Menga nigohlaring tashlangan mahal,
Endi vujudimni bosmas hayajon.
Shunchaki o'tarman yo'ldan indamay,
Shunchaki ketarsan darsingga tomon.

Menga nigohlaring tashlangan mahal,
Esga tushmas endi ohuning raqsi.
Shunchaki ko'rinar badjahl, o'jar,
Ko'zingga jo bo'lgan o'limning ramzi.

Menga nigohlaring tashlangan mahal,
Endi qilmaysan hech ta'na, malomat.
Bu kun qarashlaring sokinlik berar,
Yolg'izlikdan menga so'zlab hikoyat.

Menga nigohlaring tashlangan mahal,
Endi so'z ochmasman biror mavzudan.
Balki o'zim uchun shunisi afzal,
Balki sening uchun kechdim orzudan.

Menga nigohlaring tashlangan mahal,
Endi ko'zlarimni yerlarga olgum.
Sen ichingda deysan: qaramasang gar,
Barcha she'rlaringni Xudoga soldim.

©️Yastiriy

https://t.me/yastiriy