Allohning Rasulidan so'radilar: "Ummatingizning eng gunohkorlari kim?" (Mol-mulkini yaxshilik yo'lga sarf etmagan) boylar! Sizdan keyin bir to'p insonlar keladi, taomlarning eng tansig'ini yeyishadi, ulovlarning eng yaxshisini minishadi, xotinlarning eng go'zaliga nikohlanishadi, liboslarning eng jozibalisini kiyishadi, mushtdekkina medalari bo'ladi, lekin hech to'yishmaydi. Nafslari hakalak otgan bo'ladi, qanoat nimaligini bilishmaydi. Shu tor dunyoga tashlanadilar, tunlari allamahalgacha ishlab, yana sahardan ish boshlaydilar. Allohni qo'yib dunyoga sig'inadilar. Allohga emas, dunyo (nafslarining havoyi orzulari)ga itoat etadilar. Havoyi nafslariga beriladilar.
Abdullohning o'g'li Muhammaddan u kunlarga yetib borgan kimsalarga tavsiya shuki, unday ("boylar"¹) kishilar bilan uchrashib qolsalar, salom bermasinlar, xastalanganda borib ko'rmasinlar, o'lganida janozasiga qatnashmasinlar, kattalarini hurmat qilmasinlar. Kim ular ("boylar"¹)ga salom bersa, bemorlarini ziyorat qilsa, janozasiga qo'shilsa va kattalarini hurmat qilsa, islomiyatni yiqitishda ularga yordam bergan bo'ladi.


"boylar"¹ - bu yerda hamma boylar emas, aksincha faqatgina boyligini yaxshilik yo'lida sarflamagan, zakot bermagan, ehson qilmagan kishilar nazarda tutilgan.