ХАБАРЛАР

Бугундан суғуртасиз ҳайдовчилар машинаси жарима майдонига қўйилмайди

Бу ҳақда Маъмурий жавобгарлик тўғрисидаги кодексга тегишли ўзгартиш киритилди.

Унга кўра, транспорт воситалари эгаларининг фуқаролик жавобгарлигини мажбурий суғурта қилиш тўғрисидаги қонун ҳужжатлари талабларини бузганлиги, шунингдек суғурта полисининг ҳайдовчи ёнида бўлмаслиги транспорт воситаларини ушлаб туришга асос бўлмайди.

Бошқача айтганда, ҳайдовчининг ёнида суғурта полиси бўлмаса ёки суғурта полиси умуман расмийлаштирилмаган бўлса, фақат жарима солинади, лекин машина жарима майдончасига олиб кетилмайди.


👉 https://t.me/joinchat/AAAAAFk9F5HBjXEMajy9ZQ

​​ЮРТИМИЗДА КОРОНАВИРУСДАН СОҒАЙГАНЛАР СОНИ 53 МИНГ НАФАРДАН ОШДИ

🔺2020 йил 30 сентябрь соат 17:30 ҳолатига кўра, Ўзбекистонда коронавирус инфекцияси қайд этилганлар сони 56 717 (+198) нафарни ташкил этмоқда.

🔴Янги касалланиш ҳолатларининг:
📌148 нафари Тошкент шаҳрида,
📌25 нафари Жиззах вилоятида,
📌17 нафари Андижон вилоятида
📌 8 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

⚫️Шу билан бирга, 2 нафар коронавирусга чалинган бемор вафот этди.

📊Бугун айни пайтга қадар:
📌Тошкент шаҳрида 234 нафар,
📌Тошкент вилоятида 47 нафар,
📌Наманган вилоятида 27 нафар,
📌Жиззах вилоятида ҳам 27 нафар,
📌Андижон вилоятида 20 нафар,
📌Самарқанд вилоятида 12 нафар,
📌Хоразм вилоятида 9 нафар,
📌Навоий вилоятида 8 нафар,
📌Қорақалпоғистон Республикаси, Қашқадарё ҳамда Сурхондарё вилоятларида 4 нафардан бемор тузалди.

🟢 Шундай қилиб, юртимизда 53 366 (+396) нафар коронавирус инфекциясига чалинган фуқаролар (94 фоиз) соғайган.

❗️Ҳозирда мамлакатимизда 2 881 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

https://t.me/joinchat/AAAAAFk9F5HBjXEMajy9ZQ

#бир_оз_юмор

— Багажникни очинг, бир
текшириб қўяй.
— Командир, келинг, шу багажни очмайлик, 100 минг сўм бераман.
— Нималар деяпсиз?! Очинг тез! Кўриб қўяман.
— 200 минг берай...
— Майнавозчилик қилмай, багажни очинг!
— 300 мингга келишайлик, командир...
— 500 минггаям кўнмайман. Ҳозирнинг ўзида багажни очасиз!
— Менинг охирги гапим — 1 миллион сўм бераман.
— Мениям охирги сўзим шу — багажни очасиз.
— Мана, марҳамат, очдим.

ГАИ ходими не кўз билан кўрсинки, багажда иккита
тарвуздан бўлак ҳеч нарса йўқ экан.

— Нимага бошимни котириб, шунча пул таклиф килдингиз?
— Ҳа энди, командир, сиз билан бир "ПОЛЕ ЧУДЕС" ўйнадик-да...


👉 https://t.me/joinchat/AAAAAFk9F5HBjXEMajy9ZQ

​​БУГУН АЙНИ ПАЙТГА ҚАДАР ЮРТИМИЗДА 393 НАФАР КОРОНАВИРУСГА ЧАЛИНГАН БЕМОР СОҒАЙДИ

🔺2020 йил 29 сентябрь соат 17:00 ҳолатига кўра, Ўзбекистонда коронавирус инфекцияси қайд этилганлар сони 56 252 (+184) нафарни ташкил этмоқда.

