❓O‘zbekistonda 1-fevraldan nimalar o‘zgaradi?

➡️O‘zbekiston ichidagi tezyurar va oddiy (yotoq) poyezdlarning chiptalari narxi oshadi. “Afrosiyob” biletlari 20−25 foizga, “Sharq”, “Nasaf” va “O‘zbekiston” biletlari esa 30 foizga ko‘tariladi. Yotoqli poyezdlarniki esa 10,5 foizga oshadi;

➡️Reabilitatsiya tovarlari (kreslo-aravachalar, kichik gabaritli aravachalar, eshitish moslamalari, hassalar va qo‘ltiqtayoqlar) uchun to‘lovlar ushbu vositalarga muhtoj bo‘lgan shaxslarning ijtimoiy kartalariga tasdiqlangan ro‘yxatga muvofiq o‘tkaziladi;

➡️Ijtimoiy kartalarni muomalaga kiritish va foydalanish bo‘yicha sinov rejimida 1070 qisqa raqami (“Ishonch telefoni”) ishga tushiriladi;

➡️Og‘ir hayotiy vaziyatda va yaqin qarindoshlari ko‘magisiz qolgani sabab farzandini tarbiyalashdan voz kechmoqchi bo‘lgan onalar, homilador ayollar uchun bolalar uylarida “Onalar maskani” xizmati yo‘lga qo‘yiladi;

➡️Oilaviy bolalar uyini tashkil etish uchun oilaning er va xotindan iborat to‘liq oila bo‘lish talabi bekor qilinadi;

➡️Ishsizlar, shu jumladan, kam ta’minlangan oilalar a’zolari uchun talab yuqori bo‘lgan kasb-hunarlarga o‘qitish tizimi joriy etiladi;

➡️Avtoturargohlarning kamida 5 foizi elektromobillarni quvvatlantirish stansiyasi bilan jihozlanadi.

Bizni kuzating:

Instagram | YouTube | Telegram