G’ayrat, fidbek faqat salbiy bo’lmaydi

Fidbekdan maqsad xodimga turtki berishdir.

Kamchiligini aytish fidbekdir va buni aksarimiz qilamiz.

Yutug’ini aytish ham fidbek va buni juda kamimiz qilamiz.

Maqtov ko’pchilikka yoqadi, senga ham, menga ham.

50% fidbeking ijobiy bo’lishi kerak. O’zimda ham kam, ko’paytiryapman.

Ko’rgan yaxshi ishingni maqtayver — bu uning samarasiga ijobiy ta’sir qiladi.

Xavfsizlik va ta’minotga javobgar menejerimiz biz e’tibor qilmaydigan ko’p jiddiy risklarni, hodisalarni aytib turadilar.

Kecha uydan ishlagan edim, kechga yaqin bog’lanib ehtimoliy bir xavfni aytib qoldilar, o’zim e’tibor qilmagan ekanman.

Aytganlarini jiddiy olib, tezda chora ko’rdik, chora ko’rmasak haqiqatdan ham muammo bo’ladigan holat ekan. Rahmat Jasur aka)

Boshqa hamkasbingdan eshitgan bo’lsang ham, yetkaz — u e’tibor his qiladi.

Ikki oycha avval moliya menejerimiz hisobchilaridan birining ishidan juda hursand ekanliklarini menga aytdilar.

Adashmasam, ertasigayoq moliya bo’limiga kirganimda, o’sha xodimga o’zim ham mamnunligimni qo’shib, habarni yetkazdim. Ular juda hursand bo’ldilar.

Yaxshi gapga ilon inidan chiqadi, degan gap bekorga emas, ukajon.

@boshqaruvchiga