

6. Qo‘pol munosabat va noqonuniy harakatlarga qarshi shikoyat qilish – agar YPX xodimi adolatsiz yoki qo‘pol munosabatda bo‘lsa, haydovchi Ichki ishlar organlariga yoki sudga shikoyat qilish huquqiga ega.

Agar YPX xodimi haydovchining ushbu huquqlarini poymol qilsa, haydovchi bu haqda tegishli idoralarga murojaat qilishi mumkin.

Telegram

Instagram

33 0 2 6

YURIST MASLAHATI⚖

1 Mar, 13:02

https://chorraha.uz/ypx-xodimlari-majburiyatlari/
YPX xodimlari majburiyatlari - Chorraha

29 0 0 5

YURIST MASLAHATI⚖

1 Mar, 09:31

#Qonunchilikdagi_yangiliklar

❗️Sun'iy intellektdan foydalangan holda statistik ma'lumotlardan foydalanish samaradorligi oshiriladi

🌐 Farmonga ko'ra, Statistika organlarida sun'iy intellekt texnologiyalaridan foydalangan holda 2026-yil 1-yanvardan quyidagi interaktiv xizmat turlari joriy etiladi:

▪️hisobotlarni topshirishda korxona va tashkilotlarga maslahat beruvchi “Maslahatchi” sun'iy intellektga asoslangan interaktiv xizmati;

▪️ foydalanuvchilarga statistik ma'lumotlarni tez izlab topishga ko'maklashuvchi “Tahlilchi” sun'iy intellektga asoslangan konsultativ xizmati;

▪️statistik kuzatuvlarni telefon yordamida o'tkazish imkonini beruvchi “Call-markaz” faoliyati.

🗓 2025/2026-o'quv yilidan Milliy statistika qo'mitasida Toshkent davlat iqtisodiyot universitetining Iqtisodiy statistika kafedrasi filiali tashkil etiladi.

✅ 2025-yil 1-iyuldan YTTlarni davlat ro'yxatidan o'tkazishni ular shug'ullanishi mumkin bo'lgan faoliyat turlari hamda iqtisodiy faoliyat turlarining umumdavlat tasniflagichi asosida amalga oshiriladi.

Kanalga ulanish👇👇👇
https://t.me/yurist_kanali

30 0 0 1

YURIST MASLAHATI⚖

1 Mar, 09:28

#Qonunchilikdagi_yangiliklar

❗️Milliy statistika qo'mitasi tashkil etiladi

“Statistika ishlarini tashkil etish va yuritish tizimini yangi bosqichga olib chiqish bo'yicha qo'shimcha chora-tadbirlar to'g'risida”gi Prezident Farmoni (PF-27-son, 24.02.2025 y.) qabul qilindi.

🔰Farmonga ko'ra, Prezident huzuridagi Statistika agentligi Milliy statistika qo'mitasi sifatida qayta tashkil etiladi.

✔️ Statistika ishlari samaradorligini yanada oshirishning quyidagi ustuvor yo'nalishlari belgilandi, jumladan:

🔹makroiqtisodiyot va tarmoqlar darajasida statistik kuzatuv o'tkazish tizimini hamda ularning metodologiyasini xalqaro standart va tavsiyalarga muvofiq takomillashtirib borish;

🔹 integratsiya jarayonlarini kengaytirish orqali statistik hisobotlarni qisqartirish va biznesga hisobot topshirish yukini kamaytirib borish;

🔹“mahalladan – respublikagacha” tamoyili bo'yicha statistik ko'rsatkichlarni shakllantirish tizimini yaratish orqali ma'lumotlarning ishonchliligini ta'minlash.

🖥 2025-yil yakunigacha “Hududlar statistikasi” axborot tizimi ishga tushiriladi.

📁 2025-yil yakuni bo'yicha hisobot davridan boshlab xodimlar soni yillik o'rtacha 5 kishidan kam bo'lgan va yillik tushumi BHMning 2 000 barobarigacha bo'lgan mikrofirma va kichik korxonalar uchun yillik statistika hisobotini topshirish majburiyatini bekor qilib, har uch yilda bir marotaba statistik hisobot topshirilishi belgilandi.

Kanalga ulanish👇👇👇
https://t.me/yurist_kanali

27 0 0 1

20 last posts shown.

23

subscribers

Channel statistics

Popular in the channel

#mehnat_huquqi ❓Savol: Ramazon oyida xodimlar uchun imtiyozlar bormi? ✅ Javob: Qonunchilikda ...

📝 Izoh👇 🔹 Shaxsning ID kartasidagi shaxsini tasdiqlovchi ma'lumotlar uning zagran ( chetga chiqi...

- O'zbekistonda so'z erkinligi yo'q ❌ Eslatib o'taman O'zbekiston Respublikasi yangi konstitutsi...

Yo‘l-patrul xizmati (YPX) xodimlari bilan muloqot qilish huquqi Haydovchi YPX xodimlari bilan mu...

✅ Shaxsni yaqin qarindoshlari sudlanganligi uchun — Prokuraturaga ishga qabul qilmasliklari toʻgʻ...