Forward from: Intellektual mulk yangiliklari
#Adliya_xabari
“Gʻijduvon shashlik” geografik koʻrsatkich sifatida roʻyxatdan oʻtkazildi
O‘zbekiston Respublikasi “Geografik ko‘rsatkichlar to‘g‘risida”gi Qonuniga ko‘ra, tovarni muayyan geografik obyekt hududidan kelib chiqqan tovar sifatida identifikatsiyalovchi belgi geografik ko‘rsatkich deb e’tirof etilib, unda tovarning sifati, nom qozonganligi yoki boshqa xususiyatlari uning geografik jihatdan kelib chiqishiga sezilarli darajada bog‘liq bo‘ladi.
O‘zbekiston Respublikasi Adliya vazirligi geografik ko‘rsatkichlarni huquqiy jihatdan muhofaza qilish sohasidagi vakolatli davlat organi hisoblanadi.
Buxoro viloyat adliya boshqarmasining ko‘magi bilan joriy yilning 24-avgust kuni “G‘IJDUVON ShAShLIK” geografik ko‘rsatkich sifatida Adliya vazirligi tomonidan davlat ro‘yxatidan o‘tkazildi.
Buxoro viloyatida birinchi bo‘lib davlat ro‘yxatidan o‘tkazilgan ushbu geografik ko‘rsatkichdan foydalanish huquqini tasdiqlovchi guvohnoma uning egasi, ya’ni G‘ijduvon tuman hokimligiga guvohnomada ko‘rsatilgan tovar turiga nisbatan foydalanish huquqini beradi.
Mazkur geografik ko‘rsatkich guvohnomasi viloyat adliya boshqarmasi boshlig‘ining birinchi o‘rinbosari Sh.Bahronov tomonidan davlatimiz mustaqilligining 32 yillik bayrami tadbirlari doirasida G‘ijduvon tuman hokimi Sh.Ashurovga tantanali ravishda topshirildi.
Eslatma: muayyan tovarning geografik ko‘rsatkich sifatida davlat ro‘yxatidan o‘tkazilishi jismoniy va yuridik shaxslarga qo‘shimcha majburiyatlarni yuklamaydi, geografik ko‘rsatkichlarni huquqiy jihatdan muhofaza qilish va ulardan foydalanish qonunda belgilangan tartibda amalga oshiriladi.
@adliyaimd
“Gʻijduvon shashlik” geografik koʻrsatkich sifatida roʻyxatdan oʻtkazildi
O‘zbekiston Respublikasi “Geografik ko‘rsatkichlar to‘g‘risida”gi Qonuniga ko‘ra, tovarni muayyan geografik obyekt hududidan kelib chiqqan tovar sifatida identifikatsiyalovchi belgi geografik ko‘rsatkich deb e’tirof etilib, unda tovarning sifati, nom qozonganligi yoki boshqa xususiyatlari uning geografik jihatdan kelib chiqishiga sezilarli darajada bog‘liq bo‘ladi.
O‘zbekiston Respublikasi Adliya vazirligi geografik ko‘rsatkichlarni huquqiy jihatdan muhofaza qilish sohasidagi vakolatli davlat organi hisoblanadi.
Buxoro viloyat adliya boshqarmasining ko‘magi bilan joriy yilning 24-avgust kuni “G‘IJDUVON ShAShLIK” geografik ko‘rsatkich sifatida Adliya vazirligi tomonidan davlat ro‘yxatidan o‘tkazildi.
Buxoro viloyatida birinchi bo‘lib davlat ro‘yxatidan o‘tkazilgan ushbu geografik ko‘rsatkichdan foydalanish huquqini tasdiqlovchi guvohnoma uning egasi, ya’ni G‘ijduvon tuman hokimligiga guvohnomada ko‘rsatilgan tovar turiga nisbatan foydalanish huquqini beradi.
Mazkur geografik ko‘rsatkich guvohnomasi viloyat adliya boshqarmasi boshlig‘ining birinchi o‘rinbosari Sh.Bahronov tomonidan davlatimiz mustaqilligining 32 yillik bayrami tadbirlari doirasida G‘ijduvon tuman hokimi Sh.Ashurovga tantanali ravishda topshirildi.
Eslatma: muayyan tovarning geografik ko‘rsatkich sifatida davlat ro‘yxatidan o‘tkazilishi jismoniy va yuridik shaxslarga qo‘shimcha majburiyatlarni yuklamaydi, geografik ko‘rsatkichlarni huquqiy jihatdan muhofaza qilish va ulardan foydalanish qonunda belgilangan tartibda amalga oshiriladi.
@adliyaimd