📣“Tarmoq – korxona – oliygoh” zanjiri amalda

🔔Bugungi kunda “O‘zbekiston texnologik metallar kombinati” AJ tomonidan sanoat uchun muhim minerallar va kukun metallurgiya sohasida malakali kadrlar tayyorlash borasida bir qator mahalliy va xorijiy universitetlar bilan hamkorliklar yo‘lga qo‘yilmoqda. Xuddi shunday hamkorliklardan biri Toshkent davlat texnika universiteti bilan ham o‘rnatilgan bo‘lib, kuni kecha mazkur universitetga “O‘zTMK” AJ delegatsiyasi tashrif buyurdi.

🖥Unda “O‘zTMK” AJ boshqaruv raisi Farxod Abdullayev va Toshkent davlat texnika universiteti rektori, akademik Sadritdin Turabdjanov tomonidan ikki tomonlama aloqalarni yanada rivojlantirish, “Tarmoq – korxona – oliygoh” zanjiri asosida kelgusida amalga oshiriladigan vazifalar xususida muzokaralar olib borilib, ikki tashkilot o‘rtasida hamkorlik memorandumi imzolandi. Universitet qoshida “Yapon yoshlar innovatsiya markazi” ham tashkil etilgan bo‘lib, u yerda mas’ullar zamonaviy laboratoriya imkoniyatlari bilan tanishishdi.

💠Shundan so‘ng tadbir ishtirokchilari “O‘zbekiston texnologik metallar kombinati” AJning Chirchiq shahridagi ishlab chiqarish zavodida bo‘lib, uning faoliyati hamda zavod hududida tashkil etilgan “Materialshunoslik” va “Metallurgiya” kafedralarining filiallarida yaratilgan shart-sharoitlar bilan yaqindan tanishishdi.

🗄🗄🗄🗄

🇺🇿O'zbekiston texnologik metallar kombinati matbuot xizmati.

🔵Facebook | 📷Instagram | 🚀Telegram