Haq yo'lini bilding oson,
Oh nafsim naylayin seni?
Abas ishga shoshding chunon,
Oh nafsim, naylayin sen?

Tutding kibr, kin-u nafrat,
Suyganing ham moli davlat,
Voz kecharga keldi muhlat,
Oh nafsim, naylayin seni?

Ixlos ayla, riyodan qayt,
Haqqa bormas rizodan qayt,
Alloh bergan aql - ne'mat,
Oh nafsim, naylayin seni?

Ketsin sendan hoyu havas,
Tadbiringda xush bo'lki, bas,
Taqdiringga qilmagin qasd,
Oh nafsim, naylayin seni?

Et hamisha Xudoni yod,
Nabiylarning poyida yot,
Och ko'zingni, g'aflating ot,
Oh nafsim, naylayin seni?

Yo Rab, quling hidoyat qil,
Rahmatingni inoyat qil,
Bu bandang ahli toat qil,
Oh nafsim, naylayin seni?

Mutmainna, rizo topgin,
Marziya bo'l, safo topgin,
Dunyoni qo'y, baqo topgin,
Oh nafsim, naylayin seni?

- "Men", Fotih Duman