🔴Янги касалланиш ҳолатларининг 176 нафари Тошкент шаҳрида, 8 нафари Тошкент вилоятида тана ҳарорати кўтарилганлиги ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

⚫️Шу билан бирга, 2 нафар коронавирусга чалинган бемор вафот этди.

📊Бугун айни пайтга қадар:
📌Тошкент шаҳрида 248 нафар,
📌Тошкент вилоятида 106 нафар,
📌Андижон вилоятида 12 нафар,
📌Самарқанд вилоятида 10 нафар,
📌Қорақалпоғистон Республикасида 9 нафар,
📌Қашқадарё вилоятида 7 нафар,
📌 Фарғона вилоятида 1 нафар бемор тузалди.

🟢Шундай қилиб юртимизда 52 859 (+393) нафар коронавирус инфекциясига чалинган фуқаролар (94 фоиз) соғайган.

❗️Ҳозирда мамлакатимизда 2 928 нафар беморга шифокорларимиз томонидан белгиланган стандартлар бўйича даво чоралари кўрилмоқда.

Соғлиқни сақлаш вазирлиги
Жамоатчилик билан алоқалар бўлими.

https://t.me/joinchat/AAAAAFk9F5HBjXEMajy9ZQ

Якшанба гумбурлаган ўқ овозлари садоси остида бошланди. Дунёдаги энг баҳсли ҳудудларлан бири ҳисобланувчи Тоғли Қорабоғ яна озар-арман қарама-қаршилиги марказига айланмоқда. Жанг майдонида тасвирга олинган айрим видеолавҳалар ижтимоий тармоқларда тарқалишга улгурди.

Хабарларга кўра ушбу ҳаракатлар фонида Қорабоғда 18 ёшдан ошган эркакларни умумий сафарбарлик ишлари олиб борилмоқда. Унга аллақачон 10 минг киши қуролли кучларга қўшилгани айтилади.

🇦🇿 Озарбайжон Қуролли Кучлари қўмондонлиги бутун фронт чизиғи бўйлаб қарши ҳужум операциясини бошлашга қарор қилишган. Вазирлик шунингдек, Қорабоғда Озарбайжон ҳарбий-ҳаво кучларининг жанговар вертолёти уриб туширилгани, экипаж аъзолари тирик эканлигини хабар қилди. Таъкидланишича, Aрманистоннинг ҳаво ҳужумидан мудофаа бўлинмаларининг "ОСA" зенит-ракета тизимларининг 12 та бўлинмаси турли йўналишларда йўқ қилинган. Ўз навбатида, Aрманистон Мудофаа вазирлиги Тоғли Қорабоғдаги жанглар пайтида Озарбайжон Ҳарбий Кучларининг учта танки йўқ қилинганлигини хабар қилмоқда.

🇹🇷 Туркия бу можарода Озарбайжонни қўллаб-қувватлашини маълум қилди. Туркия президентининг расмий вакили Иброҳим Калин "Ереван сулҳ битимини бузганини, тинч аҳолига ҳужум қилиб, тинчлик ва барқарорликка қарши эканлигини намойиш қилганини" айтиб ўтган. Шунингдек, Калин халқаро ҳамжамият провокацияларни тўхтатиши кераклигини қўшимча қилди.

🇷🇺 РФ расмийлари эса томонларни музокара столига ўтиришга чақиришмоқда: «Тоғли Қорабоғдаги можаро томонлари ўт очишни тўхтатиши ва музокара столига ўтириши зарур. Можароларнинг ҳеч бири жанг майдонида ҳал этилмаслиги керак» — бу ҳақда Россия Федерация Кенгаши халқаро ишлар қўмитаси раисининг биринчи ўринбосари Владимир Джабаров маълум қилди.

