P Brain

Shu holat rostmi deb so'rasangiz, Ha, afsuski bu haqiqat. Janubiy Koreya vaziyati haqida gapiradigan bo'lsam, rostdan ham bu yerga keladigan O'zbek yoshlari asosan ikki xil maqsadda kelishadi, biri o'qish uchun bo'lsa, ikkinchisi ishlash uchun. Bu yerda o'qiyotgan O'zbek talabasi sifatida ayta olamanki, ikkala turdagi yoshlar bilan ham uchrashganman, ularni hayot tarzi qanday ekanligi haqida ham bilaman. Lekin hozir nafaqat Koreyada, balki dunyoning boshqa bir burchagida o'qiyotgan bazi O'zbek yoshlariga aytadigan gaplarim bor:
" Bilaman, pul topayapsiz, uyingizga pul jo'natib ozmi ko'pmi ota-onangizga yordam berishni hohlaysiz. Lekin hurmatli, ukam, singlim yoki tengdoshim, bir o'ylab ko'ring bu hayot tarzi bilan nimalarga erishasiz, 5 yildan keyin hayotingiz qanday bo'ladi. Siz uyingizga jo'natib to'playotgan pulingiz bilan mashina-yu, uylarni orttirarsiz, lekin o'zingizchi, sizga nima bo'ladi? 4 yil oldin maktabni endigina bitirgan, o'rganishni yoqtiradigan, orzulariga erishishni hohlaydigan, yaxshi kelajakka umid qilayotgan o'zingizga nima deb javob berasiz? Mayli biroz mol dunyoli bo'larsiz, lekin o'ylang, siz bir chet davlatidagi universitetda o'qib qaytdingiz, lekin miyyangizda 4 yil ishlagan paytingizdagi xotiralaringiz, instagramdagi chiroyli rasmlarga to'la sahifangiz va biroz pulingizdan boshqa hech narsa yo'q, diplomingiz bo'lgani bilan hech qayerda sizni ishga olishmaydi, sababi universitetda yaxshi o'qimagansiz. Shuncha yil umringiz shunchaki bekor ketgani qolmaydimi.
To'rt yil qora ishchi bo'lib yashab, to'rt yildan keyin ham qora ishchi bo'lishda davom etmasligingiz kerakligi haqida o'ylang. "Sendan itimos qilib so'rayman, qilolmaysan, endi foydasi yo'q deyishsa ham o'rganishdan, dunyoqarashingni oshirishdan, o'qishdan to'xtama, sen yaxshiroq kelajakka arizyasan!
Matn "Shunday hayotini tanlab adashgan, orzulari birma bir vayron bo'lganini 4 yil kuzatib turgan va hozir afuslanyotgan O'zbek talabasi bilan suhbatdan ilhomlanib yozildi"

Kyung Hee University talabasi Husan Qarshiboyev