Прокуратура оилаларни камбағалликдан чиқариш бўйича ишларни ўрганишни бошлади

Бош прокуратура ишчи гуруҳи ва вилоят прокуратураси томонидан Миришкор туманида "Камбағалликдан фаровонлик сари" дастури доирасида амалга оширилаётган ишлар аҳволи ўрганилди.

Хусусан, туманнинг “Ободон” маҳалласида яшаётган оғир тоифадаги оилалар хонадонига борилиб, уларнинг бандлиги, даромад манбаи, касбий билим ва кўникмалари даражаси ўрганилди.

Индивидуал дастур ижроси юзасидан масъулларга зарур кўрсатмалар берилиб, оилаларни ўрганишда масъулларга "Камбағал оилалар учун еттита имконият ва масъулият" тамойили асосида ишларни ташкиллаштириш механизми тушунтирилди.