Маълумот учун, 1991 йилда асосан арманлар яшайдиган Тоғли Қорабоғ Озарбайжондан мустақиллигини эълон қилган эди. Боку эса ушбу минтақани куч билан қайтаришга уринди. 1994 йилда Озарбайжон, Aрманистон ва тан олинмаган Тоғли Қорабоғ Республикаси, Россиянинг воситачилигида сулҳ протоколини имзолашди. Жорий йилнинг июл ойида Aрманистон-Озарбайжон чегарасида, Қорабоғдан 300 километр узоқликда навбатдаги тўқнашувлар содир бўлди. Икки томондан ҳам қурбонлар борлиги маълум қилинди.

p.s. Воқеалар ривожини «23.5° бурчак остида» каналимиз орқали кузатиб боришингиз мумкин.


👉 https://t.me/joinchat/AAAAAFk9F5HBjXEMajy9ZQ

ЮРТИМИЗДА КОРОНАВИРУС ҚАЙД ЭТИЛГАНЛАР 55 МИНГ НАФАРДАН ОШДИ

🔺2020 йил 27 сентябрь соат 10.00 ҳолатига кўра, Ўзбекистонда коронавирус инфекцияси қайд этилганлар сони 55132 (+179) нафарни ташкил этмоқда.

❗️Янги касалланиш ҳолатларининг:
📌97 нафари Тошкент шаҳрида,
📌27 нафари Наманган вилоятида,
📌17 нафари Самарқанд вилоятида,
📌12 нафари Сурхондарё вилоятида,
📌12 нафари Фарғона вилоятида,
📌7 нафари Қорақалпоғистон Республикасида,
📌7 нафари Тошкент вилоятида тана ҳарорати кўтарилганлиги боис профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

⚫️Шу билан бирга, 2 нафар коронавирусга чалинган бемор вафот этди.

🟢Айни пайтда юртимизда 51458 нафар коронавирус инфекциясига чалинган фуқаролар (93 фоиз) соғайган.

🔴Ҳозирда мамлакатимизда 3218 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 719 нафари оғир, 294 нафари эса ўта оғир аҳволда.

Соғлиқни сақлаш вазирлиги
Жамоатчилик билан алоқалар бўлими.

https://t.me/joinchat/AAAAAFk9F5HBjXEMajy9ZQ

Ilon Mask: Marsda o'lishni orzu qiladigan milliarder

Eshli Vensning "Ilon Mask" kitobini ikkinchi marta o'qib chiqdim, aniqrog'i audio kitobini tingladim.

Kitob "SpaceX" va "Tesla" kompaniyalari asoschisi Ilon Mask biografiyasiga bag'ishlangan.

Albatta, o'qishingizni qattiq tavsiya qilaman.

Kitobni o'qib, Ilon Maskning hayotiy e'tiqodi haqida shunday xulosaga kelish mumkin: fizika qonunlariga zid kelmasa, har qanday narsani amalga oshirish mumkin.

Mask tashkil qilgan kompaniyalar kamida uch sohada inqilob yasadi: onlayn to'lov tizimi (PayPal), avtosanoat va energiya (Tesla) hamda fazo industriyasi (SpaceX).

"PayPal" (dastlabki nomi X.com) orqali u gigant banklar shu paytgacha amalga oshirmagan ishni bajardi: internet-bank va onlayn to'lov tizimlarini boshlab berdi.

"Tesla" orqali nafaqat avtonasoatni, balki energiya dunyosini titratdi: elektromobillarning ommalashishi ortidan an'anaviy avtomobil sanoati yo'q bo'lish arafasida turibdi; batareya va quyosh energiyasi bo'yicha yaratgan kashfiyotlari esa bir necha asrlik neft va ko'mir sanoatining tomiriga bolta urmoqda.

"SpaceX" esa imkonsiz narsani ro'yobga chiqardi: shu paytgacha xususiy kompaniyalar u yoqda tursin, faqat sanoqli davlatlar hukumatlari shug'ullana olgan kosmik industriyada nafaqat muvaffaqiyatli biznes qura oldi, balki qayta foydalanish mumkin bo'lgan raketalar yaratib, sohada misli ko'rilmagan inqilob yasadi.

