Xichtima

Yoʻq, har yarim soatda qizidan rasm tashla, video tashla deb yuradigan bola emasligim uchun shukr qilishim kerak aslida)

Fikrlarimni ovozli habar qilaman. Yozishga erindim)

Teatrga borsakchi?

@shamsiqamar_Uz

Bugun "Martin Iden" sahnalashtiriladi ekan. Mendayam birinchi tajriba bu. Toʻgʻri, qanaqadir mashhur teatr binosi emas. Kamgina odam borsa kerak. Lekin menga qiziq bu asarni qanday sahnalashtirish...

Sherik boʻlinglar. Bir kishi boʻlib borishga uyalaman)

Bilasizlarmi nima, oʻsha real hayot jirkanch. Oʻzini jamiyatdagi oʻrnidan faxrlanib qoʻyishadi restoranda dostavshiklarga koʻz qirida qarab oʻtirgan yigitlar, qish va bolalar paypoq suv oʻtkamaslik xususiyatiga ega emasligini tushunishgan paytda, otalar issiqqina choyxonada oshqozonni qaynatadigan aroq ichib oʻtirishgan boʻladi, kulib va kulishib. Erta oila tufayli butun hayotini yutqazganini tushungan ona qoʻlidan hech narsa kelmasligini anglab, bolasini kaltaklaydi. Kim soʻrasa tarbiya uchun, lekin kimdir aytganmi bolani oʻzingni kayfiyating yoʻqligida tarbiya qila olmasliging haqida. Farqi yoʻq yoshing 20 yoki 16, baribir oʻsha krasofkalarga oynadan qarashga majbursan. Jirkanch odamlar toʻlgan tushunarsiz va ogʻriqli joy bu hayot. Tasavvurlarimiz va reallik juda farqli, boʻlmasa haqiqiy sevgi atamasi paydo boʻlmasdi. Ha, hamma tuygʻulardagi haqiqiy yolgʻon paydo boʻlmasdi. Biz shunchalik ishonamiz haqiqiy sevgi yoʻq ekaniga, lekin qabul qilmaymiz. Qabul qilishimiz kerak. Bu hayot ogʻriq

Meni hayotimni yutqazishim, omadim kelmasligi va umuman hammasi qachondir jannat bilan mukofotlansa, agar vaʼdaga muvofiq shunday boʻlsa demoqchiman, u jannat menga kerakmas. Eng yaqin insonlarim azoblanishi evaziga keladigan jannat adolatdan deb hisoblamayman. Men yana 100 yil qiyinchilikka roziman. Lekin yaqinlarim men sabab qiynalishiga qarab turolmayapman

Butun olam keraksiz bir qancha soʻzlar bilan toʻlib toshgan. Mavridi boʻlmagan paytda ishlatilgan soʻz oʻzidan uyalib qotillik maʼnosizlik bilan baholanadi. Keraksiz joyda qoʻllangan bechora jumla oʻzining dunyosiga qaytishni, mitti qushcha oyisining qumursqalar olib kelib berishidan koʻproq kutyapti. Maqadsiz soʻzlar oʻzidan keyingi maʼnolarga ham taʼsirli. Buni insonlar samimiy emaslik' deb atashadi. Baʼzi keraksiz va maqsadsiz soʻzlar qorishmasi uni hazm etuvchi ong shuuriga suqilib borib, ichdan yemirish xususiyatiga egadir. Keraksiz joyda aytilgan dil izhori (bilmadim balki keraksiz odamga?), oʻrni almashgan "sizni yaxshi koʻraman" deb aytilgan ona sevgisi, bu yil "qishki kiyim shartmas" deguvchi bu moʻjazgina ogʻiz boʻshligʻi qalbdan chiquvchi soʻzlar qorishmasi ba'zan havogagina singib ketguvchidir. Toʻgʻri bu alamli, lekin unutmaslik kerakki ikki oyoqda yuruvchi qandaydir maxluqchalar koʻzini ochib nima koʻrishini tasavvur qilolmaydigan paytgacha shu soʻzlar qorishmasidan foydalandi. Soʻzlarni uvoli yomon. Kimga, nimaga, qachondir aytilmagan, xato qoʻllangan iboralar uvoli borligi aniq. Va aniqki, soʻzlar qargʻishi toʻgʻridan-toʻgʻri qalbga muhrlanadi

toʻgʻri, men adashgan boʻlishim mumkin. xato qilgandirman, bilmayman qanday, qachon boʻlgan u xato, esimda yoʻq. uni borligi ham nomaʼlum, lekin qalbimdan ayta olamanki, pushaymonman. afsusdaman. mening soʻzlarim yetib bormas. samimiy, arabcha biladigan aqlli, didli, yaxshi, xullas oʻzlari aytgandek Xudoga yaqin insonlar aytinglar, meni kechirsin.

mening soʻzlarim yetib bormayotgandek