🏃 Shoshqaloqlikdan saqlaning

Biz insonlar odatda shoshqaloqlik bilan ish koʻramiz. Ayniqsa, oʻzimiz ich-ichimizdan xohlagan ishni sodir etmoqchi boʻlsak.

Xuddi shunga oʻxshab, baʼzida shoshilib firk yuritamiz. Tushunishim boʻyicha, bunday fikr yuritish odatda keng qamrovli emas, balki tor doiradagi fikrlash bilan yakun topadi. Turli xil sodir boʻlishi mumkin boʻlgan ehtimolliklarni hisobga olmaymiz va doimo yaxshi yakun haqida oʻylaymiz.

Albatta, yaxshi yakun haqida tasavvur qilish insonga ancha yoqadi. Lekin, real hayotda doim ham bunday boʻlmaydi.

📖 Bir ajoyib kitobda quyidagi jumlalarni oʻqigan edim:

Rejangizning baxtli yakunini orzu qilish bilan vaqtingizni sarflash o‘rniga, unda yuzaga kelishi mumkin bo‘lgan har qanday ehtimoliy holat va to‘siqlarni hisob-kitob qilish ustida ishlashingiz lozim. Qanchalik uzoqni ko‘ra olsangiz, qanchalik ko‘p qadamni oldindan rejalashtira olsangiz, shunchalik kuchli bo‘lasiz.

Xulosam 2 ta: 1) Shoshqaloqlik qilib fikr yuritmang. 2) Doimo yaxshi yakun boʻlmasligiga oʻzingizni koʻndiring va shu orqali barcha ehtimollarni hisoblab chiqib, tayyor boʻling.

Sizga savol: Siz qanday fikr yuritasiz? Nima uchun biz ba’zida shoshqaloq qarorlar qabul qilamiz?

Hurmat bilan @yaxshiodamdan