Maskning maqsadi insonlarni bir necha planetalarda yashaydigan mavjudotga aylantirish. "SpaceX"ni shu maqsadda tashkil qilgan. Maqsadi Mars sayyorasida koloniya qurish va umrining so'nggi yillarini o'sha yerda o'tkazish. Unga ko'ra, odamzotda boshqa chora ham yo'q; chunki sun'iy intellekt shu darajada kuchayib ketadiki, u inson nazoratidan chiqib, odamning o'ziga qarshi urush boshlashi mumkin ("Terminator" filmini eslang). Shu bois ozamzot Yerni tark etib, boshqa sayyoraga ko'chish uchun tayyor turishi kerak, deydi u. Bular hazil emas, Mask haqiqatda yuz berishiga o'zi ishonadigan farazlar.

Kitobda Ilon Maskning shaxsiyati ham yaxshi ochib berilgan. Ish va biznesga kelganda, u juda shafqatsiz. Xodimlariga haddan ziyod talabchan. Ulardan 15-16 soatlab ishlashni talab qiladi. Vazifasini bajara olmaganlarni ayab o'tirmaydi, o'sha zahotiyoq ishdan bo'shatadi.

Bir misol: o'n yildan ziyod shaxsiy yordamchisi bo'lgan, barcha kundalik ishlari va rejalarini boshqarib boradigan ayolni oyligini oshirishni so'ragani uchun haydab yuborgan. Aslida Mask uchun bitta xodimning oyligi muammo emas, ammo u asossiz talab va shikoyatlarni qabul qila olmaydi. Oyligini oshirishni so'ragan yordamchisiga ikki hafta ta'tilga chiq, o'ylab ko'raman, deydi. Yordamchisi ketgandan keyin uning ishlarini ikki hafta o'zi bajaradi. Qaytib kelgandan keyin, senga ehtiyojim yo'q ekan, deb ishdan bo'shatadi.

Bu jihatlari bilan u afsonaviy Stiv Jobsga o'xshab ketadi. Lekin inson sifatida Mask "Apple" asosichisi Jobsdan yaxshiroq deb o'ylayman. Ilm-fan va texnologiyaga qo'shgan hissasi bo'yicha ham Maskning yutuqlari ko'proq.

Ayni paytda Mask o'zi uchun ham juda talabchan. Har kuni 15-20 soatgacha ishlaydi. Ofisida yotib qoladigan kunlari ko'p bo'ladi.

Dunyoning eng boy odamlaridan biri bo'lishiga qaramay, dam olishni, boshqaruvni boshqalarga berishni o'ylamaydi. Kompaniyalarini, ular yaratayotgan yangi mahsulotlarni shaxsan o'zi nazorat qiladi, muhim ishlarni detallarigacha o'zi boshqaradi.

Mask shunchaki yaxshi menejer emas, balki qilayotgan ishini juda yaxshi biladigan rahbardir. Avtomobil va batareyalardan tortib, raketa yaratishgacha bo'lgan barcha ishlarning dizaynida ham, muhandislik ishlarida ham shaxsan o'zi ishtirok etadi.

Ilon Mask serfarzand bo'lish tarafdori ekan. Aqlli odamlar o'zlaridan ko'proq zurriyot qoldirishi kerak, deydi u. 49 yoshli Maskning besh o'g'li bor.

Yaxshi bir yangilik: Kitob muallifi Eshli Vens bilan "Twitter" orqali gaplashdim. Uning kitobi tez kunlarda O'zbekistonda ham chop etilar ekan. Nashr qilish huquqi "Azbo" nashriyotiga berilibdi.

https://t.me/joinchat/AAAAAFk9F5HBjXEMajy9ZQ

​❗️189 балл можароси: имтиёзлар нотўғри қўлланган, абитуриентлар ўрни қайта ҳисоб-китоб қилиниши керак

Хабарингиз бор, жорий йилда кўплаб йўналишларда 189 балл олган абитуриентлар грантга кира олмай, контрактга тавсия этилгани жамоатчиликда эътирозларни келтириб чиқармоқда.

Жумладан, турли халқаро ва республика миқёсидаги танловларда ғолиб бўлган спортчилар имтиёзли равишда берилган квота доирасида грантга қабул қилинди. Натижада кўплаб йўналишларда 189 балл олганлар контрактга тушиб қолди.

