✅Bugun yurtimizda yoshlar uchun yaratilayotgan imkoniyatlar koʻlami keng. Bu xoh san'at yoʻnalishi boʻlsin, xoh sport. Yaratilgan imkoniyatlardan eng chekka qishloqlarda yashovchi yoshlar ham chetda qolgani yoʻq.

Bugun Marhamat tumanidagi 37-umumta'lim maktabida ham xayrli tashabbus amalga oshirildi. Hududdagi tadbirkor tomonidan maktab oʻquvchilarini sportga boʻlgan qiziqishlarini oshirish, ularni sogʻlom turmush tarzi talablari asosida tarbiyalash maqsadida boks ring jihozlari topshirildi.

Ushbu jihozlarni topshirish arafasida yoshlar oʻrtasida boks boʻyicha musobaqa tashkil etildi. Ushbu musobaqada tuman hokimi oʻrinbosari A. Maxamatov,  O‘zbekiston Xalq demokratik partiyasi tuman kengashi raisi T.Mamajonov,  Xalq deputatlari Marhamat tuman kengashi deputati L.Abdukarimov O‘zbekiston Xalq demokratik partiyasining faol aʼzosi Olimpiya chempioni Muhammadqodir Abdullayev hamda faollar ishtirok etdilar hamda oʻquvchilarni sogʻlom turmush tarziga qoʻyilgan yana bir qadam bilan qutladilar.