Sadir Japarov «Amirsoy» changʻi kurorti maqtadi va Qirgʻizistonda togʻli hududlar koʻp boʼlishiga qaramay, shunday kurorti yoʻq ekanligini tanqid qildi.

«Davlatimiz hududining 94 foizini togʻlar egallaydi. Ettita hududimizning har birida shunday kurortlar boʻlishi mumkin edi. Lekin bizda ular deyarli yoʻq. Nima uchun? Chunki mustaqillikni qoʻlga kiritganimizdan buyon, oddiy odamlardan tortib prezidentlargacha biz faqat siyosat bilan shugʻullandik. Har kuni mitinglar oʻtkazdik, har kuni toʻylar boʻldi. Iqtisodiyot, turizm va boshqa muhim sohalarga e'tibor bermadik.

«Amirsoy» togʻ-changʻi bazasiga qarab, lol qoldim. Hamkasbim Shavkat Mirziyoev bu bazani noldan yuqori darajada qurib chiqibdi. Gap yoʻq. Barakalla.

Qanchadan-qancha odamlar ish bilan ta'minlangan. Millionlab turistlar bu erga dam olish uchun kelishmoqda. Servis darajasi Evropanikidan qolishmaydi. Hammasi yuqori darajada».