Ҳозир имтиёзлар бериш тизими қай даражада адолатсиз эканлиги ҳақида гапирмоқчи эмасман. Бу масалага алоҳида тўхталаман. Ҳозир бошқа жиҳатга эътиборингизни қаратмоқчиман.

❓Хўш, спортчилар квота ичида қабул қилиниши керакмиди ёки бошқалар халақит қилмасдан квотадан ташқарими?

ДТМ берган расмий баёнотга кўра, Вазирлар Маҳкамасининг 13.10.2008 йилдаги 226-сон қарорига кўра, спортчилар мавжуд квота ичида қабул қилиниши керак. Ҳа, ҳақиқатдан ўша 12 йил олдинги ҳужжатда шунақа ёзилган.

Аммо жорий йилнинг бошида, аниқроғи 2020 йил 24 январь куни Ўзбекистон Республикаси Президентининг ПФ-5924-сонли Фармони қабул қилинган. Мазкур фармоннинг 12-бандида қуйидагича қоида белгиланган:

«12. Ўзбекистон Республикаси Жисмоний тарбия ва спорт вазирлиги, Халқ таълими вазирлиги, Олий ва ўрта махсус таълим вазирлиги, Молия вазирлигининг 2020 йил 1 февралдан бошлаб спорт соҳасидаги ютуқларни муносиб равишда рағбатлантиришни назарда тутувчи қуйидаги таклифларига розилик берилсин:

а) олимпия ва паралимпия спорт турлари бўйича Олимпия ва Паралимпия ҳамда Осиё ва Параосиё ўйинлари, жаҳон, Осиё ва республика чемпионатларида охирги уч йилда ғолиб ва совриндор (1 — 3 ўрин) бўлган спортчи-ўқувчиларни Ўзбекистон Республикаси Давлат бюджети маблағлари ҳисобидан молиялаштириладиган олий таълим муассасаларига (тиббиёт йўналишидан ташқари) қўшимча давлат гранти асосида имтиҳон синовларисиз қабул қилиш;»

Кўриб турганингиздек, Президент фармонида спортчиларга қўшимча давлат гранти ажратилиши белгилаб қўйилган. Яъни улар бошқа билимлиларга халақит бермаслиги керак эди.

«Норматив-ҳуқуқий ҳужжатлар тўғрисида»ги қонунга кўра, Президент фармони Вазирлар Маҳкамаси қароридан устун туради ва 2 хил қоида келтирилган бўлса, Президент фармонида белгилангани кучга эга бўлади.

‼️Шунга кўра, квота ичида қабул қилинган барча спортчиларга қўшимча грант ажратилиши керак ва натижада қолганларнинг ўрни қайта ҳисобланиши лозим, деб ҳисоблайман.

Шунингдек, ижтимоий тармоқларда жисмоний тарбия ва спорт вазири 18 сентябрь куни имзолаган хат нусхаси тарқалди. Ҳақиқийлиги ҳозирча расман тасдиқланмаган ушбу хатга вазирлик имтиёз берилиши керак бўлган спортчилар рўйхатини илова қилган ҳамда улар умумий қабул параметрларидан ташқари қўшимча давлат гранти асосида ўқишга қабул қилиниши ҳақида ёзилган.

Мазкур ҳолат бўйича масъул ташкилотлардан расмий изоҳ кутиб қоламиз.

❗️P.S.: лекин яна бир нарса, агар барча спортчилар қўшимча квотага ўтказилгани билан, 189 балл олганларни грантга киришига тўсқинлик қиладиган яна бир тоифа имтиёзчилар барибир сақланиб қолиши мумкин. Булар "Темурбеклар мактаби" битирувчилари бўлиб, уларга қўшимча балл берилади ва уларнинг кўпчилигининг баллари 189 баллдан ошиб кетган. Ҳа, шунақа, Ўзбекистон ана шундай мантиқсиз имтиёзлар мамлакати. Бу мавзуга яна қайтамиз.


👉https://t.me/joinchat/AAAAAFk9F5HBjXEMajy9ZQ