Qoʻying kerak emas ortiqcha mehr,
Shunchaki hol soʻrang, qiling qoʻngʻiroq.
Kerakmas achinish, kerakmas maqtov,
Siz menga doʻst boʻling, doʻstdan yaxshiroq.

Qoʻying kerakmas buncha eʼtibor,
Salomlar aliksiz qolmasa boʻldi.
Shunchaki koʻnglimga qarang ozgina,
Yolgʻondan yuraklar toʻlmasa boʻldi.

Qoʻying kerak emas niqobli yuzlar,
Oldimda zoʻrsan deb ortimdan sotmang.
Borimga yor boʻlib, shamdayin erib,
Yoʻgʻimda yuz burib, tosh boʻlib qotmang.

Qoʻying kerak emas qalbaki qadr,
Qalbingiz toʻridan umid qilmadim.
Balki bu soddalik, balki bu kibor,
Menga shu toʻgʻridek yana bilmadim...

Pov: shu she'r negadir juda ham yoqadi🫶🏻