🎓 Navoiy innovatsiyalar universitetida O‘zbekiston yoshlar ittifoqi Navoiy viloyat Kengashi raisi Jonibek Jumayev, Respublika yoshlar ishlari Agentligi vakili I.Matlamov, Navoiy viloyat yoshlari ishlari boshqarmasi bo‘lim boshlig‘i A.Yashinov va Oliy ta’lim, fan va innovatsiyalar boshqarmasi innovatsion rivojlanish shubasi boshlig'i D.Bobomurodov ishtirokida talaba yoshlar bilan uchrashuv tashkil etildi.

🔎 Uchrashuv davomida yoshlarning huquq va manfaatlari, bandlik va tadbirkorlik kabi dolzarb masalalar muhokama qilindi. Yoshlar o‘zlarini qiynayotgan muammo va takliflarini mas’ul shaxslarga bildirishdi, ayniqsa, ish bilan ta’minlash, tadbirkorlik imkoniyatlari yaratish va ta’lim sohasidagi yangi imkoniyatlarga oid savollar ko‘tarildi.

Mas’ullar yoshlarning tashabbuslarini tinglab, ular uchun mavjud bo‘lgan davlat dasturlari, grantlar va ta’lim imkoniyatlari haqida batafsil ma'lumot berishdi. Ular yoshlar uchun ijtimoiy va iqtisodiy faoliyatda muvaffaqiyatli bo‘lishlari uchun qanday yo‘llar bilan imkoniyatlardan foydalanish mumkinligini tushuntirishdi.