Д И Қ Қ А Т, Т А Н Л О В !

Хоразм вилоят суди номзодларни кадрлар захирасига киритиш, шунингдек қуйидаги вакант лавозимларга ишга қабул қилиш учун танлов эълон қилади:

1. Фуқаролик ишлари бўйича Урганч туманлараро судининг архив мудири лавозимига;
2. Жиноят ишлари бўйича Янгиариқ туман судининг архивариуси лавозимига;
3. Жиноят ишлари бўйича Шовот туман судининг архивариуси лавозимига;
4. Жиноят ишлари бўйича Хива туман судининг архивариуси лавозимига;
5. Жиноят ишлари бўйича Тупроққалъа туман судининг архивариуси лавозимига;
6. Урганч туманлараро иқтисодий судининг судья ёрдамчиси лавозимига.

РАСМИЙ ТАЛАБЛАР:

Танловда олий юридик маълумотли ҳамда ўрта-махсус юридик маълумотга эга бўлган (Олий юридик таълим муассасасида ўқиётган) номзодлар қатнашиши мумкин.

Номзодлар қуйидаги билим - кўникмаларга эга бўлиши зарур:

- суд-ҳуқуқ соҳасидаги қонунчиликдан хабардор бўлиш;
- процессуал қонун ҳужжатларини билиш (йўналишлар бўйича жиноят, фуқаролик ва иқтисодий);
- архивда иш юритишга оид меъёрий ҳужжатларни билиш;
- компьютер ва бошқа техника, зарур дастурий таъминотлардан фойдалана олиш.

Танловда иштирок этиш истагини билдирганлар Хоразм вилоят судининг Кадрлар бўлимига қуйидаги ҳужжатларни тақдим этишлари лозим:
- ариза;
- номзоднинг ўзи ва яқин қариндошлари тўғрисидаги маълумотнома (объективка);
- диплом нусхаси, чет элда ўқиган бўлса, дипломи тан олиш ва нострификациядан ўтганлигини тасдиқловчи гувоҳнома (агарда номзод олий таълим муассасасида ўқиётган бўлса, ўқиш жойидан маълумотнома);
- фуқаролик паспорти нусхаси;
- меҳнат дафтарчаси нусхаси (биринчи марта ишга кираётган шахслар бундан мустасно);
- хорижий тилни билиш бўйича сертификат (мавжуд бўлса).

Аризалар 2025 йил 24 январь куни соат 17:00 га қадар қабул қилинади.

Номзодларни танлов асосида саралаш, улар орасидан энг малакали ва муносиб номзодларни танлаб олиш учун вилоят суди Комиссияси томонидан суҳбат ўтказилади.

Манзил: Урганч шаҳри, “Тинчлик” кўчаси, 22-уй.
Телефон: +99862 227-79-77 (90021)

Каналга уланиш: @Xorazmviloyatisudlari